Widźał, słyšał, napisał (06.01.20)
Lubi čitarjo našeje kolumny, tež w lěće 2020 směmy so zaso na někotryžkuli sportowy wulkopodawk wjeselić. Prjed hač sportowe lěto zhromadnje přeńdźemy, mam hišće nowosć z medijow za was. Wotnětka njewusyła mjenujcy Serbski rozhłós wšědnje jenož hodźinku dlěje, ale přidatnje směmy so wotnětka tež kóždu srjedu na dalši rańši sportowy přinošk wjeselić.
Prěni wulki wjeršk lěta, 68. turneja sněhakowarjow po štyrjoch skakanišćach, so dźensa kónči. Njewostanje pak to jenički sportowy podawk w zymje. Hnydom tři dalše spočatk lěta na nas čakaja. Hižo štwórtk so swětowe mišterstwa w mjetańcy zahaja. Wone su lětsa w Awstriskej, Šwedskej a Norwegskej. Šansu na dobyće wuličeja sej při tym tež chowancy trenarja Christiana Prokopa. Cil Němcow wšak rěka: znajmjeńša połfinale. Apropos finale. Mjeztym hižo 54. raz budźe spočatk februara tak mjenowany „super bowl“, potajkim kónčna sezonowa hra w american footballu. A srjedź februara přewjedu w južnotirolskim Antholzu swětowe mišterstwa w biatlonje.
Widźał, słyšał, napisał (30.12.19)
Najwjac w sportowym lěće 2019 drje je so kaž nimale přeco na polu kopańcy stało. Hórke sylzy płakał je zawěsće tón abo tamny přiwisnik ST 1922 Radworja w juniju, jako zestupichu tamniši bulkoparjo po dwěmaj sezonomaj we wokrjesnej wyšej lize zaso do wokrjesneje ligi. To surowe na tym: W poslednjej hrě přećiwo ST Porchowej by dobyće dosahało klasu dźeržeć – w 90. min. pak trjechichu Radworčenjo jenož łatu a tak zwosta při njerozsudnym 1:1. Wjeselo porno tomu knježeše w Pančicach-Kukowje, wšako bě ST Marijina hwězda suwerenje do wokrjesneje wyšeje ligi postupiła. Młody team zhubi přez cyłu hrajnu dobu jenož mało dypkow, a tak steji wot noweje sezony nětko wjac hač zasłužbnje klasu wyše. Na prěnim hrajnym dnju přichwata do Pančic hnydom stary zajac ligi, Sokoł Ralbicy/Hórki. A tón je derby jasnje z 5:1 za sebje rozsudźił, startujo fulminantnje do noweje sezony. Někotři akterojo a fanojo w Delanach po šěsć hrach a 15 dypkach sonjachu hižo tajnje wo mišterstwje, w dalšich dźewjeć partijach pak nažnjachu Sokoljo jenož wosom dypkow a steja tuchwilu na šestym městnje tabulki.
Widźał, słyšał, napisał (23.12.19)
„Rumpodicho, luby naš, praj hdźe wulki měch ty maš, połny ...“. Tele słowa drje budu jutře wječor w mnohich swójbach słyšeć, hdyž steja dźěći před brodačom a wočakuja najrjeńše dary. Haj, kelko z nich budźe tež tych prawych? Překwapjenja na kóždy pad zaso budu. A hižo sym so dóstał wot powšitkowneje tematiki k tematice sporta-překwapjenja. Tajkich drje bychu so koparjo a předewšěm fanojo Dynama Drježdźany rady wzdali. Hačrunjež je adwentny a hodowny čas swěčkow, čerwjena latarnčka by so runjež druhdźe swěćić móhła. Ćežki to puć k zachowanju klasy a makaberny tróšt, zo widźimy klětu snano wšitke hry live w 3. lize. Fakt wostanje tón, zo ma Dynamo cyle jednorje přemało dypkow, a prašam so kaž mnozy druzy: Čehodla njejsu do spočatka sezony k dispoziciji stejace pjenjezy za nowych hrajerjow inwestowali? Na to wšak móže najskerje jenož Ralf Minge wotmołwić. Kak dołho drje budźe wón hišće na čole Drježdźanskeho koparskeho kluba?
Widźał, słyšał, napisał (16.12.19)
„Dokonjane je!“ Tak so zwjetša praji, hdyž je wobšěrny objekt po dołhim času zakónčeny, na přikład dotwar bydlenskeho domu. Ja tu dźensa tež praju: „Dokonjane je!“ Wšako pisam po 60 lětach posledni raz kolumnu „Widźał, słyšał – napisał.“
Widźał, słyšał, napisał (09.12.19)
W minjenych 15 lětach běch čłon w šěsć sportowych towarstwach. Wšojedne, hač su to wolejbul, kolesowanje, billard abo kopańca, hłowna starosć zamołwitych je přeco samsna – woteběraca ličba čłonow a pobrachowacy dorost. Wšelake ideje, tomu trendej zadźěwać, njejsu situaciju zwjetša trajnje polěpšili. Pytajo za přičinami husto słyšiš, zo su mjez druhim telewizija, smartfony a kompjuterowe hry wina. Zawěsće njejsu to cyle wopačne měnjenja, nichtó pak njemóže prěć, zo žiwjenske wobstejnosće dźensnišeje młodźiny hižo z tej před 30 lětami přirunajomne njejsu. Poskitki su wobšěrniše, a digitalizacija zdawna jenož młodu generaciju njepotrjechi.
Widźał, słyšał, napisał (02.12.19)
Awtor dźensa
Tadej Cyž
Z kolesom do susodneje wsy po całty jěć, přećelku abo přećela wopytać, pěši na bus abo do šule, popołdnju z přećelemi w kopańcy mocy měrić, na hrajkanišću blidotenis hrać abo so raz po wsy honić. To je jenož mały wuběr móžnosćow dźěćom, młodostnym a wězo tež dorosćenym, zo móhli so pohibować a aktiwni być. Štó pak woprawdźe wšědnje tele poskitki wužiwa – nimo prawidłowneho sporta w towarstwje? Hdyž hladam na swój dnjowy wotběh, wšak tež přeco z přikładom njejsym. Přičiny tajkeho zadźerženja a wuwića su wšelakore a wotwisuja wězo wot wšelakorych faktorow.
Widźał, słyšał, napisał (25.11.19)
Awtor dźensa
André Strelow
Srjedź nowembra wulosowachu skupiny za klětušu europeadu, koparske mišterstwa europskich awtochtonych narodnych mjeńšin. Serbske Nowiny su wobšěrnje wo tym rozprawjeli, tež Beno Šołta činješe to dźens tydźenja na tymle městnje. Kaž připad chcyše, dyrbi Serbska koparska wubranka muži w předkole w samsnej skupinje nastupić kaž hosćićeljo. Hač je to njelěpšina, lěpšina abo wosebita motiwacija hrajerjam, so pokaza. Na kóždy pad budźe partija magnet přiwisnikam wobeju mustwow.
Widźał, słyšał, napisał (18.11.19)
Awtor dźensa
Beno Šołta
Za serbske koparki a serbskich koparjow běše sobotu wažny termin. Wšako su Awstriskej skupiny za klětušu europeadu w Korutanskej wulosowali.
Hrate budźe klětu při Klopijnskim jězoru na wjacorych sportnišćach. Znowa je wšitko chětro centralnje organizowane, puće su krótke. A mustwa budu dokoławokoło jězora zaměstnjene a móža so woměrje na hry přihotować. Je to tajke něšto kaž olympiska wjes. Tež programowe dypki zwonka kopańcy budu při jězoru. Wšako je europeada wjace hač jenož koparski turněr. Tež wuměna wažnu rólu hraje. Tak je klětu znowa planowany swobodny dźeń, na kotrymž móža wšitcy wšelake poskitki wopytać. A wšědnje wotměja wšelke programowe dypki, kaž běše to podobnje w Hornjej Łužicy 2012. Tak budźe tež za přihladowarja nimo kopańcy dosć poskitka.
Widźał, słyšał, napisał (11.11.19)
Awtor dźensa
Jan Hrjehor
Sym pjeć dnjow w conje FC Hansy Rostock, a to jako přiwisnik Dynama Drježdźany – konstelacija to kaž dynamit! Njepřeradźu pak so, ničo na to njepokazuje, zo sym fan čorno-žołtych. A to je tež lěpje tak. Njetraje mjenujcy dołho, a wuhladam na hrajkanišću swójbu: šikwanu žonu a zbožowne dźěći. Na prawym nadłochću nana-plěchača pak widźu wulki tattoo, kotryž pokazuje na fana FCH. Njemóžu pak přiwisnika do praweho lěhwa přirjadować. Pola FC Hansy maja mjenujcy tři fanowe skupiny. Normalny přiwisk, skupinu ultrafanow a k tomu hišće wulku črjódu hooliganow. Cyły čas swójbu wobkedźbuju a prašam so, što budźe pozdźišo ze zbožownych dźěći, hdyž snano raz zhonja, zo je nan ultrafan FC Hansy Rostock abo samo hooligan?
Widźał, słyšał, napisał (04.11.19)
Awtor dźensa
Toni Ryćer
„Nimam chwile!“ To často słyšu, hdyž rěčimy mjez kolegami, znatymi abo tež swójbnymi wo terminach. Ale lepju so tež sam hustodosć z tajkej wotmołwu.
Wězo je žiwjenje połne dźěła, zawjazanosćow abo aktiwitow w swobodnym času. Runje tu pak mamy hoberske mnóstwo móžnosćow, wobmjezowane zdźěla jenož financielnych wuměnjenjow dla. Druhdy pak dyrbimy so tež z njeluboznym a dlěje trajacym dźěłom zaběrać. Posledni raz sym lětsa trawu sykł, a hižo čaka spadane lisćo na zrumowanje. Tajke dźěła bych sej rady zalutował, dokelž za nje poprawom woprawdźe chwile nimam. Najskerje pak njejsym jenički, kiž kóžde lěto nazymu tak mysli, tež hdyž pohib na čerstwym powětře nikomu nješkodźi. Nimo toho móžeš při tajkich stupidnych zaběrach wo tym abo tamnym rozmyslować, na přikład wo zańdźenym lěće.
