Mjezy přesahowacy projekt serbskich a čěskich młodostnych zwjazuje
Budyšin (SN/MiR). Varnsdorf a dalše města w Čěskej su předewšěm po Druhej swětowej wójnje někotremužkuli serbskemu dźěsću městnosć dožiwjenjow a njezapomnitych dnjow byli. Ći jedni su tam někotre tydźenje na prózdninach přebywali, ći druzy tu do šule chodźili. Dopomnjenki a nazhonjenja mjeztym jenož hišće małeje horstki časowych swědkow zwěčnić je zaměr wosebiteho projekta Serbskeho instituta (SI). Wědomostnikaj dr. Jana Piňosová a dr. Robert Lorenc staj jón pod hesłom „Wučbna šćežka serbskeho žiwjenja we Warnoćicach 1945–1950“ wuwiłoj. Do njeho zawjazani su šulerjo 11. lětnika Serbskeho gymnazija Budyšin kaž tež šulerjo 10. a 11. lětnika Biskopskeho gymnazija we Varnsdorfje. Wšo dohromady je jich 24 młodostnych. Wutoru přebywachu čěscy šulerjo w Budyšinje, wčera serbscy we Varnsdorfje. Čěski basnik a přećel Serbow Milan Hrabal, kiž młodostnych přewodźuje, na naprašowanje SN rjekny: „Projekt zmóžnja skónčnje informacije wo serbsko-čěskich zwiskach a wo wuznamje čěskeje powójnskeje pomocy Serbam šěrić.