×

Powěsć

Failed loading XML...

Policija (16.09.21)

štwórtk, 16. septembera 2021 spisane wot:

Při wuparkowanju njekedźbowała

Budyšin. 44lětna wodźerka wosoboweho awta marki VW je wčera rano na Bu­dyskej Hornčerskej znjezbožiła. Wona bě ze směra Drjewowe wiki přijěła. Dalša, 49lětna šoferka awta Volvo wujědźe z parkowanskeho městna, njewobkedźbowaše pak při tym přijěducy VW, a zrazy do njeho. VW zajědźe do sćěny, a jeho wodźerka so ćežko zrani.

Přepodadźa nowe jězdźidło

štwórtk, 16. septembera 2021 spisane wot:
Smječkecy. Čłonojo Smječkečanskeje dobrowólneje wohnjoweje wobory „Elsa Brändström“ přeprošeja wšitkich woby­dlerjow Worklečanskeje gmejny a přećelow wohnjoweje wobory na swjatočne přepodaće noweho jězdźidła MLF jutře, pjatk, w 17.30 hodź. do Smječkec. Před gratownju chcedźa wosebity podawk w dostojnej formje woswjećić, cyle pod hesłom „Přińdźće k nam na poswjećenje, a my přijědźemy k wam, hdyž je pomoc trěbna.“

Z wobchodom dźěru płata(8. a kónc)

srjeda, 15. septembera 2021 spisane wot:

Na wsy wobchod měć dźensniši dźeń wjace samozrozumliwe njeje. We wobłuku lětušeho lětnjeho seriala smy so na­ wsach rozhladowali, zo bychmy swojim čitarjam tón abo tamny wjesny wobchod předstajili.

Ze šwalču so stać bě přeco hižo són Ve­roniki Biele. Dźensa pak wot dźěła z jehličku a cwornom samym wjac žiwy być njemóžeš. Nimo toho je rodźena Žitawčanka jedna z poslednich swojeho stawa w Hornjej Łužicy. Jej pak so w Hodźiju woprawdźe derje dźe, a to dźakowano ­jeje wobchodźikej z mjenom „Verflixt und zugenäht“ na nawsy, kotryž wot lěta 2019 wjedźe. Tón je woprawdźita křinja dźiwow. W zadnim dźělu něhdźe 100 kwadratnych metrow wulkeho wobchoda ma knjeni Biele šwalčernju zarjadowanu. W prědnim dźělu předawarnje poskića wona wšitko, štož za wšědne zežiwjenje trjebaš.

Hódne počesćenje

srjeda, 15. septembera 2021 spisane wot:

Maćicarja Jana Bohuwěra Mučinka wopominali

Zemicy-Tumicy (LTh/SN). Składnostnje 200. narodnin wučenca Jana Bohuwěra Mučinka (1821–1904) bě njesměrnje hibićiwy maćicar a čłon Budyskeho župneho předsydstwa Jurij Łušćanski hižo před lětomaj z tehdyšej wjesnjanostku Zemic-Tumic Giselu Pallas a dalšimi zwisk nawjazał, zo by róčnicu přihotował. Tak wón Němcam w Zemicach-Tumicach – wjes je něhdźe 15 kilometrow wot Budyšina zdalena – poněčim a kedźbliwje serbske stawizny zbliži, wědźo, zo na jich kěrchowje hižo dołho row wučerja a pčołarja Mučinka hladaja. Tola wo jeho skutkowanju za serbske politiske a narodne wozrodźenje a za serbsku wuměłsku prozu po zdaću tehdy wot Jurja Łušćanskeho prěni raz zhonichu.

Krótkopowěsće (15.09.21)

srjeda, 15. septembera 2021 spisane wot:

Wčera 22 natyknjenjow

Budyšin. W Budyskim wokrjesu informowachu wčera wo 22 natyknjenjach z koronawirusom. Wot 146 schorjenych štyrjoch w chorowni lěkuja. Za wokrjes je RKI dźensa na 27,5 zwyšenu incidencu podał, za wokrjes Zhorjelc zaso trochu nišu incidencu 17,6. Tam rozprawjachu wčera wo jědnaće nowoinfekcijach. Šěsć wosobow w klinice hladaja.

Serbska protyka 2022 wušła

Budyšin. Minakałej wěnowana je runje w Ludowym nakładnistwje Domowina wušła Serbska protyka 2022. Něhdy bě wjes srjedźišćo pobožnych Serbow a lětstotki pozdźišo sydło Centralneje serbskeje rěčneje šule. LND přihotuje knižnu premjeru hromadźe z Domowinskej skupinu Malešecy za 27. september w tamnišim „Wódnym mužu“.

Pomnik woporam genocida

Policija (15.09.21)

srjeda, 15. septembera 2021 spisane wot:

Pytaja swědkow

Kamjenc. Swědkow wobchadneho nje­zboža, kotřiž so na barbu ample a na dokładny čas zražki dopominaja, pytaja nětko w Kamjencu. Zazwonić měli woni na policajski zarjad pod čisłom 03578 /3520. Stało bě so njezbožo srjedu, 8. septembra, rano na křižowanišću Wuchodna/Wojerowska dróha w Kamjencu. Wobdźělenaj běštaj 61lětny šofer Forda a 18lětny šofer Nissana.

Dwójce „Zynki a linki“

srjeda, 15. septembera 2021 spisane wot:
Budyšin/Lejno. We wobłuku rjadu Serbskeho ludoweho ansambla „Zynki a linki“ čita studentka dźiwadźelnistwa Božena Bjaršec dźensa w 19.30 hodź. w Budyskej Röhrscheidtowej bašće a jutře, štwórtk, w 19 hodź. w Lejnjanskim hosćencu twórby w Lejnje rodźeneho Jana Larasa (1845–1921). Wo hudźbu postara so njewšědny muzikaliski duet. Marie-Luisa Fryčec na fleće a Benedikt Sauber na bijadłach dopokazataj, zo zamóže­tej instrumentaj harmonować. Lisćiki dóstanjeće při tiketowej kasy SLA abo online pod .

Zbudźeja zajim za serbsku rěč

wutora, 14. septembera 2021 spisane wot:

Hosćency a korčmy su za towaršnostne žiwjenje wažne městna, wšako so tam ludźo rady zetkawaja. Často pak maja tež zajimawe stawizny. W swojej lětnjej seriji tajke gastronomiske předewzaća předstajamy, dźensa hosćenc w Hlinowcu. (19)

Nowotwar pěstowarnje a přetwar horta nětko wěstej

wutora, 14. septembera 2021 spisane wot:

Sakske statne ministerstwo za regionalne wuwiće a Budyski wokrjes wobkrućatej, zo móža w Ralbicach nowu pěstowarnju twarić.

Ralbicy (JK/SN). Hdyž pjatk popołdnju pěstowarske dźěći dlěje w swojim přebywanišću wostanu a su kubłarki a kubłarjo napjeći, da na něšto čakaja. ­A hdyž so jim přidruža wjesnjanosta, gmejnska rada a zastupnicy nošerja pěstowarnje, pokazuje to na wulku wěc.

Krótkopowěsće (14.09.21)

wutora, 14. septembera 2021 spisane wot:

Dźěl dochodow daruja

Chrósćicy. Dźěl dochodow ze zastupnych pjenjez za předstajenja serbskeje pop-opery „Carpe Noctem – Njeskónčna nóc“ daritej młodźinske towarstwo Pawk a hudźbny kolektiw „Trio a kumple“ organizacijam a pomocnym skutkam, kotrež pomhaja na kóžnu chorosć xeroderma pigmentosum schorjenym. To zdźělištej wčera na poslednim, šulerskim předstajenju pop-opery w Chrósćicach. Schorjenje bě zdobom tema opery. Hudźba budźe jako CD a na hudźbnych platformach kaž Spotify wozjewjena. Z widejoweho materiala ma DVD nastać.

Incidenca tróšku woteběrała

Budyšin. Incidenca w Budyskim wo­krjesu je po wčera wozjewjenych 23 nowych natyknjenjach z koronawirusom wot minjeneho pjatka do njedźele tróšku woteběrała. Roberta Kochowy institut poda dźensa hódnotu 26,5. Aktualna incidenca we wokrjesu Zhorjelc po RKI je 23,5. Tam bě wot pjatka 13 infekcijow.

Ochranowske hesła 2022 wušli

nawěšk

nowostki LND