Po wšěm wokrjesu wotpadki zběraja
Budyšin (SN/MWj). Wot 2. hač do 29. měrca w Budyskim wokrjesu zaso při pućach, na naměstach a na pólnych šćežkach wotpadki zběraja. Přirodowa centrala wokrjesa je akciju znowa organizowała a wšitkich zajimcow namołwjała, so ze swójskej iniciatiwu na akciji wobdźělić. Kaž koordinatorka Sophia Hauswald nětko zdźěli, je so wjace hač 90 iniciatiwow přizjewiło. Su to gmejny, jednotliwe wsy, šule, pěstowarnje, towarstwa a priwatne wosoby. „Wot wulkeje zhromadneje akcije hač k priwatnym jednotliwcam je wšitko pódla“, Sophia Hauswald rozłoži.
Štóž chce so na jednej z přizjewjenych akcijow wobdźělić, njech pohlada na internetnu stronu . Tam su wšitke akcije naličene. Připisali organizatorojo su, hdy so wone wotměja a hdźe so wobdźělnicy zetkaja. Na dalše prašenja wotmołwja přirodowa centrala tež pod telefoniskim čisłom 035933 329640.
Njewšědne wobchadne njezbožo sta so dźensa dopołdnja na ...
Stawkować a sławne žony zeznać
Zjawne wodźenje po wustajeńcy Budyskeho Měšćanskeho muzeja a debjenje jutrownych jejkow w Kamjencu stej poskitkaj, kotrejž we wobłuku akciskich tydźenjow za žony Budyskeho wokrjesa na serbske žiwjenje skedźbnjatej.
Budyšin (SN/MiR). Cyły měsac połny mnohotnosće, wuměny a inspiracije – takle wabja społnomócnjene za runostajenje městow Budyšina a Wojerec na mjeztym 6. akciske tydźenje žonow w Budyskim wokrjesu. Pod hesłom „Słowa so jimać. Sobu rěčeć. Jednać,“ su wšitke žony, zajimowani mužojo a zwjazkarjo na zarjadowanja přeprošeni. „Runostajenje žiwi so z wobdźělenja, mnohotnosće a zmužitosće zhromadnje po nowych pućach kročić“, tak zamołwitej pisatej. Wot 1. hač do 31. měrca 2026 wotměja so zarjadowanja, kotrež wšelakorosć žiwjenja a angažementa žonow zwidźomnjeja.
Krótkopowěsće (24.02.26)
Ochranowske hwězdne dźěćo
Židźino. Johanna Jochim ze Židźinoho je nowe Hwězdne dźěćo předewzaća Ochranowske hwězdy. Jědnaćelětna gymnaziastka ma je zjawnje prezentować. Mjez druhim je na kartonkach noweje wosebiteje edicije widźeć, kotruž 1. apryla předstaja. Sama wo sebi praji, zo je fanowka hwězdow a zo wobsedźi mjeztym něhdźe 70 eksemplarow.
Zjězd duchownowědnikow zahajili
Wien. Uniwersita Wien je z hosćićelku wčera zahajeneje mjezynarodneje konferency „DHd 2026“. Hač do přichodneho pjatka wěnuja so fachowcy přewažnje z Němskeje a Awstriskeje aktualnym prašenjam interdisciplinarneho wobłuka digital humanities. Program wopřijima wjace hač 180 zarjadowanjow. Mjez druhim předstajitej zajutřišim Serbski institut a Sakska akademija wědomosćow projekt „Serbske kulturne pomniki“.
Protest ze Zhorjelca
Policija (23.02.26)
Frontalnje do so zrazyłoj
Słona Boršć. K ćežkemu wobchadnemu njezbožu wołachu minjeny pjatk rano policiju do bliskosće Słoneje Boršće. 68lětna wodźerka wosoboweho awta typa Volvo jědźeše krótko po 7 hodź. na statnej dróze S 106 z Třoch Hwězdow do směra awtodróhoweje wotbóčki. Krótko do toho chcyše wona nalěwo na S 100 do směra na Kamjenc wotbočić. Při tym pak wona njewobkedźbowaše, zo jej napřećo dalše wosobowe awto přijědźe. Tak dóńdźe k frontalnej zražce ze 57lětnym wodźerjom Mercedesa. Na zbožo so při tym nichtó njezrani. Wěcnu škodu trochuje policija na něhdźe 5 000 eurow.
Paduchow lepili
Krušwica/Grodk. Štyrjo pólscy a ukrainscy staćenjo su sobotu popołdnju w Krušwicy elektriske nastroje w hódnoće 130 eurow pokradnyli. Najprjedy drje móžachu woni ze swojim awtom ćeknyć. Kedźbliwa wobydlerka pak jich policajske čisło policiji zdźěli. Zastojnicy wuslědźichu skućićelow pozdźišo w Grodku. Tam běchu woni w dalšim wobchodźe kradnyli. Rubiznu z Krušwicy mějachu woni hišće w swojim awće.
Woheń wulku škodu načinił
Wo znatym bahnje přednošował
Seniorojo škotuja
Pančicy-Kukow. Druhi lětuši škotowy turněr serbskich seniorow wotměje so jutře, wutoru, w „Karstenowej piwowej stwičce“ w Pančicach-Kukowje. Započatk budźe w 14 hodź. Nowačkojo su kaž přeco wutrobnje witani. Posledni dźeń měrca zetkaja so škotowarjo potom w Njeswačanskim hosćencu.
Pjatk nic sam snědać
Rakecy. Kóždy pjatk přeprošuje Rakečanska ewangelska wosada na zhromadnu snědań do farskeje bróžnje. Je to poskitk za wšitkich, kotřiž su hewak často sami a so nad rozmołwu při snědani wjesela. Za wudawki wuproša sej organizatorojo dar we wobjimje jednoho eura abo dweju eurow, zdźěli farar Robert Malink w Rakečanskej gmejnskej nowinje.
Wo wukubłanju so wobhonić
Nałožk ma swój mystiski raz wobchować
„Jutrowne wuchodźowanje“ je format, w kotrymž Susann Wuško z Krabatoweho młyna turistam wosebitosće dojutrownych a jutrownych nałožkow w Čornym Chołmcu rozłožuje. To mjez druhim tomu słuži, zo jutrowne spěwanje swój mystiski raz wobchowa.
Bjez wobornikow njeńdźe
Delanscy wobornicy hłownu zhromadźiznu z dobrej bilancu wotměli
Ralbicy (JK/SN). Swoju hłownu zhromadźiznu su wobornicy delanskeje gmejny minjenu sobotu w jědźerni Ralbičanskeje šule přewjedli. K zahajenju witaše nawoda gmejnskeje wobory Michał Maywald nimo nimale sto aktiwnych čłonow gmejnskeje wohnjoweje wobory, wjesnjanostu Hubertusa Ryćerja (njestronjan) kaž tež nawodow wohnjowych woborow susodneju gmejnow Njeswačidło a Rakecy. Rakečanskim dźakowaše so za jich zwólniwosć, přewzać za kónc tydźenja za Ralbičanskich wobornikow hotowostnu słužbu a ewentualne zasadźenja.
Slědowachu rozprawy jednotliwych wjesnych woborow, kotrež jich nawodźa přednjesechu. Tak mjez druhim wobornicy Konjec-Šunowa dźakownje wo wobnowjenej gratowni kaž tež wo nowym tepjenju w njej rozprawjachu a so zdobom gmejnje za wulkotnu pomoc dźakowachu. Tež w Smjerdźacej maja wobornicy w rumnosćach něhdyšeje pěstowarnje nětko přijomne móžnosće, so na dalekubłanja a zhromadźizny zetkawać. Rumnosće su w swójskej iniciatiwje sami wobnowili a sej zarjadowali.
