Dwurěčna prapremjera a swjedźeń składnostnje załoženja (N)SLDź
Budyšin (SN/bn). Němsku prapremjeru inscenacije „Schierzens Hanka“ – serbsku wersiju běchu loni spočatk februara prěni raz pokazali – předwčerawšim na hłownym jewišću Němsko-Serbskeho ludoweho dźiwadła připowědźiwši wuzběhny intendant domu Lutz Hillmann, zo „njehodźi so tónle kruch hinak hač dwurěčnje předstajić. A kak móhli lětuši jubilej kaž tež dejmantny kwas rjeńšo woswjećić“, wón podšmórnywši 75. róčnicu załoženja Serbskeho ludoweho dźiwadła a 60. róčnicu wutworjenja NSLDź zjima. Žortnje doda: „Po 60 lětach so dźělenje hižo njewudani.“
