Z lěćnym swjedźenjom so dźakowali
Na Rownjanskim Njepilic statoku su w běhu lěta najwšelakoriše zarjadowanja. Za wšitkich pilnych pomocnikow wuhotowachu nětko dźakny swjedźeń.
Rowno (JoS/SN). Spěchowanske towarstwo Rownjanskeho Njepilic statoka je minjenu sobotu na tradicionalny lěćny swjedźeń přeprosyło. Z nim dźakowachu so wšitkim swěrnym pomocnikam, kotřiž najwšelakoriše zarjadowanja w běhu lěta sobu organizuja a přewjedu. Jich skedźbnichu hižo raz na jubilej, kotryž přichodne dny woswjeća. 1. awgusta 1766 je so Hanzo Njepila narodźił. Składnostnje jeho 260. narodninam budźe na statoku wopominanskua hodźina.
Najwšelakoriše stare jězdźidła su wopytowarjo minjeny kónc ...
Krótkopowěsće (28.07.26)
Serbski sejm: Prawa njedosahaja
Budyšin. Dotalne zakonske rjadowanja „njezaručeja prawo na to, zo so dźěći w serbskej rěči wuwučuja“, měnja zapósłancy Serbskeho sejma Měrćin Krawc, Aneta Zahrodnikowa a Hagen Domaška w pismje, kiž su našemu wječornikej sposrědkowali. Serbske kubłanišća su přejara wot wole statnych zarjadow wotwisne, tam rěka. Tohodla sej žadaja, zo so UNO-konwencija ILO 169 wo prawach domoródnych ludow na Serbow nałožuje.
Knihownja mytowana
Wojerecy. Biblioteka Brigitty Reimann we Wojerecach bu jako biblioteka lěta małych komunow a regionow počesćena. Ze strategiskim konceptom štyrjoch jednanskich wobłukow – demokratija, kubłanje, naslědnosć a participacija – je knihownja jurorow přeswědčiła a sej myto 7 000 eurow zawěsćiła.
E-recepty bórze tež z Němskeje
Sinapius a Hadubrand hosći witataj
Žiwjensku móc po swojim ćěle wodźić
Strowota njeje samozrozumliwa. Kóždy je wjesoły, hdyž ju ma. Što pak móžeš za swoju strowotu činić? Z tym zaběra so serija Serbskich Nowin, za kotruž wjacori awtorojo pisaja. (7)
Wobdźělnicy kursa steja stabilnje na matach. Pomału a mjechce so hibaja, rukomaj lochce před ćěłom stupać dadźa, ćěło skrótka spinaja a je potom krok po kroku wotpinaja. Druhdy dopominaja pohiby na pomału reju. Z kóždym zwučowanjom pohłubši so dych wobdźělnikow, z kóždym wospjetowanjom so wědomje za swoje ćěło wótřa. Po jedyn a poł hodźije, čuja so bóle wurunani hač na spočatku, ćěło je hibićiwiše a myški mjechše. Dych lochce hač do brjucha ćeče, mysle kaž tež emocije su so změrowali, přijomne začuće so w ćěle wupřestrěwa. Někotři čuja nowe mocy w sebi, druzy rozprawjeja, zo je jich ćěło prawje wotputane za dobry spar.
Policija (27.07.26)
Njeznaći muža wobšudźili
Wojerecy. 28 000 eurow je 54lětny muž pola Wojerec zašłe dny zhubił. Po tym zo bě wón wot wobšudnikow pozdatnu mejlku swojeje banki dóstał, přeradźi wón sensibelne daty swojeho konta. Z nimi njeznaći wjacore razy pjenjezy z konta Wojerowčana wotzběhnychu. Policija pad přepytuje.
Seniorojo škotuja
Kino, kopańca a knedliki
W Serbskich Pazlicach wjesny swjedźeń wjele wopytowarjow přiwabił
Serbske Pazlicy (AKr/SN). Pisany wjesny swjedźeń dožiwichu kónc tydźenja wobydlerjo w Serbskich Pazlicach a jich hosćo. Po lońšej 800. róčnicy prěnjeho naspomnjenja wsy bě přihotowanska skupina zaso pisany program zestajiła. Tak zahajichu swjedźeń pjatk z natočenjom piwa. Dźěćom pokazachu w stanje film wo dožiwjenjach małeje wowcy. Słódny popcorn při tym tež pobrachował njeje. Žortne nadawki spjelnjachu we wubědźowanju hornjeje přećiwo delnjej stronje hłowneje dróhi. Wobdźělnicy dyrbjachu mjez druhim z wuskim bokom hamora hozdźiki do zdónka drjewa klepać abo kicker ze wosobami hrać. Prěni raz doby hornja strona dróhi. Po tym podachu so dźěći na lampionowy ćah z přewodom akordeona, kotryž hraješe Pawl Haška. Jako so holcy a hólcy na swjedźenišćo nawróćichu, so hišće na dźěćacej diskotece porjadnje wucychnowachu.
Na wjele prašenjow wotmołwili
Stróža (CS/SN). Přirodoškitarjo, kotřiž su sobotu dźeń rangerow w zarjadnistwje biosferoweho rezerwata Hornjołužiska hola a haty w Stróži wuhotowali, powědachu wjele. Wšako měješe 130 wopytowarjow zarjadowanja tójšto prašenjow wo zwěrjatach a rostlinach lěta 2026. Wone běchu mjenujcy hłowna tema dnja rangerow. Próca njebě podarmo, wšako so wopytowarjo wo tójšto mudriši domoj nawróćichu.
