Serbscy awtorojo na knižnych wikach

štwórtk, 23. měrca 2017 spisane wot:

Lipsk (SN/CoR). Lipšćanski wobydlerski komitej přeproša jutře, 24. měrca, w 16 hodź. do wopomnišća Museum in der Runden Ecke am Dittrichring 24. Tam předstaji historikar dr. Timo Meškank w rozmołwje ze sakskim krajnym społnomócnjenym za podłožki stasi bywšeje NDR Lutz Rathenow knihu „Sorben im Blick der Staatssicherheit“.

Jutře, pjatk, w 20 hodź. wobdźěli so basnica Róža Domašcyna­ ze zběrku „Die dörfer­ unter wasser sind in deinem kopf beredt“ na čitanju­ njewot­wisnych nakładnistwow w kofejowni hrajnišća Lin­denfels Westflügel na Hähnelowej dróze 27.

Sobotu, 25. měrca, w 13 hodź. prezentujetaj LND a wudawaćel Jürgen Maćij zwjazkaj historiskich fotografijow z Hornjeje a Delnjeje Łužicy „Wotmolowane“, a to na forumje za wěcne knihi w hali 3, stejnišćo E201. Zarjadowanje moderěrować budźe kulturny historikar prof. dr. Bernd Lindner.

Sobotu wot 20.15 hodź. wobdźěla so mjez druhim Róža Domašcyna, Hanka Šołćic a Milan Hrabal na Lipšćanskej nocy přełožowarjow, kotraž budźe w nakładnistwje Leipziger Literaturverlag na Brockhausowej 56.

dale čitać ...

Z tradicionalnymi hornčerskimi wikami zahaja na Rěčičanskim ...

pjatk, 17. měrca 2017 spisane wot:
Z tradicionalnymi hornčerskimi wikami zahaja na Rěčičanskim Ehrlichtec dworje njedźelu, 26. měrca, nowu sezonu. Nimale 50 rjemjeslnikow ze Sakskeje, Braniborskeje a Durinskeje je přizjewjenych, mjez nimi hornčerski mišter Günter Meißner z Trebusa pola Hähnichena, kaž z Rěčic zhonichmy. Foto: Foto: Marion Girth

dale čitać ...

Kaž wjedrarjo wěšća, móžemy so róžowu póndźelu w Hornjej ...

pjatk, 24. februara 2017 spisane wot:
Kaž wjedrarjo wěšća, móžemy so róžowu póndźelu w Hornjej Łužicy na słónčne wjedro wjeselić. Hač do njedźele pak wostanje po jich prognozy skerje měnjate. Póstniskim noram w Kinsporku, Choćebuzu, Šěrachowje a Kulowje drje wjedrowe kapriole skerje ničo njewučinjeja. Z mócnym „helaw“ spěwaja so woni na karnewalu do wutrobow ludźi. Foto: SN/Maćij Bulank

dale čitać ...

„Supergute Tage oder Die sonderbare Welt des Christopher Boone“ ...

pjatk, 17. februara 2017 spisane wot:
„Supergute Tage oder Die sonderbare Welt des Christopher Boone“ rěka inscenacija Budyskeho Němsko-Serbskeho ludoweho dźiwa­dła, kotraž ma dźensa premjeru. 15lětny Christopher nańdźe susodźic psa mortweho a stajnje so zdobom podhladny. Spěšnje so wujasni, zo je njewinowaty. Policija pak přestanje slědźić, a Christopher započina sam winika pytać. To njeje lochko, dokelž je wón aspergerski awtist a dóstawa mjez ludźimi paniku. W režiji Stefana Wolframa agěruja na jewišću mjez druhim Marvin George, Tomaš­ Cyž a Pauline Leitner (wotlěwa). Dalše předstajenje budźe jutře w 19.30 hodź. Foto: Mirosław Nowotny

dale čitać ...

Wustajeńca „mal mahl“ wuměłca z mjenom dekern w Korzymskej ...

pjatk, 10. februara 2017 spisane wot:
Wustajeńca „mal mahl“ wuměłca z mjenom dekern w Korzymskej galeriji Flox traje hišće hač do 19. měrca. Pokazuja tam mólby, skulptury a objekty ze zašłych nimale dwaceći lět. Foto: SN/Maćij Bulank

dale čitać ...

Nory so hižo wjesela

štwórtk, 02. februara 2017 spisane wot:
Serbske Pazlicy. Serbskopazličanske karnewalowe towarstwo bliži so wjerškej swojeje 47. sezony. Tohodla přeprošuje wone pod hesłom „Ničo njewostanje kaž je“ zhromadnje z princowskim porom Danielom II. a Bernadetu I. na wjacore zarjadowanja do Njebjelčanskeje „Bjesady“. Na sobotomaj, 18. a 25. februara wotmějetej so tam stajnje w 19.30 hodź. kapičkowej wječoraj. Dale wuhotuja 19. februara w 15 hodź. póstnicy za seniorow, štwórtk, 23. februara, w 19.30 hodź. žónske póstnicy, sobotu, 25. februara, w 14 hodź. dźěćace póstnicy a 27. februara w 19.30 hodź. woswjeća róžowu póndźelu. Zastupne lisćiki dóstanu zajimcy pola Hübenthalec (tel. 03578/ 303 505) wšědnje wot 17 hodź. a při wječornej kasy.

dale čitać ...

Cyganska reja słuša do wjerškow lětušeho jubilejneho ...

pjatk, 27. januara 2017 spisane wot:
Cyganska reja słuša do wjerškow lětu­šeho jubilejneho ptačokwasneho programa Serbskeho ludoweho ansambla „Dejmantne a hinaše ptački“. Na nju móža so hižo wopytowarjo zarjadowanja dźensa wječor w Radworju, jutře w Slepom a njedźelu w Kulowje wjeselić. Jako hosća witaja po delnjołužiskej premjerje nětko tež w Hornjej Łužicy, Měrćina Weclicha. Foto: SN/M. Bulank

dale čitać ...

Štóž chce sej něšto w Budyskej Serbskej kulturnej informaciji ...

pjatk, 20. januara 2017 spisane wot:
Štóž chce sej něšto w Budyskej Serbskej kulturnej informaciji wobstarać, ma tele dny špatne wuhlady. Kaž zdźěli za SKI zamołwita sobudźěłaćerka Załožby za serbski lud Michaela Mošowa na naprašowanje SN, wostanje SKI hač do 29. januara zawrjena. Přičina je nimo inwentury, kaž z informacije při durjach wuchadźa (hlej foto), choroba sobudźěłaćerjow. Tuchwilu ma jenička při­stajena inwenturu zmištrować, štož swój čas traje. 30. januara pak SKI w přizemju Budyskeho Serbskeho domu zaso wote­wru, rěka ze zarjada załožby. Foto: SN/Maćij Bulank

dale čitać ...

Pop, rock, soul a folk w putniskej hospodźe

štwórtk, 12. januara 2017 spisane wot:

Chrósćicy. Njezwučene zynki zaklinča sobotu, 14. januara, w 19.45 hodź. w Chróšćanskej putniskej hospodźe. Drježdźanska band Soulmama & friends tam koncertuje. Budźe to akustiske pućowanje skupiny z gitaru, huslemi a spěwom. We wjace hač 20 lětach jewišćowych wustupow je skupina zajimawe slědy­ zawostajiła. Nimo směrow bigband soul, modern gospel, pop a rock su po­něčim tež american folk, blues a country k tomu přišli. Wopytowarjo dožiwja hudźbu k słuchanju, sobuspěwanju a rejwanju, raz wótřišo, raz mjelčišo ze zna­tymi a mjenje znatymi spěwami.

Tohorunja sobotu, ale hižo w 16 hodź. su dźěći do hospody přeprošene, hdyž chce jim ćeta Monika bajku „Tři złote jabłuka“ bać.

dale čitać ...

Po aktualnej wosebitej wustajeńcy Muzeja Budyšin „Z Budyskeho ...

pjatk, 06. januara 2017 spisane wot:
Po aktualnej wosebitej wustajeńcy Muzeja Budyšin „Z Budyskeho podspódka – nowosće z archeologije města“ powjedźe nawoda muzeja dr. Jürgen Vollbrecht jutře za tydźeń, 14. januara, w 11 hodź. Přehladka je wot tudyšeje Ludoweje banki spěchowany zhromadny projekt z Krajnym zarjadom za archeologiju Sakskeje. Wobraz pokazuje detail wuhrjebaneho profila na ležownosći Domu na Žitnych wikach. Foto: Krajny zarjad za archeologiju Sakskeje

dale čitać ...
strona 23 wot 28
dźěłowe městna w LND

aktualne wupisanja

nowostki LND