Z wudaća: štwórtk, 26 meje 2016

Měšćanska rada je na swojim wčerawšim posedźenju nadawk za twar kružneho wobchada na Schliebenowej přepodała. Projekt budźe dróši hač planowany a z poćežowanjemi zwjazany.

Budyšin (CK/SN). 13. junija započnu kružny wobchad na Budyskej Schliebenowej twarić. Nadawk za to přepoda měšćanska rada wčera Póckowskej firmje Bistra Bau. Po słowach nawody wysoko- a hłubokotwarskeho zarjada města Falka Wendlera bě na wupisanje mało wothłosa, štož zaležeše na wuskim časowym ramiku a na tym, zo su firmy zwjetša wućežene. Wosom předewzaćow je podłožki měć chcyło, dwě stej poskitk wote­dałoj. Kóšty su wo 27 procentow a tuž 285 000 eurow wyše, hač wot planowarja wobličene. Dróše na přikład je, twarnišćo zarjadować, přetož połojčne zaraćenje sej žada, wěstotne připrawy wjacekróć přestajić. Nimo toho je ćešo twaršćizny na twarnišćo dowjezć. Kružny wobchad płaći nětko wjace hač milion eurow.

25.5.– 1.6.2016 Budyski filmowy palast: Warcraft: The Beginning w 3 D: wšědnje 14:30 (nimo štw a srj), 17:00 a 19:30 | pj a so 22:15 Money Monster: wšědnje 17:15 (nimo pó) a 20:30 | pó 18:15 | pj a so 22:30 Alice im Wunderland: Hinter den Spiegeln w 3 D: wšědnje 16:45 a 19:15 | so 21:45 Alice im Wunderland: Hinter den Spiegeln: wšědnje 14:45 (nimo štw a pó) | pj 22:15 Angry Birds: wšědnje 16:15 | srj 10:00 | nj 16:15 Angry Birds w 3 D: wšědnje 14:30 (nimo štw a pó) X-Men: Apocalypse: wšědnje 19:15 (nimo pó) | so 22:15 X-Men: Apocalypse w 3 D: pj 21:45 Bad Neighbors 2: wšědnje 18:30 (nimo pó) The Jungle Book: nj 12:15 Rico, Oskar und der Diebstahlstein: wšědnje 14:15 (nimo štw a pó) | srj 10:00 Zoomania: srj 10:00 | nj 12:30 How to be Single: nj 12:15

Kino-ekstra: Nichts Passiert: pó 17:15 a 20:15

Wojerowski CineMotion:

X-Men: Apocalypse w 3 D: pj a so 22:30 X-Men: Apocalypse: wšědnje 16:30 (nimo srj) a 19:30 Alice im Wunderland: Hinter den Spiegeln w 3 D: wšědnje 17:35 a 20:05 | pj a so 22:40 Alice im Wunderland: Hinter den Spiegeln: wšědnje 15:10 | so a nj 12:50 Warcraft: The Beginning w 3 D: wšědnje 14:45, 17:15 a 20:00 | pj a so 22:40 Money Monster: wšědnje 18:15 a 20:25 | pj a so 22:35 Angry Birds w 3 D: wšědnje 16:10 | so a nj 11:55 Angry Birds: wšědnje 14:24 | so a nj 12:20 Rico, Oskar und der Diebstahlstein: so a nj 12:45 The Jungle Book w 3 D: wšědnje 14:00 Raum: srj 16:45

Zo móhli dobrowólni wobornicy stajnje a wšudźe hašeć a pomhać, dyrbja derje wukubłani być, čehoždla často zwučuja. W Narćanskej wohnjowobornej šuli móža to nětko we wosebitym domje činić­, w kotrymž hodźa so wšelake družiny wohenja simulować.

Narć (SN/MWj). Hišće lěpje a pod realistiskimi wuměnjenjemi hašeć zwučować móža nětko w Narćanskej wohnjowobornej šuli. Tam přepodachu wčera nowonatwarjeny zwučowanski dom, w kotrymž móža najwšelakoriše scenarije napodobnić. Po słowach sakskeho nutřkowneho ministra Markusa Ulbiga (CDU) je to po wšej Europje jedne z najmodernišich wukubłanišćow za zwučowanja z wohenjom. Kaž Ulbig wčera rjekny, moderne twarske wašnja a nowe twarske maćizny w padźe wohenja zestawu kura měnjeja a temperaturu wohe­nja zwyšeja. Na tele strachi dyrbja so wobornicy přihotować móc. Za to maja w Narću nětko optimalne wuměnjenja, štož nazornje demonstrowachu.

Kamjenc. Na přednošk Roberta Lorenca přeproša Kamjenske stawizniske towarstwo jutře, pjatk, w 19 hodź. do tamnišeho Röhrmeisteroweho domu. Berlinjan porěči wo brunicy dla wotbagrowanych wsach. Přednošowar wěnuje so tomule procesej w jeho rozdźělnych časowych formach, tematizuje wuměłske předźěłanje dewastowanja wsow we Łužicy a wěnuje so tohorunja stawiznam praksy wotškódnjenja. Lorenc praša so za sćěhami za serbsku wjesnu kulturu a skedźbnja dale na tuchwilne połoženje před pozadkom cyłoněmskeje energijoweje debaty. Na jeho přednošk su wšitcy zajimcy witani.

Wólbam znapřećiwili

Při porjedźenju awta znjezbožił

Hornja Kina. Smjertnje znjezbožił je zawčerawšim wječor muž w Hornjej Kinje, jako je swoje awto porjedźał. Swójbni namakachu 47lětneho něhdźe w 22 hodź. pod jězdźidłom typa VW T 1. Tak mjenowany Bulli steješe z jednym kolesom na hrudźi muža. Jemu njemóžachu hižo pomhać. Kriminalna policija tragiski pad bliže přepytuje. Při tym z toho wuchadźa, zo jedna so wo njezbožo a nic wo njeskutk.

Znowa w bydlenju kradnyli

Ottendorf-Okrilla. W Hornjej Łužicy su po wšěm zdaću dale paduši po puću, ­kotřiž so do bydlenjow zadobywaja, hdyž wobydlerjo w domje njejsu. Najnowši ­tajki pad sta so zawčerawšim w Ottendorfje-Okrilli. Mějićel bydlenja so tam na swojej zahrodźe zaběraše a wostaji ­nabočne durje do bydlenja wočinjene. Njekedźbliwosć njeznaći hnydom wužichu, zastupichu do bydlenja a wšitke stwy za pjenjezami a dalšimi hódnotnymi wěcami přepytachu. Kaž Zhorjelska policajska direkcija zdźěli, pokradnychu skućićeljo z jednoho kamora třicyfrowu sumu pjenjez a so na to zminychu.