Njebjelčicy (SN/MWj). Na Sofiju Cyžec z Njebjelčic čaka přichodne dny wulki dyrdomdej w Južnej Americe. 19lětna je so rozsudźiła, dwanaće měsacow w kolumbiskim měsće Cali w juhozapadnym dźělu kraja žiwa być a so tam w socialnym projekće angažować, zaběracym so z kubłanjom dźěći a młodostnych. W šuli, kotraž so jeničce z pjenježnymi darami financuje, chce Njebjelčanska młodostna mjez druhim němčinu a jendźelšćinu wuwučować.
Ideju so socialnje angažować, měješe Sofija Cyžec, nawróćiwši so loni z highschool-lěta w USA. Zo móžeše so tam z ameriskej kulturu a mentalitu zeznajomić, za to je hóstnej swójbje přewšo dźakowna. Njesebičnosć, wutrobnosć a dobroćiwosć, kotruž bě tam nazhoniła, chcyše na někajke wašnje dale dać, tak zo so za dobrowólne socialne lěto we wukraju rozsudźi. Nic pak w bohatej USA, ale w chudšim kraju, hdźež su ludźo pomocy wjele potrěbniši.
Nadróžne twarnišća wuchowansku słužbu tuchwilu chětro poćežuja. Dokelž dyrbja zdźěla wokołopuće na so wzać, pomocnicy druhdy spěšnje dosć pomhać njemóža. W Klukšu by to njedawno nimale zlě wušło.
Zdźěr (CE/SN). Minjeny štwórtk drje Budarjec swójba ze Zdźěrje tak spěšnje njezabudźe. Kubłarka Klukšanskeje pěstowarnje bě Daniela Budarja telefonisce informowała, zo ma mały Tristan zymicu a zo so spodźiwnje měrnje zadźerži. Nablaku dojědźe sej 35lětny do susodneje wsy, dokelž wědźeše, zo chila jeho synk k zymicowym spinanjam. Kaž bě k pěstowarni dojěł, jemu kubłarka hižo napřećo spěchaše: „Dźěćo ma sylne spinanje!“ W tym wokomiku wohnjowemu wobornikej wjele myslow přez hłowu šuskaše. Wón dokładnje wědźeše, zo wuchowanske awto hač do Klukšanskeje pěstowarnje znajmjeńša 15 mjeńšin trjeba, jědźe-li wone přez Malešecy, je to 21 mjeńšin. A tak so tež sta.
Spožča Myto přichoda
Choćebuz. Mjez dobyćerjemi lětušeho braniborskeho Myta přichoda stej tež Choćebuskej předewzaći Kunella Feinkost a Elbewald. Z 90 požadarjow wo myto je njewotwisna jury dźewjećoch wuzwoliła. Myto spožčić chcedźa 6. nowembra na swjedźenskim zarjadowanju na hrodźe Neuhardenberg.
Čěske jastwa zaso połne
Praha. Po aktualnych wozjewjenjach su čěske jastwa přepjelnjene – a to ze 103 procentami swójskeje kapacity. Staw je tuž samsny kaž do januara 2013, jako běchu jastwa po wobšěrnej amnestiji tehdyšeho prezidenta Václava Klausa chětro wuprózdnjene. Pobrachowace městna chcedźa hišće lětsa zarjadować, knježerstwo zdźěla.
Sakske firmy dypkownje płaća
Hamburg. Sakske předewzaća maja w cyłoněmskim přirunanju najlěpšu płaćensku moralku. Tole wuchadźa ze studije Hamburgskeje hospodarskeje słužby Bürgel. Tak je w meji jenož 12,9 procentow sakskich firmow swoje zličbowanki přepozdźe płaćiło abo scyła nic. Přerězk Němskeje leži pola 16,5 proc. Najšpatnišu moralku maja w Posaarskej (22,1 procent). Prašane bu 470 000 firmow.
Koparski hrajny plan wušoł
Kónc julija skónči so hamtski čas Alfonsa Ryćerja jako předsydy zarjadniskeho zwjazka Při Klóšterskej wodźe. 14 lět je wón zastojnstwo wukonjał. Marian Wjeńka je so z nim wo tymle času rozmołwjał.
Kak ze swojeje funkcije woteńdźeće? Ze smějacym abo z płakacym wóčkom abo cyle hinak?
A. Ryćer: Płakace wóčko na žadyn pad nimam. Ja so takrjec hižo sydom lět na swój wotchad přihotuju. Jako sym tule wólbnu dobu nastupił, bě mi wot wšeho spočatka jasne, zo je to moja poslednja. To wědźeše tež moja swójba. W zjawnosći to wězo rjekł njejsym. Myslu sej, zo mam nětko naslědnika, kiž tele dźěło w zmysle pjeć sobustawskich gmejnow, w zmysle přistajenych a tež w zmysle wobydlerjow derje zdokonja. Tuž sym wjesoły, zo sym swój čas tule bjez wulkich katastrofow a skandalow přetrał.
Nadźijomnje tež bjez strowotnych škodow.
A. Ryćer: Mějach wulke zbožo, zo njejsym chorosće dla ani jenički dźeń wupadnył, nic w 14 lětach w zarjadniskim zwjazku a tež do toho nic w dwanaće lětach jako wjesnjanosta. Za to sym jara dźakowny. Posledni raz chory pisany běch 1987. A tohodla woteńdu jeničce ze smějacym wóčkom.
Merkel w Drježdźanach była
Drježdźany. Zwjazkowa kanclerka Angela Merkel je so dźensa w Drježdźanach wo najnowšich wuwićach na polu mikroelektroniki wobhoniła. Zhromadnje z ministerskim prezidentom Stanisławom Tilichom a ministerku za slědźenje Johannu Wanku (wšitcy CDU) wopyta wona předewzaći Globalfoundries a Infineon kaž tež Frauenhoferski institut.
Trjebaja mjenje brunicy
Essen. Energijowy koncern RWE trjeba hač do kónca lěta hač do 15 procentow mjenje wuhla k zmilinjenju hač minjene lěta. Dotal pak hišće njewědźa, kotre bloki milinarnjow zawru, koncern dźensa zdźěli. Ludźi pušćić chcedźa na „fairnje a znjesliwe wašnje“, kaž rěkaše. Zwjazkowe knježerstwo bě rozsudźiło, starše bloki zawrěć a koncerny za to wotškódnić.
Špatna nalada w firmach
Halle. Nalada we wuchodoněmskich industrijnych předewzaćach je dale pochmurjena. To poćahuje so na posudźowanje aktualneho połoženja kaž tež na wočakowanja do přichoda, Institut za hospodarske slědźenje w Halle zdźěla. Woprašeli běchu so 300 předewzaćow.
U19 hižo zwrěšćiła
Wulki Wjelkow. Kiosk prazwěrjenca we Wulkim Wjelkowje bě minjeny kónc tydźenja cil paduchow. W twarjenju woni wšitke rumnosće přepytachu a pokradnychu třicyfrowu sumu pjenjez. Nimo toho chcychu so do dalšeje hěty zadobyć, štož pak so njeporadźi. Wěcna škoda wučinja dohromady 600 eurow.
Nimo cyrkwjow su tež farske domy něme swědki stawiznow. Ze swojej lětnjej seriju so po serbskich a dwurěčnych katolskich a ewangelskich wosadach rozhladujemy a předstajamy někotre fary – dźensa Baćońsku.
Stawizny farskeho domu w Baćonju kryja so nimale časowje z twarom tamnišeje cyrkwje. W Katolskim Posole 1869 namjetowaštaj Michał Hórnik, tehdy kanonik Serbskeje cyrkwje w Budyšinje, a Tadej Natuš, administrator Róžeńčanskeje putniskeje cyrkwje, pak w Baćonju pak w Čornecach nowu cyrkej natwarić. W nowembru samsneho lěta je Budyski tachantski konsistorij zběranje srědkow za twar cyrkwje schwalił.
Philipp Mißfelder njeboh
Berlin. Zapósłanc CDU w zwjazkowym sejmje Philipp Mißfelder je njeboh. 35lětny wonkopolitiski rěčnik frakcije unije zemrě minjenu nóc na emboliju płucow, kaž prezidij CDU zdźěli. Wón zawostaji mandźelsku a dwě dźěsći. Mißfelder bě wot lěta 2005 zapósłanc zwjazkoweho sejma, wot 2002 hač do 2014 předsyda Młodeje unije Němskeje.
Nowe jězdźidła za pomoc
Budyšin. Sakski minister za nutřkowne naležnosće Markus Ulbig (CDU) je minjeny pjatk nowe awta za transport chorych přepodał. Wuchowanskej słužbje wokrjesow Budyšin a Zhorjelc dóstanjetej kóžda tři nowe jězdźidła. Stare njebudu hižo wužiwane. W nowych awtach hodźa so pacienća tež zastarać.
Ponowja čěski dźěl přistawa
Praha/Hamburg. Čěska republika chce swój dźěl Hamburgskeho přistawa, tak mjenowany „Moldauhafen“, ponowić a jón lěpje zwičnić. Po rekonstrukciji piera kaž tež twarjenjow móhli tam hač do 15 łódźow kótwicować. Wot lěta 1929 wotnaja bywša Čěskosłowakska tři hektary Hamburgskeho přistawa, mjeztym pak je přestrjeń chětro zapušćena.
HSV dobył – FC Bayern posledni