Ferialny kurs Rěčneho centruma WITAJ za dźěći zwonka Łužicy
Budyšin (SN/MiR). 22 dźěći wuknje tuchwilu intensiwnje serbsce. Jich domizna pak Łužica njeje. Michaela Hrjehorjowa, wobdźěłarka projektow w Rěčnym centrumje WITAJ, je ferialny kurs znowa organizowała. „Naš zaměr je, zo wutworimy za dźěći serbskorěčny rum. Tu wone žiwu serbšćinu nazhonjeja. Dale nam a wosebje staršim wo to dźe, zo dźěći cyle po swojich rěčnych zamóžnosćach přiwuknu, ći jedni w prěnim rjedźe při rěčenju, druzy skerje při čitanju a pisanju“, wona rjekny. Poskitk w prózdninskim tydźenju po jutrach wotměwa so mjeztym štwórty raz.