Koncertuja w cyrkwi
Wulke Zdźary. Nalětni koncert wuhotuje Slepjanski serbski folklorny ansambl sobotu, 18. apryla, w cyrkwi we Wulkich Zdźarach. Započatk je we 18 hodź. Zastup je darmotny, dary pak su witane. Syć za serbsku rěč a regionalnu identitu Zari kaž tež Załožba za serbski lud koncert podpěrujetej.
W narodnej drasće na bal
Ćisk. Ćišćanska serbska rejwanska skupina přeprošuje jutře, sobotu, na mjeztym dźesaty bal w narodnej drasće. Wón započnje so w 19 hodź. w hosćencu „K zelenemu wěncej“. Zastup płaći wosom eurow. Někotre zbywace zastupne lisćiki hišće maja. Přeprošeni su wšitcy, kotřiž chcedźa k dujerskej hudźbje rejwać. Žony njech so narodnu drastu – wšojedne z kotreho regiona – wobleku, to pak njeje wuměnjenje.
Dźeń měšćanskeho lěsa
We Wjeselu maja nowe ławki a blido
Dobyćerjo jutrowneje křižowki
Hospodarski plan schwalili
Twarske dźěła na Worklečanskej šuli dotal 33 000 eurow dróše hač planowane
Worklecy (JK/SN). Dźakowano dobremu pjenježnemu połoženju móže Worklečanska gmejna lětsa inwesticije w cyłkownym wobjimje 2,4 milionow eurow přewjesć. Tole zdźěli wjesnjanosta Clemens Poldrack (njestronjan) wčera na posedźenju gmejnskeje rady. Ćežišćo wostanje dale wohnjoškitne wuhotowanje tamnišeje wyšeje šule.
Štom lěta sadźa na nowym městnje
Pančicy-Kukow (SN/MWj). Wobswětowa a wučbna zahroda Křesćansko-socialneho kubłanskeho skutka w zahrodźe klóštra Marijina hwězda w Pančicach-Kukowje zahaji njedźelu, 26. apryla, swoju lětušu sezonu. Wot 14 hodź. su wopytowarjo na zabawne a wotměnjawe popołdnjo přeprošeni. Koncert Kamjenskich muzikantow Pastwineje hory, nalětnje wiki z poskitkom rostlin za balkon, terasu a zahrodu kaž tež zaběry za dźěći lubja rjane dožiwjenje za cyłu swójbu, rěka w přeprošenju CSB. Tež klóšterski wobchod budźe wočinjeny a hłódny a lačny nichtó wostać njetrjeba.
Na njepřećelnych hosći so hněwaja
Radwor (SN/MkWj). Tójšto mjerzanja měješe Radworska wjesnjanostka Madeleine Rjenčowa jutry w Radworju: Wona bě so dobrowólnym pomocnikam přidružiła, kotřiž kóždolětny nawal hosći rjaduja. W prěnim rjedźe dźe wo to, awta na přihotowane parkowanišća wodźić, mały popłatk zběrać a tomu zadźěwać, zo ludźo swoje awto cyle jednorje při dróze wotstaja, hdźež hnydom křižerjo nimo přińdu. Ludźo reaguja přiběrajcy lózysce a agresiwnje na pokiwy rjadowarjow, wjesnjanostka minjenu srjedu na posedźenju Radworskeje gmejnskeje rady rozprawješe. Přiwšěm su z ličbu wopytowarjow poprawom spokojom: Něhdźe 2 000 hosći su lětsa zličili. Wuraznje dźakowachu so tež radźićeljo dobrowólnym pomocnikam, kotřiž jutrowničku swój čas za porjad a wěstotu wopruja.
W Hodźiju zetkaja so jutře, sobotu, putnicy Jakuboweho puća. Z ...
Hana Nukec měsacaj w redakciji SN
Po lońšej maturje na Serbskim gymnaziju w Budyšinje je Nukničanka Hana Nukec žiwjenje na juhozapadźe Europy zeznała: Hač do januara dźěłaše wona w Barcelonje w mjezynarodnej pěstowarni. W kosmopolitiskej stolicy regiona Katalonskeje njeje jenož pilnje španišćinu wuknyła, ale tež dožiwjała, kak Katalanojo za swoju rěč a kulturu wojuja. W tym je 18lětna wjele paralelow ze Serbami spóznała, najebać to, zo je Katalanow wjele wjac hač Serbow. Potom je z přećelku ze Španiskeje do Marokka lećała, sej krótkodowol w Marakešu popřała a tamniše žiwjenske wašnje zeznała. W februaru a měrcu poby zaso w Španiskej, tón raz w Sevilli a Andaluziskej a chodźeše na kurs španišćiny. Nětko Hana Nukec hač do kónca meje w redakciji Serbskich Nowin (SN) dźěła. Nastork je wot Celiny Knopec dóstała, kiž bě jej wo swojich nazhonjenjach w teamje SN powědała.
Krótkopowěsće (17.04.26)
Mylnje wobrazy nahich pokazali
Berlin/Slepo. Wužiwanje zešiwka z wobrazami nahich muži při splažnym kontakće, kotrehož dla je nawoda Slepjanskeje wyšeje šule Jan Hrjehor projekt 9. lětnika hižo prěni dźeń přetorhnył, bě misnjenje, kotrež nošer „Socialistiska młodźina Němskeje – Sokoljo“ wobžaruje. Zwjazkowa předsydka Micki Börchers rjekny, zo běše zešiwk mylnje mjez materialijemi za paslenje.
Domowina ma nowy design
Wojerecy. Nowu webstronu Domowiny stej nawodnica za wizuelnu komunikaciju a design, Veronika Bjarš, a nowinska rěčnica Domowiny, Božena Šimanec, wčera we Wojerecach předstajiłoj, hdźež zastupjerjo župow a čłonskich towarstwow z předsydu Dawidom Statnikom wuradźowachu. Wot zašłeje wutory přistupna strona je po słowach Veroniki Bjarš dalewuwiće wobstejaceho designa.
Dobyćerjow wuznamjenili
Přichod wobchadneje straže njewěsty
Wobchadna straža Budyskeho wokrjesa wukonja wažne dźěło za wěstotu w nadróžnym wobchadźe – předewšěm na dobro dźěći. Jeje přichod pak je wohroženy, jeli problem njerozrisaja, kiž budźe bórze akutny.
