Tekst a fota (4): celina KnopecSobotu, dnja 19. septembra, nastaji so ...
Sobotu, dnja 19. septembra, nastaji so něhdźe 40 čłonow młodźinskeju klubow z Worklec a Chrósćic zhromadnje na puć do Sakskeje Šwicy. Za přitomnych steješe wotměnjawy dźeń z pućowanjom, fotowej challenge a wězo cyle wjele zhromadnym časom na programje.
w Sakskej Šwicy
Zhromadnje po puću
Runočasnje dyrbjachmy swoje nadawki za fotowu challenge spjelnić. Za čas pućowanja rozhladowachmy so tohodla přeco zaso za kmanym štomom abo so hodźacym městnom, hdźež móžachmy wotpowědny nadawk zwoprawdźić.
Někotre nadawki běchu spěšnje spjelnjene, pola druhich dyrbjachmy najprjedy přemyslować, kak je najlěpje přewjedźemy. Nimo fotow za nadawki nasta wězo tež wjele spontanych fotow. Wosebje na wuhladnišćach wužichmy składnosć za zhromadne wobrazy.
Za mnje bě wosebje rjenje, zo běše dźeń zhromadnje
z młodostnymi wobeju klubow planowany. Za čas pućowanja mějachmy wjele chwile, so rozmołwjeć a wuměnjeć. Runje přez wšelake teamy za fotowu challenge sy so tež z ludźimi rozmołwjał, z kotrymiž maš hewak snano mjenje činić.
Mjez studentskim žiwjenjoma serbskej partyjowej kulturu
Serbja zarjaduja kóžde lěto
Tanktop-Party
„Gisela Club“ pak njeje jenož zetkanišćo Drježdźanskich studowacych. Tež za serbsku młodźinu je so wón z městnom stał, hdźež so zetkawaš, zhromadnje swjećiš a při tym znate mjezwoča wuhladaš. Wot lěta 2018 organizuje skupina něhdźe 15 Serbow z Drježdźan a wokoliny z priwatneje iniciatiwy tak mjenowanu Tanktop-party. Zarjadowanje zwjedźe Serbow a přećelow serbskeje kultury hromadu do Drježdźanskeho kluba. Po informacijach organizatorow so to dale a lěpje radźi. „Chcemy zarjadowanje tež přichodne lěta dale wjesć“, podšmórnje sobuorganizator Krystof Cyž. Lětsa wotmě so hižo sedma Tanktop-party. Dnja 1. meje su mnozy Serbja a přećeljo zhromadnje hač do zažnych rańšich
hodźin na městnje swjećili.
Znate mjezwoča wosrjedź Drježdźan
štwórtk je dźeń „gisele“
Zymski semester 2026/27 steji před durjemi. Z tym zahaji so za mnohich studowacych w Drježdźanach
Wopytwulkowikow w Nürnbergu
Ć
i jedni započinaja nětko swój studij, ći tamni su hižo prěnje tydźenje w powołanskej šuli přetrali. Tak tež wuknjacy powołanskeje šule za krajino- a zahrodotwar z Drježdźan. Woni wopytachu
w prěnim tydźenju šule wulkowiki za zahrodniske twarstwo w Nürnbergu. Tak poda so něhdźe 30 šulerjow z busom směr Nürnberg. Tam dojědźechu sej w 10.30 hodź. a buchu wot zwjazka za zahrodotwar
powitani.
W dohromady jědnaće halach wustajichu najwšelakoriše zawody swoje mašiny, kotrež móža dźěło
w zahrodach wolóžić. Nimo toho předstajichu najnowše traktory, bagry a piły. Potajkim wšitko, štož takle za dźěłowy dźeń trjebaš.
Na ležownosći zwonka halow
prezentowachu a testowachu wjetše bagry a traktory, mjez druhim
mašiny, kotrež wšědnje njewidźiš abo cyle zrědka. Tohodla bě tam tež najwjace zajimcow, kotřiž chcychu sej spektakularne mašiny wobhladać.
Štomownja je 1200stronsku knihu wo družinach štomow darmotnje poskićała. Dalše předewzaća přewostajichu zajimcam pisaki, čapki a měški. Wječor we wosmich so šulerjo do Drježdźan wróćichu.
tekst a fota: Linus Paška
fota: priwatneEmma Młynkecbydli w Chrósćicach19 lětJulija ...
bydli w Chrósćicach
19 lět
Julija Ričlec
bydli w Lipsku
26 lět
Po wukubłanju na technologowku
za słódčizny sym w lěće 2021 do Lipska šła. Nětko hotuju so tu na bachelorski studij
sorabistiki na Lipšćanskej uniwersiće.
Wočakuju, zo so hnydom z połnej paru
do wobsahow zanurimy. Na kóždy pad
so wjeselu! Sym wćipna na sobustudowacych a na docentow, wězo tež na wuzwolene module. Ale mam zdobom wulki respekt před studijom.
Alena Belkotec
bydli w Nowej Wjesce
18 lět
Studuju dualne „wukonjenje prawnistwa”
na wysokej šuli w Mišnje. W tydźenju tež tam
blisko bydlu. Mój studij je so hižo spočatk septembra započał. W prěnim tydźenju běch w Budyšinje
na hamtskim sudnistwje, tam mějach moje spřisahanje. Wot srjedź septembra studuju najprjedy raz jědnaće měsacow w Mišnje, potom podam so do prěnjeje praktiskeje fazy studija na hamtske sudnistwo. Prěnje tydźenje na wysokej šuli běchu chětro napinace, ale tež jara zajimawe a napjate. Naši komilitonojo ze staršich lětnikow su nas lubje witali a sej tež te
„Sym tajki pućowacy wučer“
Pedagog a nowinar Jan Hrjehor powěda, što by jemu w šuli w Slepom pomhało abo što serbski sport za přichod trjeba
W Serbach je znaty jako čłowjek, kiž ma přeco dobru naladu a na kóždeho so smějkota. Kak pak Jan Hrjehor wo dźěle na wyšej šuli w Slepom přemysluje? Kajki poměr ma ze slepjanšćinu? A kak jemu wšědny dźeń čěšćina pomha? Wo tym je so z nim Lukáš Novosad rozmołwjał.
Sće direktor, wučer, nowinar, sokoł, kopar, wohnjowy wobornik, sudnik, nic naposledk nan. Hdy to wšo zdokonjeće?
Započnjemy raz ze swójbu. Sym zbožo měł, zo sym so zahe z nanom stał. Moje tři dźěći su spěšnje za sobu wotrostli, su mjeztym dorosćene, so sami staraja, tak zo tole wjac telko časa njepłaći. Štož Sokoł nastupa, tam smy jara dobry team. Sym nawoda, kiž nadawki rozdźěla a kóždy tam paralelnje sobu čini. Potajkim wo wjele wěcow njedyrbju so sam starać.
Ale dyrbiće na to myslić, zo nadawk eksistuje a hač je zrjadowany.
Po puću na tamnym kóncu swěta
Syman Pöpel po horinach Južneje Ameriki krosnował – połdra lěta je so na to přihotował
Lěćny dowol je přeco něšto wosebite. Ja chcych sej lětsa horiny Južneje Ameriki wotkryć. Konkretnišo wuzwolich sebi Cordillera Blanca a Cordillera Huayhuash w Peru jako cil. Zhromadnje z přećelom z Francoskeje chcych tam na wšelake krasne, wysoke hory krosnować. Tak běše wot spočatka jasne, zo trjebamoj wšón swój krosnowanski, spanski a kuchinski material za tutu jězbu. Z tym měješe dowol skerje charakter naročneje ekspedicije.
Etablěrowany wjeršk wjelorakosće
Lětuše koncerty na Kulturnej zahrodźe ze stilistisce wulkej wotměnu
Pjaty raz wuhotowaštej Serbski ludowy ansambl a bara Sundowner lětsa Kulturnu zahrodu na „najrjeńšim balkonje Budyšina“, kaž bywšej byrgarskej zahrodźe pod Röhrscheidtowej baštu rady rěkaja. Najwjace publikuma přiwabjachu koncerty skupinow JANKAHANKA (inkluziwnje dwójki Wara a Saša jako předband), Fünf an der Feier a Lila Despoix Trio. Njedźiwajcy w přirunowanju snadnišeho wopytowarstwa pak postarachu so tež gitaristka-spěwarka Milena Wowčerjec, tak mjenowany gypsy-jazz pěstowaca trójka Bistro Manouche abo jako „Duwo Helena & Jan“ wustupowacaj Helena Brězanec-Hejdušcyna a Jan Brězan-Hejduška wo najlěpšu naladu.
Karty nimale kaž molowane
Posledni swojeho rjemjesła po cyłej Němskej – kartograf dr. Rolf Böhm
Někotři přećeljo pućowanja su přewšo zadźiwani, hdyž po zakuzłanych a romantiskich šćežkach w chětro njeznatych kutach Saksko-čěskeje Šwicy abo Žitawskich horow nóžkuja a naraz dr. Rolfa Böhmu z jeho utensilijemi za kartografiju zetkaja. Nětko 68lětny posledni profesionalny moler kartow za pućowanje w Němskej je zaso po puću, zo by jednu ze swojich mjeztym 23 z ruku rysowanych pućowanskich kartow aktualizował. „Wšako so přiroda pomału, poněčim abo tež naraz – škodow dla, na přikład skórnikow abo lěsnych wohenjow kaž w lěće 2022 – měnja. To mam wězo zapopadnyć“, je přeswědčeny. Tónle narok wón prosće ma.
Wuwiće dźěći sćěhować je wosebitosć
Andrea Rätzowa je 44 lět wučerka była a na dobro serbšćinu wuknjacych dźěći skutkowała
Andrea Rätzowa je mnohe lěta zastupowaca kaž tež amtěrowaca nawodnica Serbskeje zakładneje šule w Budyšinje była a tam dohromady 44 lět jako wučerka skutkowała. Kónc zašłeho šulskeho lěta je so wona ze swojim powołanjom rozžohnowała a ma sabatowe lěto, prjedy hač so klětu doskónčnje na wuměnk poda. Milenka Rječcyna je so z pedagogowku rozmołwjała.
Hdy je poprawom we Was rozsud zrawił, so z wučerku stać?
Połdra lětstotka historije
Wuměłstwowa hudźba a ludowe spěwy „klasisce“ kaž tež w njezwučenym šaće
Skutkownosći choreografijow polěkowachu nimo wukona rejowacych wušikne wobswětlenje a kmane kostimy.Zo njetrjebaja so w ansamblu nastupajo balet přichoda bojeć, dopokaza młodźinska rejowanska skupina Łužičanska rapsodija, kotraž we wobłuku předprograma runje tak přeswědči kaž ze zahajenjom hłowneho dźěla „Serbskeje nocy“.Emocionalnje daštaj moderatorka Kristina Nerád (srjedźa) a intendant Tomas Kreibich-Nawka (2. wotprawa) spěwarjej Sebastianej Gayowskemu (nalěwo) a rejwarjej Alexanderej Bolkej (naprawo) božemje. Kompoziciju „Tango sorabica“ Lutza Lehmanna wědźachu rejowarjo z wotpowědnej choreografiju wobrazliwje předstajić.Po wulětach mjez druhim do Argentinskeje, Rumunskeje a wjacekróć do bliskeho słowjanskeho wukraja wěnowaštej kubłanišćo swj. Bena a Serbski ludowy ansambl lětuši Hudźbny swjedźeń Smochćicy cyle zynkam Łužicy.
