Jako dźeržach knižku „Wendish keepers“ w rukomaj so njemało zwjeselich nad tym, štož so mi tam do wočow směješe: kniha wo serbskej temje w barbach serbskeje chorhoje. To dawa mało njewěstosćow wo tematice. Jendźelskorěčna brošura je dohlad do prócowanjow štyrjoch organizacijow, naslědnikow serbskich wupućowarjow w 19. lětstotku. Mjez tymi štyrjomi organizacijemi su tři towarstwa: jedne w USA a dwě w Awstralskej. Pola štwórteje organizacije jedna so skerje wo slědźersku.