Krótkopowěsće (07.09.26)
Zasadźa tři přidatne ćahi
Budyšin. Železniske předewzaće trilex wot dźensnišeho tři přidatne ćahi mjez Drježdźanami – Biskopicami – Zhorjelcom zasadźa. Kapacity chcedźa tak hač do januara powyšić. Zaměrowy zwjazk wuchodna Sakska (ZVVO) bě za to trěbne financne srědki wobzamknył. Předewzaće ODEG je ćahi k dispoziciji stajiło. Bliše informacije wo jězbnym planje zhonja sobujěducy na internetnej stronje .
Timmereversa rozžohnowali
Drježdźany. Heinricha Timmerversa su zawčerawšim swjatočnje jako biskopa Drježdźansko-Mišnjanskeho biskopstwa rozžohnowali. Mjez přitomnymi Božeje mšě w Drježdźanskej Dwórskej cyrkwi běchu serbscy duchowni, wěriwi ze serbskich wosadow, kaž tež sydom družkow. Próstwy je mjez druhim družka serbsce přednjesła.
Češa a biblioteki
Policija (04.09.26)
Awće do so zrazyłoj
Łuty. Dokelž bě sej 59lětna šoferka pječa za někotre sekundy wusnyła, zajědźe wona na Karla Liebknechtowej we Łutach na wopačnu jězdnju. Při tym koliděrowaše jeje awto z Hondu 65lětneje. Zraniłoj drje so žonje njejstej, nasta pak wěcna škoda něhdźe 20 000 eurow. Hišće na městnje njezboža sćazachu zastojnicy 59lětnej jězbnu dowolnosć.
Swójske bydlenje je nowum
W Domje swjateho Jana w Smječkecach na wosebitu potrjebu reaguja
Smječkecy (SN/StŠ). Hordźe a přiwšěm měrnje a wěcownje pokazuje mi nawoda Domu swjateho Jana w Smječkecach, Richard Paška, nowe bydlenje, kiž su před krótkim na tamnišim arealu oficialnje do słužby wzali. Na prěni pohlad je to bydlenje kaž kóžde druhe. A tola ma někotre wosebitosće, nawoda domu rozkładuje: „Bydlenska jednotka je w přizemju a wopřijima nimo bydlenskeje spansku, kupjel a kuchnju a separatny rum za přebywanje našich sobudźěłaćerjow, móhłrjec běrow.“ To je trjeba, dokelž je čłowjek, kotryž w nowych rumnosćach bydli, 24 hodźinow dźeń wote dnja hladanja potrěbny.
W Delanach twar horta zahajili
Něhdyše kazino oficěrow na předań
Něhdyše kazino oficěrow, kotrež bě Swobodny stat Sakska hakle před něšto lětami ponowił, je nětko na předań. Towarstwa, kiž su w domskim swoje sydło měli, so rozpušća abo so za druhim domicilom rozhladuja.
Budyšin (UM/SN). Swobodny stat Sakska, zastupjeny wot Statneho zawoda za management imobilijow a twarow (SIB), chce něhdyše kazino oficěrow na Löhrowej předać. W ekspozeju pisaja, zo jedna so wo „objekt, kotryž je jako pomnik ze załožerskeho časa škitany. Jón běchu jako kazino kaserny natwarili, kotraž tam něhdy bě“. Domske ma wjacore jónkrótne přiznamjenja, kaž kulojty portal, stuk w rumnosćach kaž tež třěchu z kuplu. Wot lěta 1999 ma Njewotwisny zwjazk seniorow (USV) Budyšin swoje sydło w domskim. Tele towarstwo wužiwa twarjenje na zakładźe zrěčenja herbskeho twarstwa. Tute zrěčenje kónc lěta wuběži. „Bohužel towarstwo tohorunja rozpušćimy. Tuchwilu je hižo likwidujemy“, rjekny předsydka Monika Petrick.
Hermank z mnoho atrakcijemi
Krótkopowěsće (04.09.26)
Nowa regionalna rěčnica
Wojerecy. Wot 1. septembra je Juliette Aulichowa ze Židźinoho nowa regionalna rěčnica na teritoriju župy „Handrij Zejler“ Wojerecy a ma naležnosće tamnišich kulturnych towarstwow, kubłanišćow a lokalnych skupin na starosći. W swojim swobodnym času wona pola docenta Mareka Krawca serbsce wuknje.
Octavian Ursu spřisahany
Zhorjelc. Na wčerawšim posedźenju Zhorjelskeje měšćanskeje rady bu nowy a bywši wyši měšćanosta Octavian Ursu (CDU) spřisahany. Jeho běchu wólbokmani wobydlerjo hižo kónc meje znowa do zastojnstwa wolili. Wčera předstaji měšćanosta swój program. Mjez druhim chce wón pěstowarnje ponowić a kulturne poskitki zachować. Tež ze susodnym městom Zgorzelecom chce wušo hromadźe dźěłać.
Žitawa za krajnu přehladku
Wuhotuja wjesny swjedźeń
Policija (03.09.26)
Šofer pod wliwom alkohola
Budyšin. Krótko po połnocy su policisća wutoru muža při powšitkownej kontroli wobchada z 0,62 promilemi alkohola w kreji lepili. Dokelž so wón přećiwo procedurje wobaraše, kotruž zastojnicy w tajkim padźe poprawom přewjeduja, sudnik přikaza, zo ma so mužej krej wotewzać. Z awtom muž wězo dale jěć njesmědźeše.
Žona z bydlenja nochcyła
Mužakow. Wutoru nawječor zazwoni muž na policiju, dokelž žona hižo jeho bydlenje wopušćić nochcyše. Jaku ju zastojnicy pozdźišo z bydlenja wotwjesć spytachu, so wona spjećowaše a kopny wo durje kupjele. Při tym nasta wěcna škoda. Tež po tym so 48lětna ze wšej mocu wobaraše, zhromadnje z policistami z bydlenja hić. Němce wumjetuja nětko kaženje domjaceho měra, wobškodźenje wěcow kaž tež spjećowanje přećiwo zastojnikam.
Wodźer konop konsumował
Wulke Rědorjecy. Při powšitkownej kontroli wobchada su zastojnicy wutoru muža na e-scooteru lepili, kotryž bě cannabis konsumował. Jězba bě za njeho nablaku nimo.
