Jonas Šołta (34), Martina Bačová (36) a jeju dźowka Greta (4) přebywaja rady na Šołćic burskim statoku w Njebjelčicach, byrbjež to rědko było. Młoda swójba bydli hižo wjacore lěta w Brüsselu. Swoje korjenje pak ma we Łužicy, w Drježdźanach a Bratislavje. Milenka Rječcyna je so ze staršimaj Grety rozmołwjała.
Sće z Łužicu wusko zwjazany, hačrunjež tu njebydliće. Kotry poměr maće k swojej poprawnej domiznje?
