Z wudaća: srjeda, 24 meje 2017

Wojerecy. Dźěći a młodostni w starobje sydom do 15 lět móža so za cirkusowu a warjetejowu dźěłarničku přizjewić, kotruž přewjedu w prěnim tydźenju lětnich prózdnin wot 26. do 30. junija na Wojerowskej dźěćacej a młodźinskej farmje. Stajnje wot 9 do 16 hodź. móža tam wobdźělnicy do swěta cirkusa počuchać. Přizjewjenja přijimuja pod telefonowym čisłom 03571/ 979 164.

Kursaj serbšćiny

Budyšin. Zakładny kurs serbšćiny za staršich serbšćinu wuknjacych dźěći a za dalšich zajimowanych dorosćenych zahaji so 21. awgusta w Budyšinje. Wón wotměje so stajnje póndźelu wot 18 do 19.30 hodź. w Serbskej zakładnej šuli na Friedricha­ Listowej 8. Dalši zakładny kurs serbšćiny za staršich serbšćinu wuknjacych dźěći a dalšich zajimowanych dorosćenych zahaji so tohorunja 21. awgusta w Pančicach-Kukowje. Tón budźe stajnje póndźelu wot 19 do 20.30 hodź. w tamnišej zakładnej šuli. Přizjewjenja přijimuje Rěčny centrum WITAJ hač do 4. awgusta 2017 pod telefonowym čisłom 03591/ 550 400, e-mail: witaj­.

Zabawa na nawsy

Worklečanska gmejnska rada naćisk za hospodarski plan nastajiła

Worklecy (JK/SN). Cyłkownje 17 pozi­cijow wopřiješe lisćina, kotruž bě Worklečanski wjesnjanosta Franc Brusk (CDU) gmejnskim radźićelam za roz­jimanje naćiska lětušeho hospodarskeho plana na wčerawšim posedźenju předpołožił. „Njejsmy hišće ponowjenje sportoweje hale tak prawje wotličili, da žno mamy wo dalšich wudawkach rěčeć“, zahaji wjesnjanosta diskusiju. Najwažniše předewzaće gmejny lětsa budźe, ponowić třěchu zakładneje šule. Prěni krok za to wčera hižo bě, zo wobzamknychu přepodaće nadawka za róštotwar, třěchikryjerske dźěła kaž tež za izolaciju a bar­bjenje fasady. Přepruwowawši poskitki přepodachu­ nadawki firmam z regiona. W lětnich prózdninach ma so naročny projekt zwoprawdźić. Financować budu jón ze spěchowanskimi srědkami Zwjazka a kraja kaž tež ze swójskim podźělom 25 procentow.

Zamołwita za wukrajnikow Budyskeho wokrjesa Anna Piętak-Malinowska bě minjenu sobotu do Kamjentneho domu na 5. němsko-pólske zetkanje „Majówka“ přeprosyła.

Budyšin (CRM/SN). Přeprošeni běchu nimo wšěch we wokrjesu bydlacych Polakow předewšěm jich partnerojo kaž tež pólšćinu wuknjacy přećeljo. Wjele wjace zajimcow, hač běchu zarjadowarjo wočakowali, hižo dočasnje do sociokulturneho centruma dóńdźe. Na dworje domu so swjedźeń zahaji. Bórze so wujewi, zo so mnozy mjez sobu znaja a tuž njebě ćežko, starych a młodych kaž we wulkej swójbje do rozmołwy pohnuć a do zhromadneho spěwanja přeprosyć. Z přewodom keyboarda, gitary a huslow přitomni tak mócnje spěwachu, kaž to skerje ze serbskich swjedźenjow znajemy. A činjachu to jenož pólsce z pomocu wudźělenych łopjenow. „Poszła żabka po wodę“, „Za górami, za lasami“ a wězo tež pola nas jara znata pěseń „Szła dziewieczka do laseczka“ kaž tež dalše spěwy zanošowachu ludźo z wjele lóštom na rjanym mejskim wječoru. Prawa to „Majówka“.

25.5.2017–31.5.2017 Budyski filmowy palast: Pirates of the Caribbean – Salazars Rache w 3 D: wšědnje 14:45 (nimo pó a srj), 16:45 a 19:30 | pj a so 22:30 Hanni & Nanni: wšědnje 14:30 (nimo pó a srj) a 17:30 | nj 12:45 Baywatch: srj 20:00 Alien – Covenant: wšědnje 20:00 (nimo pó a srj) | pó a srj 19:45 | pj a so 22:30 King Arthur: Legend of the Sword w 3 D: wšědnje 20:00 Guardians of the Galaxy: wšědnje 16:30 (nimo pó) a 19:45 (nimo pó a wu) Get Out: pj a so 22:30 Guardians of the Galaxy w 3 D: pj a so 22:30 The Boss Baby: štw, nj a wu 14:45 Überflieger – Kleine Vögel, großes Geklapper: wšědnje 14:30 (nimo pó a srj) Fast & Furious: wšědnje 17:00 (nimo pó) | pó 16:30 Abgang mit Stil: pj 14:45 | nj 12:30 Die Schlümpfe – Das verlorene Dorf: so 14:45 | nj 12:30 Die Schöne und das Biest w 3 D: nj 12:15

Kino-ekstra: T2 – Trainspotting: pó 17:15 a 20:15

Štwórtk hornjoserbsce

11:00 Pokiwy k dnjej muži

11:30 Oratorij „Podlěćo“

12:00 Nabožne wusyłanje

(Jan Malink)

12:15 Madźarska mjeńšina w Rumunskej

delnjoserbsce

12:30 do 14 hodź. 

  Swójbny program, mjez druhim z pokiwami za wulěty, ze słuchohru­ „Mróčelec swójba“ a z nabožnym wusyłanjom (Dieter Schütt)

Njeluba překwapjenka po dowolu

Wojerecy. Njeje samozrozumliwe, zo je doma wšo w porjadku, hdyž so z dowola nawróćiš. Tole dyrbješe zawčerawšim swójba na Hasy Liselotty Herrmann we Wojerecach nazhonić. Njeznaći běchu so w času wot 7. meje hač do póndźele do bydlenja swójby zadobyli a wšitke stwy přepytali. Mjez druhim pokradnychu laptop, kompjuterowy tablet, hudźbny měšenski pult kaž tež hrajnu konsolu. Hódnotu rubizny trochuje wobsedźer na 2 000 eurow. Nimo toho nasta w by­dlenju něhdźe 1 000 eurow wěcneje škody. Policija pad přepytuje.