W nakładnistwje Veles je wušła kniha „Mała wjera“ Otfrieda Preußlera jako přełožk Lubiny Hajduk-Veljkovićoweje do hornjoserbšćiny.

Nakładnistwo Veles je hišće młode – bu w lěće 2022 w Lipsku załožene. Je so specializowało na wjacerěčne wudaća serbskeje literatury kaž tež na přełožki knihow za dźěći a młodźinu do hornjoserbšćiny. Na internetnej stronje předstaja so team nakładnistwa: Mandźelskaj Lubina a Dušan Hajduk kaž tež jeju syn Branko – ryzy swójbne to nakładnistwo, hłownje hižo znate přez wjacerěčnu seriju za dźěći „Dolina při rěce“. A nětko předleži ­přełožk němskeho klasikarja „Mała wjera“, a to po wersiji teksta wosebiteho wudaća z lěta 2023. Originalny titul Otfrieda Preußlera bě w lěće 1957 wušoł. Preußlera znajemy tež jako awtora knihi „Der kleine Wassermann“ a romana „Krabat“, za kotryž spožči so jemu 1972 Němske myto knihow za młodźinu.

650 lět Wětrow, wot 1898 ze znatej šamotownju – wot 1951 nasta nowe sydlišćo za dźěławych zawoda

Wětrow wosrjedź Budyskeho wokrjesa, něhdźe štyrnaće kilometrow sewjerozapadnje wulkeho wokrjesneho města Budyšina a tři kilometry wot Njeswačidła. Susodna wjes su Bóšicy, kotraž je hamtske sydło dwurěčneje gmejny. Do njeje słuša dźewjeć wsow. Wětrow bu w lěće 1936 do Bóšic zagmejnowany a wobsteji hižo dlěje hač 70 lět z dweju dźělow. Bywša burska wjes bu před 650 lětami prěni raz pisomnje naspomnjena a jej rěkaja ludźo nětko Stary Wětrow. Z lěsom wobdata hórka sewjernje stareje wsy dźěli ju wot sydlišća Wětrowa, kotrehož prěnje twarjenja nastachu w lěće 1951 za dźěławych Wětrowskeho zawoda za wohnjokrute maćizny. Na ležownosći natwarichu 1898 prěnju mjeńšu šamotownju. Stary Wětrow rozpřestrěwa so južnje naspomnjeneje hórki a leži we wysokosći 180 do 195 metrow nad mórskej hładźinu a ma dalšich dwaceći statokow.

Wulka deponija za wosebite wotpadki

Rězbarska dźěłarnička dźeń a mjezynarodniša – zajim publikuma dźeń a snadniši

Hižo 18. raz přeprosy towarstwo Kamjenjak spočatk požnjenca na finisažu mjezynarodneje rězbarskeje dźěłarnički při Miłočanskej skale. Wot swojeho załoženja w lěće 2009 angažuje so tute towarstwo, zo by ludźom zbliska a zdaloka w němsko-serbskej kónčinje wědu wo wuměłstwje a wobswěće posrědkowało. Kóždolětny wjeršk towarstwoweho dźěła je mjezynarodna rězbarska dźěłarnička, kotraž wotměwa so stajnje w poslednimaj tydźenjomaj žnjenca. Zo njeda so nic jenož dwě njedźeli dołho kopica wuměłcow porjadnje do dźěła, ale tež pilny team towarstwa, běše za wšěch, kotřiž skału časćišo wob lěto wopytuja, hižo při zajězdźe k skale spóznać. Tam stejachu mjenujcy eksponaty něhdyšich dźěłarničkow, zo by za lětsa nowonastate twórby direktnje při tak mjenowanym Kra­batowym kamjenju dosć městna było. Wšako někotre wudźěłki tworjacych wuměłcow spěšnje noweho wobsedźerja namakaja, tamne pak wostanu a tworja tak trajnu wustajeńcu, kotraž hodźi so přez cyłe lěto darmotnje wopytować.

Na swojim powołanskim puću w agenturje za sposrědkowanje hudźbnikow a jako DJ je Jan ­Rječka nimo jara wuspěšnych časow tež ćežke wokomiki dožiwił. Narodźił je so dźensa 34lětny w Erfurće, wotrostł pak je w Dubrjenku.

„All-round-wuměłc“ je titul w swojej signaturje mejlkow, wotmołwi Jan Rječka na prašenje, pod kotrym zapřijećom by swoje powołanske aktiwity najlěpje zjał. Sedźimoj na dworje Tachelesa, něhdyšeje židowskeje kupnicy na Oranienburgskej w Berlinje, kotryž su wuměłcy w NDRskim času wobsadźili a z tym twarjenje před wottorhanjom zachowali.

Scooter, Böhmermann a Power-Party