Budapest (dpa/SN). Madźarski ministerski prezident Viktor Orbán je bjezposrědnje do zetkanja ze zwjazkowej kanclerku Angelu Merkel (CDU) swoju krutu politiku přećiwo ćěkancam potwjerdźił. Tak chcedźa z kałateho grotu wobstejacy płót na juhu kraja na „wobšěrnu technisku připrawu“ wutwarić, kotruž tež „statysacy ludźi naraz njepřewinu“, rjekny Orbán dźensa w Budapesće. W běhu dnja chcychu so wón a tamni knježerstwowi šefojo Visegrádskeje skupiny, Čěskeje, Słowakskeje a Pólskeje, z Merkel zetkać.

Jědnaće policistow morjenych

Istanbul (dpa/SN). Ličba při terorowym nadpadźe na juhowuchodźe Turkowskeje morjenych policistow je na jědnaće rozrostła. Třo policisća su dźensa na sćěhi swojich ćežkich zranjenjow wudychali, kaž powěsćernja Anadolu zdźěli. Při rozbuchnjenju awtobomby před twarjenjom hotowostneje policije w měsće Cizre so nimo toho 78 ludźi zrani. Turkowska na to tuka, zo je zakazana kurdiska strona PKK nadpad zawiniła.

Awstriska kritizuje kanclerku