Na połstalětne wobstaće Serbskeho folklorneho ansambla dopomnili

Slepo (SN/HaJ). Wustajeńcu składnostnje połstalětneho wobstaća Serbskeho folklorneho ansambla Slepo su minjeny pjatk w Slepjanskim kulturnym centrumje (SKC) wotewrěli. W swojich shirtach z napismom „Nałožki, drasty, tradicije“ pokazachu sobustawojo towarstwa jednotnosć a wusměrjenje swojeho cyłka, kiž hižo 25 lět wobsteji. Zdobom poswjeći dwójce tak stary ansambl, kotryž nětko jako dźěl towarstwu přisłuša. T-shirty su z jadriwym wobrazom Njepilic dwora, meje, kłosy, mustra serbskich jejkow wuhotowane po stilu kaž wutřihanka. Wuhladachmy pola wopytowarjow a čłonow elementy Slepjanskeje narodneje drasty, kaž běchu to rubiška abo šaty z drastoweho płata a toše z płatom tamnišeje holčeje drasty.