Awtor dźensa

André Strelow

Ničo noweho w zwjazkowej lize? Nic cyle, koparjo FC Bayern Mnichowa su so z kónctydźenskim dobyćom přećiwo Freiburgej doskónčnje z nazymskim mištrom stali. Hrajersce njebě to runjewon přeswědčiwy wukon, na kóncu pak liča jenož docpěte wrota. Lewandowski třěli w poslednich sekundach hry 2:1 a zawěsći tak dobyće. Štóž so boješe, zo budźe prěni přesćěhar, Lipšćanski RB, po hodźoch bjez wuspěcha, so myleše. Z jasnym dobyćom přećiwo Eintracht Frankfurtej podšmórny tón swoje wurjadne druhe městno. Zdobom skónči mału negatiwnu seriju. Poslednjej hrě lěta 2016 bě mjenujcy přěhrał. Chcu znowa podšmórnyć, runje hladajo na postup čerwjenych bykow, zo je tučasny wuspěch wosebje za wuchodnu kopańcu jara wažny. Towarstwo je přikład dalšim „wuchodnym“.