Zakładni šulerjo wo lěsu zhonili
Chcedźa Kretschmerej pisać
Předsydstwo Serbskeho šulskeho towarstwa (SŠT) je na wčerawšim posedźenju wobzamknyło, zo swojich „wosom žadanjow za serbske šulstwo“ na wšitke frakcije Sakskeho krajneho sejma pósćele. Zdobom chcedźa z listom wo stejišćo frakcije k podatym žadanjam a wo rozmołwu prosyć.
Trjeba je, so jasnje wuprajić
Wyšim šulerjam so „hłowa kuri“
Wo idejach, zwadach a małym čwaku nadźije
Ze 4. Serbskej debatu we Wojerecach rjad lětsa zakónčili – prašenjow je nadal mnohich a wotmołwow hišće wjac
Prolog
Žurla „Vis-à-vis“ we Wojerecach. Rynki stólcow so pomału pjelnja. Wotboka přišeptnje mi něchtó: „Dźensa je najmjenje ludźi přišło.“ Něhdźe 40 jich přiwšěm je, 30 ludźi so přez livestream wobdźěla. Hladaja wćipnje na podij, za kotrymž je na sćěnowinje widźeć: 4. Serbska debata. Tema dźensa: Štó zastupuje serbski lud? Přichod politiskeje participacije.
Participacija, što da to nětko zaso je? Mały ekskurs: za cuzym słowom chowa so jako serbski přełožk wobdźělenje abo tež sobupostajowanje. Debata ma potajkim wuslědźić, štó móhł serbski ludźik w přichodźe na parkeće wulkeje politiki zastupować.
Jenički dypk na kóncu wo dobyću rozsudźił
Pruwowanje w stawiznach pisali
Pjeku Hórnikowe poprjančki
Na Worklečanskej wyšej šuli chcedźa poměr wuknjacych k njej skrućić
Hórnikowe dny na Worklečanskej wyšej šuli su šulerjow, wučerjow a referentow krótko do jutrow do wosebiteho cyłka zjednoćili. Milenka Rječcyna je so ze šulskej nawodnicu Dianu Šołćinu rozmołwjała.
Šulerjo Michała Hórnika zasadnje znaja. Wón je w běhu kóždeho šulskeho lěta na wšelake wašnje tema wuwučowanja. Z kotreje přičiny sće tajke dny wuhotowali?
D. Šołćina: Tale tema je so za šulske lěto poskićiła, dokelž mamy 190. posmjertne narodniny a 130. posmjertniny Hórnika. A naša šula lětsa jeho mjeno 30 lět nosy. Tuž smy ideju zrodźili, zo tute lěto „Hórnikowe lěto“ pomjenujemy. Tuž su so wšitke dźěłarnički projektnych dnjow wokoło Michała Hórnika wjerćeli. Spočatk šulskeho lěta smy 1. septembra při pomniku Hórnika na jeho posmjertne narodniny spominali.
Z kotrych poskitkow sće na Hórnikowych dnjach čerpali?
Interkulturne zwiski w běhu projekta natwarić a po tym dale hajić
W dojutrownym tydźenju wotměwachu so na Budyskej Serbskej zakładnej šuli lětsa wjace aktiwitow, hač minjene lěta. Nimo tradicionalneho jutrowneho projekta a jutrowneho spěwanja při jutrownej studni na Mjasowych wikach z Budyskim wyšim měšćanostu Karstenom Vogtom přewjedźeštej na kubłanišću paralelnje dalšej projektaj.
Jedyn z tuteju projektow wotměwaše so pod hesłom „From Ragtime to early Jazz“. Hudźbnikaj Mario Meusel a Christian Schöbel ze skupiny 2Hot z Dohny zahorištaj na šulerskim koncerće. Wonaj staj so zhromadnje z dźěćimi na historiske pućowanje ke korjenjam ragtima, boogie-woogija a swinga hač k jazzej podałoj. Koncert běše interaktiwnje wuhotowany. Tak su šulerjo z nimaj bubnowali a na klawěrje hrali. Atmosfera běše přewšo wulkotna, zahorjaca a połna energije, čemuž so nichtó wuwinyć njemóžeše. Wšitcy so tam a sem čumpachu, kleskachu a pohibowachu so w takće sobu. Na kóncu žadachu sej dźěći přidawk.
Zwoprawdźi sej powołanski són
Na Techniskej uniwersiće w Kamjenicy studuje 23lětna Serbowka Johanna Šurec wědomostnu fyziku, tuchwilu w druhim lěće. W cyłku třilětny bachelorowy studij je zakładny krok po puću k masterskemu studijej astrofyziki. Dokelž jón uniwersita w Kamjenicy w programje nima, dyrbi sej potom chcyjo-nochcyjo nowu uniwersitu pytać. „Dokal póńdu, to tuchwilu hišće njewěm“, praji wona. Swětnišćo fascinuje ju hižo z časa dźěćatstwa. Z tuteje fascinacije zrodźi so pozdźišo powołanski són, so z astrofyzikarku stać. W běhu lět njeje Johanna Šurec són spušćiła ale jón dale a chutnišo přepruwowała. Na kóncu gymnazialneho časa je so – tež hladajo na sylnej šulskej předmjetaj matematiku a fyziku – doskónčnje rozsudźiła, zo chce jón zwoprawdźić.
