Posoljo serbskich wašnjow
Drastowe towarstwo z wopytowarjemi 20. raz na pólnej mjezy swačiło
Židźino (UH/SN). Kak žiwe su serbske nałožki a wašnja w Židźinom, móžeš tam kóžde lěto prěni junijski kónc tydźenja dožiwić, hdyž čłonojo serbskeje drastoweje skupiny swačinu na pólnej mjezy jako swój towarstwowy swjedźeń wuhotuja a stajnje tež zajimcow z wokolnych wsow přiwabjeja. Lětuša wosebitosć minjenu sobotu a njedźelu bě, zo wobstejitej towarstwo a jeho swjedźeń 20 lět. Na swjedźenske zarjadowanje su sej tuž tych přeprosyli, kotřiž běchu jich we wšěch lětach podpěrali.
Krótkopowěsće (09.06.15)
Mjenowy atlas wušoł
Budyšin. Lipšćanski mjenowědnik Walter Wenzel je nětko w LND ryzy atlas swójbnych mjenow za Delnju Łužicu předpołožił. Wšitke 70 kartow je wobšěrnje komentowane, a zapisane mjena su w separatnym registrje naličene. Kniha skići čitarjej nowe informacije k rozšěrjenju jednotliwych swójbnych mjenow a k sydlenskim stawiznam historiskeho ruma.
Husitskej chorhoji wupójsnjenej
Praha. Na Praskim hrodźe zmawujetej husitskej chorhoji ze symbolom kelucha. W zwisku z bližacej so 600. róčnicu martrarskeje smjerće Jana Husa na šćěpowcu je jej čěski prezident Miloš Zeman wupójsnyć dał. Wón nawjaza tak na samsnu gestu prezidenta Masaryka z lěta 1925. Někotři kritizuja, zo chcył Zeman jenož na so skedźbnić.
Kampeter woteńdźe
Wjele barby při Bjerwałdskim jězoru
Policija (08.06.15)
Komorow. Při wobchadnym njezbožu dźensa krótko po 5 hodź. na dróze mjez Nowej Wsu a Komorowom pola Klukša je 27lětny wodźer Mitsubishija žiwjenje přisadźił. Dotal njeznateje přičiny dla bě wón na lěwym boku jězdnje do wjacorych štomow zrazył. Při wobdźěłanju njezboža napadny, zo bě na módrym Mitsubishiju na lěwym boku čerwjena šmara. Nimo toho wuhladachu slědy njezboža na tamnym boku puća. Móžno tuž, zo bě na tymle njezbožu dalše awto wobdźělene, štož nětko přepytuja.
Wubrane nachwilne wuslědki
Wólby wyšeju měšćanostow, měšćanostow a wjesnjanostow 7. junija 2015
| komuna | wólbokmani | njepłaćiwe | kandidaća | hłosy | podźěl | |
| wolerjo | wobdź. | płaćiwe lisć. | w % | |||
| Budyšin* | 33 100 14 435 | 43,6 % | 143 14 292 | Ahrens, Alexander (BBBz, Lěwica, SPD) Knaak, Matthias (CDU) Urban, Jörg (AfD) Hase, dr. Andreas (swójski požadar) Hauschild, Mike (swójski požadar) Thronicker, Andreas (swójski požadar) | 4 382 3 927 1 280 1 580 2 477 646 | 30,7 27,5 9,0 11,1 17,3 4,5 |
| Biskopicy | 9 599 4 889 | 50,9 % | 135 4 754 | Geburek, Robert (BfB-Lěwica-SPD) Große, prof. dr. Dokument přichodnym generacijam
póndźela, 08. junija 2015
spisane wot: Andreas Kirschke
Wjes Mułkecy w Slepjanskej gmejnje eksistuje nětko jako model w měritku 1:750. Tón pokazuje charakteristiske struktury a wosebitosće wsy. Sobotu su model na Mułkečanskej starej šuli přepodali. Mułkecy (AK/SN). Časowy dokument nětčišej a přichodnym generacijam mjenowaše předsydka Hamorskeho towarstwa wjesnych žonow Renate Handrack model sobotu při jeho přepodaću. Wot februara hač do decembra 2014 su jón čłonki towarstwa w pjeć modulach zwoprawdźili. Statoki, wjetše twarjenja, štomy a wšo druhe zhotowichu ze styrodura. Vattenfall je projekt financował a tak dalši dypk ze zakładneho zrěčenja z lěta 2008 ze Slepjanskej gmejnu spjelnił. Žane překwapjenki při wólbach
póndźela, 08. junija 2015
spisane wot: Marian Wjeńka
Serbscy wjesnjanosća wobkrućeni a Marko Kliman wuzwolenyPančicy-Kukow (SN/MWj). W gmejnach zarjadniskeho zwjazka Při Klóšterskej wodźe wostanje nastupajo čoło komuny tež po wčerawšich wólbach hač na jedne wuwzaće wšitko při starym. Dokelž dotalny Chróšćanski wjesnjanosta Maćij Brycka hižo kandidował njebě, bě Marko Kliman za CDU jenički kandidat. Přemóžaca wjetšina 87,2 procentow wolerjow spožči jemu swoju dowěru. Druzy móhli sej tež Katarinu Jurkowu (8 hłosow), Krystofa Kokerta (7) abo Maćija Brycku (5) jako wjesnjanostu předstajić a napisachu jich mjeno do swobodneje linki hłosowanskeho lisćika. „Dokelž běch jenički kandidat, bě realistisce wočakować, zo mje wuzwola. Njejsym pak z tym ličił, zo budźe wuslědk tak jasny. Tuž so ćim bóle wjeselu“, praji nowy Chróšćanski wjesnjanosta Marko Kliman. W Ralbicach-Róžeńće zawěsći sej jenički kandidat Hubertus Ryćer (CDU) 91,9 procentow hłosow. Připisali pak su wolerjo tež mjeno Tomaša Bjeńša (15 hłosow), Clemensa Poldraka (9) a Gabriela Krawca (4). Krótkopowěsće (08.06.15)
póndźela, 08. junija 2015
spisane wot: Serbske Nowiny
Serbskich duchownych přesadźa Drježdźany. Změny w serbskich katolskich wosadach: 1. oktobra nastupi Radworski wosadny farar, kanonik Šćěpan Delan, jako farar w Ralbicach. Michał Nawka, farar w Ralbicach, stanje so z fararjom w Njebjelčicach. Tamniši farar Beno Jakubaš póńdźe do Radworja. Tole wuchadźa ze zdźělenki Drježdźansko-Mišnjanskeho biskopstwa. Wolodymyr Motornyj zemrěł Lwiw. Znaty slawist a literarny stawiznar prof. dr. Wolodymyr A. Motornyj je minjeny pjatk w starobje 86 lět zemrěł. To zdźěli dźensa Budyski Serbski institut. Wjelelětny nawoda katedry za slawistiku Narodneje uniwersity „Iwan Franko“ we Lwowje organizowaše sorabistiske konferency a běše sobuwudawaćel wosom zběrnikow „Pytannja sorabistyky“. Motornyj bě tež nošer Myta Domowiny. Pósłanc Hornjeje Łužicy Policija (05.06.15)
pjatk, 05. junija 2015
spisane wot: Měrćin Weclich
Budestecy. Policija je wčera rano w Budestecach dospołnje přećežene nakładne awto zadźeržała. Wozydło, na kotrež smě so hač do 7,5 tonow składować, pokazowaše na waze dwě tonje wjace hač dowolene. Nimo toho so beton na nakładowanskej přestrjeni tam a sem suwaše. Zastojnicy wodźerjej awta zakazachu dale jěć. Njeswačidło. Motorska policajska patrulja je srjedu w Njeswačidle ze synom nakładowany traktorowy zapřah z wobchada kiwała. 14 kulowatych walčkow, kóždy něhdźe 600 kilogramow ćežki, njebě derje dosć zawěsćene. 63lětny wodźer traktora njesmědźeše tuž dale jěć. Puć zawrjeny
pjatk, 05. junija 2015
spisane wot: Marian Wjeńka
Kašecy. Po tym zo su loni puć z Pančic-Kukowa do Kašec ponowili, je nětko dalši wotrězk hač do Žuric na rjedźe. Wot 8. hač do 20. junija budźetej tónle dźěl wokrjesneje dróhi K 9238 kaž tež přizamknjenje ke K 7266 (přijězd na Porchowsku přemysłowu přestrjeń) za wobchad dospołnje zawrjenej. W tym času dóstanje dróha nowu hornju worštu, tež jeje kromy chcedźa sporjedźeć. Wokołopuć budźe wupisany přez Pančicy-Kukow a statnu dróhu S 94 (Kamjenska wobjězdka). Tež wotpowědne busowe čary powjedu po wobjězdce. Wobydlerjow tuž proša, so w tym času na wupowěsnjenych jězbnych planach změny nastupajo wobhonić.
dale... |
