Widźał, słyšał, napisał (07.04.26)
Šwedske wjesne towarstwo Mjällby AIF je loni kedźbnosć zbudźiło, a to nic jenož swojich wulkich sportowych wuspěchow dla. Pomjenowanje dr. Karla Mariusa Aksuma za noweho šeftrenarja je krok, kotryž móhł za towarstwo kaž tež za cyły koparski sport směrodajny być. 35lětny Norwegčan je njedawno naslědnistwo Andersa Torstenssona nastupił, kotryž poziciju techniskeho direktora přewozmje.
Aksuma wobhladuja jako „mastermind“ za sensaciskim mišterstwom towarstwa. Mjällby, kiž pochadźa z idyliskeje rybarskeje wsy z jenož 1400 wobydlerjemi, doby loni nazymu z jimacymi 75 dypkami z cyłkownje 30 hrow mišterstwo a přetrjechi dotalny rekord ligi wo wosom ličakow. Tónle triumf je so w koparskim swěće wo wysoke žołmy postarał a Aksuma do srjedźišća sunył.
Widźał, słyšał, napisał (09.03.26)
Awtor dźensa
Clemens Šmit
Olympiski duch – je wón was tónraz zhrěł? W Mailandźe a Cortinje d’Ampezzo wojuja tuchwilu sportowcy a sportowče ze zbrašenjom abo z handicapom wo medalje w zymskich disciplinach. Na paralympiskich hrach dopokazuja, kajke ekstremne wukony zamóže čłowjek docpěć. Tola mjeztym rěči a piše so wottam hižo wo nalětnich olympiskich hrach. A wobrazy pokazuja, zo słónčko tež w sewjernej Italskej hižo zymu rozžohnuje. Němski atlet Marco Maier je wčera z krótkim trikowom a w krótkich cholowach na sněhakach startował. Skerje skurilny napohlad, a wón njebě jenički. Naposledk je sej Maier bronzowu medalju wudobył. Gratulaciju! Při zahajenju wšak paralympiske hry cyle tak słónčne njeběchu. Němscy zastupjerjo a zastupjerki běchu wotewrjensku galu bojkotowali, dokelž ruscy atleća a atletki prěni raz zaso pod swójskej chorhoju startowachu.
Widźał, słyšał, napisał (02.02.26)
Zyma ma nas nětko hižo někotre tydźenje w horšći. Na smykačach smy hižo stali, ze sankami su mnozy hižo po puću byli, a tež dosć sněha za sněhakowanje po dołhich čarach je hižo ležało. Za Delany móžu rěčeć a wěm, zo deski za sněhakowanje tu mnozy doma maja a je tež rady wućahnu.
Ale sněhakowanje po dołhich čarach je podhódnoćene! Hižo srjedź januara wobdźělištaj so Serbaj na Dolomitowym běhu w Awstriskej. To je wulki mjezynarodny běh za lajkow. A to 20 abo 40 kilometrow, pak klasisce abo skating. Florian Bejmak a Roman Behr běštaj Serbaj, kotrajž so lětsa tam wuspytaštaj a derje wotrěznyštaj. Florian Bejmak běše na skatingu 40 kilometrow 76. wot 221 startowarjow. Roman Behr bě w samsnej discplinje 20 kilometrow po puću a bě 124. wot 199. W klasiskim stilu běštaj wobaj 40 kilometrow po puću – Bejmak bě 89. wot 350 a Behr 169.! Dobre to wukony za Łužisku dwójku.
Widźał, słyšał, napisał (29.12.25)
Awtorka dźensa
Tereza Wićazowa
Kóžde nowe lěto započina so za mnohich ludźi ze samsnym prašenjom: „Što su moje sportowe předewzaća?“ Hač kila wotbyć, swójsku fitnes polěpšić abo prosće wjace pohiba do wšědneho dnja zapřijeć – motiwacija je často wysoka. Kak dołho pak ludźo tute předewzaća woprawdźe dodźerža? Po jednym tydźenju je něhdźe tři štwórćiny hišće dodźerža, po jednym měsacu pak je hižo něhdźe 80 procentow zwrěšćiło. Druhi pjatk w februaru so často tež „quitter´s day“ mjenuje, štož woznamjenja dźeń spušćenja resp. cofnjenja. Statistiki pokazuja, zo jenož něhdźe 20 do 30 procentow ludźi swoje sportowe zaměry dołhodobnje sćěhuje. Tuta ličba njeje runjewon pozbudźowaca. Z njej zwisuja pak někotre zajimawe dopóznaća.
Widźał, słyšał, napisał (08.12.25)
Awtor dźensa
Clemens Šmit
Widźał, słyšał, napisał (17.11.25)
Awtor dźensa
Jurij Bjeńš
Widźał, słyšał, napisał (06.10.25)
Štóž prawidłownje sportuje, lube čitarki a lubi čitarjo, to znaje: Po běhu, kolesowanju abo płuwanju čuješ so prosće lěpje – nic jenož ćělnje, ale tež dušinje. A dokelž njeje to jenož tajke začuće, ale wědomostnje podkładźene, móže sportowanje respektiwnje prawidłowne hibanje tež ludźom z depresijemi pomhać. Depresije liča k najčasćišim psychiskim schorjenjam po cyłym swěće a potrjechja w Němskej něhdźe kóždu pjatu wosobu w běhu žiwjenja. Žony su při tym husćišo potrjechene hač mužojo, ale tež pola młodostnych je ličba schorjenych minjene lěta přeco dale stupała.
Widźał, słyšał, napisał (01.09.25)
Awtor dźensa
Clemens Šmit
Widźał, słyšał, napisał (25.08.25)
Kelko žołtych kartow sudnik mustwomaj dźensa pokaza? Tute prašenje je Wolfec nan z Worklec wčera swojim třom synam do hry stajił, jako so na Chróšćanskim sportnišću pódla mje sydnychu. Jako sudnik Robert Heinrich w 92. mjeńšinje dźewjatu kartu pokaza, bě jeho srjedźny syn Aleksander wjetu dobył. Wón bě mjenujcy na dźewjeć kartow tipował. Dźewjeć kartow klinči za poměrnje hrubej hru, tola serbski derby mjez Chrósćicami a Ralbicami njebě nihdy njefairny, za to cyły čas jara zajimawy a stajnje napjaty. Tež mjez hrajerjemi a přiwisnikami žane křiwdźenja abo hłupe komentary słyšeć njeběchu. To smy hižo hinaše časy dožiwili. Mjeztym knježi mjez Chrósćicami a Ralbicami tajke něšto kaž „strowa riwalita“, wšako su hrajerjo a přiwisnicy husto spřećeleni a mjezsobny respekt je wulki. Remis by hladajo na rozdźělenje šansow wčera zawěsće tež w porjadku był, tola delanscy koparjo su swoje móžnosće prosće lesćiwje wužili a mějachu zady tón abo tamny raz trochu wjac zboža a z Willijom Schönu tež sylneho wrotarja!
Widźał, słyšał, napisał (04.08.25)
Awtor dźensa
André Strelow
Na zazběhowu hru do druheje zwjazkoweje koparskeje ligi Němskeje stej so pjatk wječor w Gelsenkirchenje tradiciskej towarstwje FC Schalke 04 a Hertha BSC zetkałoj. Wobě matej jasny zaměr: so po móžnosći spěšnje do zwjazkoweje ligi nawróćić a tam zaso trajnje sobu hrać. Čehodla wo tym pisam? Za tutu brizantnu zazběhowu hru bu Richard Hempel nominowany, wukubłany sudnik Zapadołužiskeho koparskeho zwjazka WFV. Hempel hwizda za SZ Großnaundorf a je w kruhach sudnikow hižo nadregionalnje znaty. Do hry mějach składnosć, z nim rěčeć, a so jeho za zasadźenjom prašeć. Rozprawješe wo intensiwnym přihoće, a to nic jenož ćělnym, ale tež mentalnym.
