Nowiny dale na kuchinskim blidźe
Šef statneje kenclije Sakskeje je so dźiwał, kelko młodych wobličow w redakciji našeho wječornika wuhlada. Tola bě hišće dalšich překwapjenkow, jako wón „wuznamny medij za Łužicu“ wopyta.
Budyšin (SN/mb). Prěnja stacija šefa sakskeje statneje kenclije dr. Andreasa Handschuha (bjezstronski) na wčerawšim wopyće w Ludowym nakładnistwje Domowina (LND) běše wobłuk rozšěrjenje. Tule jemu Marian Korjeńk, zamołwity za nowiny a časopisy, mjez druhim syć 56 roznošowarjow Serbskich Nowin (SN) rozkładźe. Woni so wo to staraja, zo ma serbski dźenik najskerje najspušćomniši system dodawanja nowin po cyłej Němskej.
Krótkopowěsće (14.08.26)
Nowe wětrniki nastaja
Mułkecy. Dohromady 21 wětrnikow chce předewzaće enercity wokoło Slepoho natwarić. W Mułkecach nastaja lětsa hišće štyri nowe wětrniki, kotrež maja wot klětušeho dźěłać. Tuchwilu twarja za to fundamenty, nazymu chcedźa z twarom sćežorow, gondlow a wokřidłow pokročować.
Ličba stolětnych spochi stupa
Praha. Ličba najstaršich wobydlerjow w Sakskej a Čěskej spochi přiběra. To zwisuje mjez druhim z boomom porodow po Druhej swětowej wójnje a z dobrej žiwjenskej kwalitu. W Čěskej je hiužo tuchwilu něhdźe 1030 ludźi sto lět a staršich, to je něhdźe jedna wosoba na 10 000 wobydlerjow. W Sakskej mamy na 10 000 wobydlerjow 2,6 ludźi w starobje sto abo wjace lět. Sakska je z tym mjeze zwjazkowymi krajemi Němskeje na druhim městnje za Hamburgom, hdźež su mjez 10 000 wobydlerjemi nimale třo w tutej najwyšej starobje.
Twarja skład miliny
Kino we wowčerni
Stróža. Dokumentaciju wo přirodźe „Das Flüstern der Wälder“ pokazaja jutře, pjatk, w 20 hodź. we wowčerni biosferoweho rezerwata Hornjołužiska hola a haty w Stróži pola Hućiny. Je to mjeztym šesty raz, zo zhromadnje z Budyskim Kamjentnym domom tajke kinowe wječory w awgusće wuhotuja. Wopytowarjam poskićuja chłódne napoje, słódnosće z grila a přikuski.
Bursa mineralijow
Hórnikecy. Na 21. łužisku bursu mineralijow su hromadźerjo a dalši zajimcy zbliska a zdaloka njedźelu, 16. awgusta do Hórnikečanskeje Energijoweje fabriki přeprošeni. Zarjadowanje organizuje Towarstwo přećelow mineralogije wuchodneje Sakskeje. Bursa wotměje so wot 10 hač do 16 hodź. Dźěći móža mjez druhim złoto pytać a mineralije wobdźěłać.
Koi-karpy su rjany hobby
Wosebje na wsach drje je lědma domjacnosće, w kotrejž njeje domjaceho zwěrjeća. Mjeztym zo so psyk a kóčka poměrnje husto jewitej, su bóle eksotiske zwěrjata skerje rědke. Wo nich a jich plahowarjach na wšelakich městnach Łužicy rozprawjamy w lětnjej seriji Serbskich Nowin. (6)
Hižo někotre lěta měješe Róžeńčanski blidarski mišter Benedikt Wjesela mały haćik z rybičkami. Hat njebě hłuboki a tež nic přewulki, za małe ryby pak dosahaše. Doniž njepřińdźe zyma a rybički zmjerznychu. Tuž so Róžeńčan rozsudźi, hat powjetšić a pohłubšić. Pěskojta zemja pak so přeco zaso do dźěry suwaše a tak nasta něšto wjetši hat hač bě předwidźane. Na kóncu bě nimale meter hłuboki. Benedikt Wjesela wobrubi kromy z kamjenjemi a zwosadźa wódne rostliny. Ale falowachu hišće ryby. Připad jemu pomhaše. Šef jeho mandźelskeje plahuje koi-karpy a měješe runje w tym času jara wjele dorosta w swojim haće. Z toho chcyše wjacore wotedać. Róžeńčan bě za poskitk dźakowny. Poprawom wšak chcyše jenož šěsć karpow wzać, na kóncu dósta 25.
Čas zwonjenja z ruku je nimo
W Rachlowskej kapałce maja modernu techniku
Rachlow (AK/SN). Wšědnje připołdnju w dwanaćich zwón Rachlowskeje kapałki k modlitwje zwoni. Kóždy druhi štwórtk měsacach swjeća tu Božu mšu, jutrowničku so křižerjo wokoło kapałki hromadźa a zemrěje-li něchtó ze wsy, přichodny dźeń za njeboćičkeho zwonja.
„Naša kapałka je takrjec centrum wsy“, powěda Jan Balla. 78lětny a jeho mandźelska Wórša staj wjele lět zwón z ruku posłužowałoj. Starobnych přičin dla staj nadawk spušćiłoj. Do njeju činjachu to Hańža Kilankowa, Michał Mučišk, Madlena a Jurij Matješk a dalši wobydlerjo. „Jim wšitkim smy jara dźakowni“, praji Susanne Kockertowa. 61lětna wot lěta 2014 w Rachlowje bydli. Wot samsneho lěta je wona w Rachlowje wjesna předstejićerka. Kulowskej měšćanskej radźe pak přisłuša hižo wot lěta 2009.
Ballic mandźelskaj w Rachlowje mnoho nadawkow spjelnjataj. Hdyž něchtó ze wsy zemrěje, přiwuzni najprjedy jeju informuja. Na Božej mši wonaj kolektu zběrataj a do toho kapałku wupyšitaj. Nimo toho organizujetaj we wsy terminy za domyswjećenje.
Zaćmiće słónca bě wčera wječor po wšej Europje wulki spektakl. ...
Hóstny jěchar łapanje kokota dobył
Sport, robotika a mnoho dalšeho
Župa „Handrij Zejler“ zhladuje na přichod
Wojerecy. (SN/MDź) Na posedźenju župy „Handrij Zejler“ wčera we Wojerecach wuradźowachu sobustawojo wo zarjadowanjach a předewzaćach přichodnych tydźenjow a měsacow nastupajo serbske kulturne žiwjenje. Gabriela Linakowa sposrědkowa na naprašowanje SN přehlad wo najwažnišich temach posedźenja a wobšěrny wuhlad do přichoda.
Spočatnje wuhódnoćichu zarjadowanje 100. posmjertninow Awgusta Lapšticha lětsa dnja 13. awgusta. We wobłuku zarjadowanja składnostnje posmjertninow, kotrež wotmě so hižo 13. julija, wopominachu žiwjenje a skutkowanje serbskeho prócowarja, nakładnika a sobuzałožerja Domowiny.
Krótkopowěsće (13.08.26)
Župna ekskursija wotprajena
Chrósćicy. Domowinska župa „Michał Hórnik“ je wčera popołdnju swój lětuši župny wulět wotprajić dyrbjała. Na předwidźanej ekskursiji su sej 22. awgusta do Delnjeje Łužicy dojěć chcyli. Mjez druhim bě wopyt wuwozneho mosta F 60 planowany. Po naprašowanju našeho wječornika njebě so dosć zajimcow za jězbu přizjewiło.
Šula z nowym konceptom
Worklecy. Na Serbskej wyšej šuli „Michał Hórnik“ Worklecy zawjedu spočatk přichodneho šulskeho lěta nowy koncept. Šulerki a šulerjo maja potom samostatnišo dźěłać a wuknyć. Dalše ćežišćo je wobchad z medijemi. Zo bychu to časowje zdokonjeli, změja 80 mjeńšinow trajace dwójne hodźiny. Nowy koncept je ze šulerjemi a staršimi wotrěčany. Pilotowa faza traje jedne šulske lěto.
Wažny lěk dodawać njemóhli
