Nowa wustajeńca w muzeju
Budyšin. Budyski měšćanski muzej přeprošuje sobotu, 20. meje, w 15 hodź. na wotewrjenje wosebiteje wustajeńcy „Ansgar Skiba – Magija barby a swětła“. Wuměłska wědomostnica Ophelia Rehor poda zawod do přehladki a rysuje tworjenje a žiwjenje w Drježdźanach rodźeneho wuměłca. W Hornjej Łužicy nazběrane inspiracije pokazuje wón w swojich twórbach. Tak spóznaje zajimc 500 lět stary dub při Cyhelowym haće w Delnjej Hórce. Motiw wuměłc wospjet wužiwa.
Swjedźeń za swójby
Ptačecy. Přećeljo šulskeje a domizniskeje stwy w Ptačecach přeprošuja na serbsko-němske popołdnjo. Tutu njedźelu, 21. meje, wot 15 hodź. wotměja němsko-serbski nyšpor w tamnišej cyrkwi z fararjom dr. Stefan Reicheltom. Poł hodźinki pozdźišo zetkaja so wšitcy před domizniskej stwu w Ptačecach. Tam móža wopytowarjo při šalce kofeja a skibce tykanca zabawnym a folklornym štučkam skupiny „Złokomorowska pśěza“ připoskać a tež sobu spěwać. Narěčane, sej na tónle swjedźeń dóńć, su předewšěm swójby.
Mjezynarodny Dźeń muzejow