Ratarskej mašinje fuk

Radwor. Tójšto škody su paduši minjeny kónc tydźenja w Radworju nadźěłali. Kaž policija rozprawja, zadobychu so woni na teren firmy a wočinichu halu. Z njeje pokradnychu teleskopowy nakładowak a traktor typa Fendt. Hódnotu wobeju mašinow trochuja na cyłkownje něhdźe 167 000 eurow. Wěcna škoda wučinja něhdźe 400 eurow. Policija je wšelake ­slědy zawěsćiła a nětko za ratarskimaj mašinomaj pyta.

Zražka z busom

Mučow. Šofer busa a 15lětny młodostny staj so póndźelu po připołdnju při wobchadnym njezbožu w Mučowje zraniłoj. 52lětny wodźer busa chcyše tam naprawo wotbočić. Runje w tym wokomiku pak přijědźe z pódlanskeje dróhi 62lětna wodźerka awta, předjězbu busa njewobkedźbowaše a do njeho zrazy. Škoda na woběmaj jězdźidłomaj wučinja cyłkowne něhdźe 10 000 eurow.

Rentnarce móšnju pokradnyli