Prózdniny w muzeju, na přikład we Wojerecach, Kamjencu a Budyšinje

Wojerecy/Budyšin/Kamjenc (SN/MiR). Zymske prózdniny su mnohim staršim składnosć, swoje dźěći na prózdninske poskitki pósłać, zo bychu sej přidatnu wědu přiswojili a so zabawjeli. Dobra adresa za to su tele dny zaso łužiske muzeje. W Budyskim Serbskim muzeju nastanu „Zymske wobrazy z mozaika“. Hortowe a předšulske skupiny móža tu ze wšelakobarbnych keramiskich kamuškow dekoratiwne mustry zestajeć. Dalši poskitk je z aktualnej wustajeńcu muzeja zwjazany. Dokelž wšak něchtóžkuli w dowolu rady za wosebje rjanymi motiwami pyta, je jemu wopyt wustajeńcy z fotami Jürgena Maćija „Ducy domoj“ zawěsće z dobrej inspiraciju. Po tym chcedźa muzejownicy z wobdźělnikami fotowu kolažu z molowankami a tekstom zestajić. Dźěći wot pjeć lět móža so přizjewić.