Jutry prěni raz po nowej čarje

pjatk, 17. februara 2017
artikl hódnoćić
(0 )
Mužakowska lěsna železnica pojědźe jutry prěni raz po nowej čarje hač k turistiskemu cilej „Wěža při Ćežkej horje“ pola Běłeje Wody. Z bliskeje wuhladneje wěže móžeš do Wochožanskeje brunicoweje jamy hladać. Bohužel su skomdźili, taflu na zastanišću dwurěčnje wuhotować.  Foto: Joachim Rjela Mužakowska lěsna železnica pojědźe jutry prěni raz po nowej čarje hač k turistiskemu cilej „Wěža při Ćežkej horje“ pola Běłeje Wody. Z bliskeje wuhladneje wěže móžeš do Wochožanskeje brunicoweje jamy hladać. Bohužel su skomdźili, taflu na zastanišću dwurěčnje wuhotować. Foto: Joachim Rjela

Wizija z lěta 2008 stanje so za lěsnu železnicu woprawdźitosć

Běła Woda (SN). Wotewrjenski termin za nowu čaru Mužakowskeje lěsneje železnicy k wěži na Ćežkej horje pola Běłeje Wody je jasny. Budźe to zeleny štwórtk, 13. apryla 2017. Hłowny iniciator projekta Dieter Schönebeck chce hač do toho chroniku lěsneje železnicy dopisać.

K zahajenju sezony 2017 startować bě cil­, na kotryž běchu so wšitcy wobdźěleni hižo při prěnim zarywje w oktobru 2015 wusměrili. „A tónle termin lětsa­ zeleny štwórtk tež dodźeržimy“, so Dieter Schönebeck wjeseli. Potom ma mała železnica něhdźe tři kilometry dołhu čaru z turistiskim cilom „Wěža při Ćežkej horje“ wužiwać móc. Projekt je narunanje za čaru, kotraž bě so bliskeje brunicoweje jamy dla zhubiła.

wozjewjene w: Lokalka
Prošu přizjewće so, chceće-li komentar podać

nawěšk