„Serbski rekwiem“ zaklinči
Chrósćicy. Duchowny oratorij „Serbski rekwiem“ Handrija Zejlerja a Korle Awgusta Kocora zaklinči njedźelu a póndźelu, 2. a 3. oktobra, stajnje we 18 hodź. w Chróšćanskej cyrkwi. Pod wuměłskim nawodom Judith Kubicec spěwa chór Lipa z Pančic-Kukowa a hudźi Drježdźanski komorny orchester Sinfonietta. Spěwni solisća budu Daniela Hazec, Stephanie Hauptfleisch, Patrik Horňák a Johannes Hochrein. Wšitcy lubowarjo serbskeje klasiskeje hudźby su wutrobnje přeprošeni.
Změnjene wotewrjenske časy
Róžant. Marja Hrjehorjowa wote- wrjenske časy swojeho wobchoda w Róžeńće wot 1. oktobra změni. Wotněka móža tam zajimcy wutoru, srjedu a pjatk wot 12 do 17 hodź. kaž tež štwórtk wot 10 do 17 hodź. nakupować.
Na rybarski swjedźeń
