Krótko do wulkich prózdnin wuhotuje KOST – skrótšenka woznamjenja Kooperacija šule a dźiwadła w Sakskej – lěto wob lěto Zetkanje šulskich dźiwadłow. Hłowny zaměr je zmóžnić dorostowym cyłkam wšitkich spartow jewišćoweho wuměłstwa so zjawnje prezentować. Nimo toho ma mjezsobnej wuměnje akterkow a akterow, ale tež pedagogow a nawodow polěkować. A cyle připódla je wobstajne wabjenje za mysličku, dźiwadźelenje skónčnje jako regularny šulski předmjet zawjesć.

„Mut“, drjewjana skulptura Simone Carole Levy, 2021 zdźěłana we wobłuku 15. mjezynarodneje rězbarskeje dźěłarnički při Miłočanskej skale Foto: Feliks Haza