Při camprowanju najrjeńše kostimy mytowali
Mułkecy (JoS/SN). Nic jenož na maskowym balu w Kulowje a na póstnicach žonow w Njebjelčicach najrjeńše kostimy mytuja. W Mułkecach činja to tež při camprowanju.
Minjenu sobotu je tamniši wjesny klub na tónle póstniski wjeršk we wsy přeprosył. Něhdźe 30 dorosćenych a 15 dźěći bě wot ranja po wsy po puću, zo bychu zymu wuhnali. Byrnjež z tym wuspěch njeměli, je jim camprowanje přiwšěm wjele wjesela wobradźało. Zwjetša wobydlerjo na statokach pisanu cwólbu hižo wočakowachu. Mała skupina Rakečanskich dujerjow jich přewodźeše a na jednotliwych dworach k rejce zapiska, jako dźak za přewostajene pjenjezy, jeja, a dalše dariki.
Při wječornej zabawje mytowachu skupinku młodostnych. Z pomocu žerdźow a wulkich klankow běchu sej woni njewšědny kostim spaslili. To njeje jim jenož myto, ale tež wjele připóznaća wjesnjanow wunjesło.
Tež lětsa zhromadnje štomiki spalili
Wonjaty swět zelow zeznać
Stróža. Za dźěći a młodostnych w starobje 6 do 16 lět maja zamołwići biosferoweho rezerwata Hornja Łužica zajimawy prózdninski poskitk. W Domje tysac hatow w Stróži chce jim zelowa pedagogowka Anja Ludwig 13. februara wonjaty swět zelow a płodow předstajić. W dźěłarničce móža sej wobdźělnicy po swojim słodźe wosobinski čaj změšeć a zhonja připódla tójšto wo wužitnych wuskutkach najwšelakorišich rostlin a płodow. Popłatk za wobdźělenje wučinja 4,50 eurow. Organizatorojo proša wo přizjewjenje pod čo. 035932-3650 abo z mejlku na: .
Póstnicy w bibliotece
Wostanje z jězorom zwjazany
Wjelelětny wotnajer stanowanišća při Slěbornym jězoru so rozžohnuje
Bjedrichecy (AK/SN). Stanowanišćo při Slěbornym jězoru pola Bjedrichec změje wot apryla noweho wotnajerja. To budźe firma Stefana Menzela a Ringa Kloßa z Wysokeje pola Łaza. Tole je Łazowska gmejnska rada na zašłym posedźenju wobzamknyła. „Dyrbju tónle rozsud akceptować“, praji Falk Nowotnick. Wón je stanowanišćo wot 2011 wotnajał a so tež na nowym wupisanju wobdźělił. Gmejna pak je so přećiwo njemu rozsudźiła. Z płakacym wóčkom drje, ale bjez hněwa 56lětny tónle nadawk nětko woteda.
Worklečenjo přetwar šule podpěruja
Worklecy (SN/jp). Hižo znazdala widźiš, zo so we Worklečanskej šuli twari. Na dworje steji kran, kotryž mjez druhim za zatwarjenje lifta trjebaja. „Hinak hač su mnohe medije rozprawjeli, njepřetwarimy šulu za dohromady 3,4 miliony eurow jenož wotpowědujo němskim předpisam wohnjoškita, ale saněrujemy ju dospołnje a zaručimy tu bjezbarjernosć“, praji wjesnjanosta Clemens Poldrack (njestronjan), kotryž projekt minjeny pjatk našemu wječornikej předstaji. „Njebychu-li nas Worklečenjo spochi tak podpěrowali, njebychmy z přetwarom dawno tak daloko byli“, rozprawja wón. Tak su na přikład hižo při wurumowanju šule do zahajenja twarskich dźěłow mócnje sobu pomhali.“
Wjace hač 40 dorosćenych a dźěći je minjenu sobotu w Miłoćicach ...
Pčołarjo na konwenće diskutowali
Budyšink. Předsydstwo Pčolaceje towaršnosće Šěracha je zańdźenu sobotu kopicu zajimcow na žurli sportoweho srjedźišća w Budyšinku na třeći pčolacy konwent witało. Na programje steještej přednoškaj: Nazhonity Rolf Schülbe rěčeše wo temje 365 dnjow w lěće pčołkow, młódši kolega Roland Sachs pak wěnowaše so pčołarstwu a nowemu pčołarjenju. Sachs předstaji swoju wobšěrnu nowu knihu „Bienenbau und Bienenbeute“, w kotrejž wobkedźbuje prjedawše dopóznaća, rozestaja pak so tež z nowymi dopóznaćemi pčołarskeje praksy, zwěrinoškita a naslědnosće. Za derjeměće pčołkow stej w přiběracej měrje tež klima a wobstajna temperatura kołća wažnej a dale płaći, zo přinjesu konstantne klimowe poměry najwjace mjedu w chłódku.
Krótkopowěsće (10.02.26)
7,5 milionow za powołanske šule
Drježdźany. Sakske kultusowe ministerstwo podpěruje z dohromady 7,5 milionami eurow powołanskošulske centrumy w Zhorjelcu, Žitawje a Běłej Wodźe. Dźěl sumy su srědki EU. „Dźakowano tutym inwesticijam móžemy powołanske šule w našim wokrjesu woprawdźitym narokam zawodow přiměrić“, zdźěli Zhorjelski krajny rada Stephan Meyer (CDU).
Trumpa dla WM bojkotować?
Drježdźany/Brüssel. Skupina 19 zapósłancow Europskeho parlamenta sej wot europskeho zwjazka kopańcy UEFA žada, bojkot lětušeho koparskeho swětoweho mišterstwa pruwować. Tute so nimo Kanady a Mexika přewažnje w USA wotměje. Hdyž USA z namocu přećiwo druhim statam hroža, njemóžeš tam kopańcu hrać, jako njeby so ničo stało, praji Drježdźanski zapósłanc Matthias Ecke (SPD).
Wjace aku-ćahow w Sakskej
Dźěći na wyšej šuli přizjewić
Worklecy. Serbska wyša šula „Michał Hórnik“ we Worklecach přijimuje wot dźensnišeho přizjewjenja dźěći do 5. lětnika. Šulski běrow je w slědowacym času wotewrjeny:
Wot póndźele do štwórtka, 9. do 12. februara, wot 7.30 do 13.30 hodź.; pjatk, 13. februara, wot 7.30 do 10.00 hodź.; póndźelu, 23. februara, wot 7.30 do 13.30 hodź.; wutoru, 24. februara, wot 10.00 do 17.00 hodź.; srjedu a štwórtk, 25. a 26. februara, wot 7.30 do 14.00 hodź. a pjatk, 27. februara, wot 7.30 do 10.00 hodź.
Staršim, kotrymž přizjewjenje w tutym času móžne njeje, njech zazwonja šulski sekretariat pod čo. 035796-96831. Informaciju wo podłožkach namakaja online na www.oberschule.schule-raeckelwitz.de.
„Jednotu“ wobšěrnje ponowić
Chrósćicy (JK/SN). Lětuši hospodarski plan gmejny běše ćežišćo posedźenja Chróšćanskeje gmejnskeje rady minjeny štwórtk. Najebać napjatu financnu situaciju su srědki gmejny za jeje winowatostne nadawki zawěsćene. Nimo toho pak planuja Chróšćenjo wulki projekt, kotryž chcedźa lětsa zwoprawdźić: nowotwar gratownje wohnjoweje wobory. Za tute předewzaće je spěchowanje jasne, financowanje gmejnskeho podźěla za lětsa a klětu pak je tuchwilu hišće njewěste. Trěbne wuhotowanje wohnjowych wobornikow móže gmejna wobstarać – za to su srědki zaručene.
Na zakładźe wobzamknjenja w formje wokolnika – potajkim bjez fyziskeho schadźowanja – je gmejnska rada mjez januarskim a nětčišim posedźenjom próstwu wo wosebite spěchowanje za zakładne wobnowjenje Chróšćanskeje wjacezaměroweje hale „Jednota“ zapodała. W hospodarskim lěće 2025 je Zwjazk spěchowanje komunalnych inwesticijow za sportowanišća z wosebitym regionalnym a nadregionalnym wuznamom wupisał. Cyłkownje steji za to 333 milionow eurow k dispoziciji.
