Wo nižozemskich mištrach

Smochćicy. We wobłuku Smochčanskeho jewišća přeproša tamniše kubłanišćo swj. Bena wšitkich zajimcow jutře, 5. měrca, w 19.30 hodź. na přednošk „Rěč wobrazow – Namakanki w nižozemskich žanrowych mólbach“. Wuměłstwowa historikarka Marianne Risch-Stolz rozjima typiske twórby tak mjenowaneje nižozemskeje šule 17. lětstotka. Zastup je darmotny. Płaći prawidło 2G+.

Wustajeńca k jubilejej

Choćebuz. Składnostnje 30. róčnicy załoženja Choćebuskeho dźiwadła „Piccolo“ pokazaja tam wosebitu wustajeńcu z plakatami, wuhotowanymi wot wuměłče Jutty Mirtschin. Wernisaža budźe zajutřišim, njedźelu, w 15 hodź.

Wo archeologiskich pomnikach

njedźelu hornjoserbsce

11:00 Łužica tutón tydźeń

11:20 Ukraina: Wójna a měr

12:00 Nabožne wusyłanje

(Jadwiga Malinkowa)

po tym zbožopřeća

delnjoserbsce

12:30  Aktualny magacin z ćežišćom wójny na Ukrainje, mjez druhim z rozmołwu wo jeje wuskutkach na tamniše narodne mjeńšiny a z myslemi slawista Eera Balka

13:00 Hudźba po přećach připosłucharjow

13:40 Nabožne wusyłanje

(Till Wojto)

po tym zbožopřeća

Měrcowske wudaće telewizijneho magacina Wuhladko wěnuje so ze swojim hłownym přinoškom Serbskemu šulskemu towarstwu. Mjez druhim wobswětleja situaciju towarstwa po lońšim noworjadowanju w předsydstwje a prašeja so, što je tale „změna generacijow“ minjene lěto wuskutkowała. Pod hesłom „Serbja we wukraju“ přepytuje Jakub Wowčer, dokal a čehodla su so ludźo na puć do swěta nastajili. Za to je so wón z wjacorymi (wu)pućowarjemi. rozmołwjał. W kulturnym wobłuku magacina portretuja „wuměłca korjenjow“ Alojsa Šołtu, kiž bě telewiznikam dowolił jemu cyły dźeń takrjec přez ramjo hladać móc. Nimo toho wotbłyšćuja comeback skupiny Lózy hólcy, kotraž je spočatk tydźenja po dlěšej přestawce nowy spěw „Homeoffice“ digitalnje wozjewiła.

Telewizija MDR wusyła Wuhladko jutře, sobotu, w 11.45 hodź. Wospjetowanje na samsnym sćelaku slěduje póndźelu, 7. měrca, w 6.45 hodź. Telewizija RBB pokaza magacin sobotu, 12. měrca, w 13.30 hodź. W mediatece ARD je aktualne wudaće wot jutřišeho cyłe lěto kóždy čas přistupne.