Widźał, słyšał, napisał (08.11.21)
Na lětušich Olympiskich lětnich hrach w Tokiju steješe w modernym pjećiboju Němka po štyrjoch disciplinach cyle prědku. Pjata disciplina je stajnje jěchanje z konjom, kotrehož hakle 20 mjeńšin do wubědźowanja zeznawaš. To je wulke wužadanje a zdobom wěste riziko. Jedyn z najnjepřijomnišich wuslědkow tajkeje kombinacije je Němka Anika Schleu dožiwiła. Kóń njeje na nju słuchał a skepsa jej dobry předskok za złotu medalju. Haj, wjedźeše samo tak daloko, zo je so Schleu hač na 31. městno sunyła. Žana medalja, ničo. Tajke něšto so nětko najskerje wjace njestanje. Minjenu srjedu su prěnje jendźelske nowiny mjenujcy pisali, zo njebudźe jěchanje wjace wobstatk wubědźowanja. A štwórtk je to swětowy zwjazk UIPM oficialnje wozjewił. Nowiny z Wulkeje Britaniskeje tukaja na to, zo město toho kolesowanje do discipliny wozmu. To rěka, zo sportowcy potom nimo płuwanja, tesakowanja a kombinacije běhanje/třělenje tež kolesuja. To klinči tak zajimawe, zo bych to sam rady raz wuspytał. Dajmy so překwapić, hač kolesowanje woprawdźe přiwozmu.
Wuslědki (08.11.21)
Kopańca, wokrjesna liga stafla 2
W. Dubrawa – Hórnikečanski jěz. 4:0 (2:0)
Wósl./Skask./Kul. II – Malešecy 1:5 (0:4)
Rakečanske ST II – Lubuš 2:1 (1:0)
Hlinowc – Łuty3:1 (0:1)
Radwor – Chrósćicy IIwupad
Nadr. Hrabowka – Njebjelčicy 4:5 (2:2)
Minakał – Wojerowski FC II 2:4 (2:3)
Sport (05.11.21)
Koparski derby w Radworju
06.11. 12:00 HZ Łaz/Běły Chołmc II –
Sokoł Ralbicy/Hórki II
06.11. 13:00 Budissa Budyšin –
FC Carl Zeiss Jena II
06.11. 14:00 Radebeulski BC 08 –
Jednota Kamjenc
06.11. 14:00 Rakečanske ST –
FSV Wódrjeńca 02
06.11. 14:00 Sachsenwerk Drježdź. –
SJ Chrósćicy
06.11. 14:00 Módro-běli Kulow –
TSV Połčnica
07.11. 12:00 HZ Halštrow/Hlinowc II –
SJ Njebjelčicy II
07.11. 14:00 Biskopičanske KT II –
Sokoł Ralbicy/Hórki
07.11. 14:00 ST Radwor –
SJ Chrósćicy II
07.11. 14:00 ST Nadrózna Hrabowka –
SJ Njebjelčicy
Dźensa lodohokejowy derby
Ze seriju štyrjoch dobyćow podadźa so Lodowe lawy z Drježdźan dźensa na lód. Woni nastupja w 19.30 hodź. přećiwo Łužiskim lodohokejowym liškam z Běłeje Wody. Pjaty DEL 2 wočakuje wosmeho. Njedźelu w 17 hodź. změja Liški potom zaso domjacu hru. Do Łužicy přijědźe druhi tabulki Ravensburg Towerstars.
Worklečanki dwójce na parkeće
Wolejbulistki prěnjeho a tež druheho mustwa Viktorije Worklecy nastupja jutře na dwěmaj rozdźělnymaj městnomaj. Prěnja šestka pojědźe do Wojerec a hraje tam wot 14 hodź. přećiwo holcam z Kupoje Noweje Łuki a druhe holče mustwo dyrbi do Habrachćic, zo by tam w 14 hodź. přećiwo cyłkej z Kundraćic nastupiło.
Dypki sej doma wotwjezć dali
SJ Njebjelčicy – HZ Wóslink/ Skaskow/Kulow II 0:1 (0:0)
Zestawa domjacych: Hahn – Kral, Reinecke, Šołta, Čornak, Hanuza, O. Domš, F. Domš, Hrjehor (58. Pawlik), Korjeńk, Matješk
Rjane wjedro skićeše Njebjelčanam přewšo dobre wuměnjenja za wuspěšnu partiju. Nazymske słónco a miły wětřik wabještej hrajerjow na polo a přihladowarjow na kromu hrajnišća. Kaž hižo před tydźenjomaj přećiwo koparjam z Hlinowca startowachu hrajerjo SJ Njebjelčicy energisce do hry. Tak so cyłkownje na kompletnu partiju hladajo časćišo před hóstnymi wrotami zjewichu. Paul Hrjehor na prawym boku w 35. min. hač na zakładnu liniju přeběža. Tam wuhlada a posłuži swobodneho Floriana Domša, kiž so energisce do bula da a Handrijej Korjeńkej wotpołoži. Škitar zamó třělwu nadběhowarja ze sydom metrow hišće wotpopadnyć. Hosćo na křidłomaj sylnje agěrowachu. Tak so wonkowny hrajer Paul Graf wjacore razy wušiknje do centruma předrě. Tola tam běštaj stajnje Ronny Hanuza a Gabriel Čornak na městnje. Tež wjacore móžnosće přez wólne kopy na kromje šěsnatki koparjo hrajneho zjednoćenstwa wužić njemóžachu.
Skepsany započatk wina na poražce
Módro-běli Minakał –
SJ Njebjelčicy 2:1 (2:1)
Zestawa hosći: Hahn – Kral, Reinecke, Šołta, Čornak (70. Pawlik), Hanuza, O. Domš, F. Domš, Hrjehor, Korjeńk, Bergmann (46. Matješk)
Dalše tři dypki po napjatej hrě
TSV Połčnica 1920 –
ST Marijina hwězda 2:3 (0:1)
Zestawa hosći: Matik – R. Cyž, Zelnak, T. Jurš, Wróbl, Lugge, Ch. Cyž, Hawš, Peschmann (48. D. Jurš), Pjetaš (76. Eldor), Schmidt (74. Pakoßnick)
Po prěnich dobytych dypkach zašły tydźeń chcychu sej koparjo z PančicKukowa tež minjenu sobotu w Połčnicy dalše dobyće zawěsćić. To dyrbješe so jim tež zešlachćić.
Za rallye wšitko spřihotowane
Na 24. nakładźe motorsportoweje rallye we Łužicy chce so nimale 100 teamow z tu- a wukraja wobdźělić. Wubědźowanja přewjedu wot 4. do 6. nowembra w Hamorje. Štóž chce sej spektakl wobhladać, móže sej tikety online skazać. Za přihladowarjow płaći 3G-regula. Dopokaz kontroluja při 10 oficielnych zachodach zhromadnje z personalizowanym zastupnym lisćikom. Tež swójski testowy centrum w Hamorje změja. Test płaći na městnje 20 eurow. Wopyt w serwisowym parku pak za přihladowarjow dowoleny njebudźe. Sportowsce wočakuje wopytowarjow jara derje wobsadźene polo wobdźělnikow. Zarjadowarjo njewočakuja w klasy RC2 jenož duel mjez Matthiasom Kahlu a Andresom Grøndalom, ale tež sylne dwójki z Čěskeje a Pólskeje.
K rozšěrjenemu kruhej faworitow liča nimo Kahle a Grøndala wosebje Erik Cais (Ford Fiesta R5, Čěska), Martin Vlček (Hyundai i20 R5, Čěska) kaž tež Mustafa Cakal (Hyundai i20 R5, Turkowska) a Daniel Chwist (Hyundai i20 R5, Pólska). Tež lubušk publikuma András Serényi w Trabanće 601 RS z Madźarskeje budźe zaso startować. Kilian Hrjehor
Tabulka (03.11.21)
Kopańca, wokrjesna wyša liga
1. ST Horni kraj-Sprjewja 9 24 : 5 23
2. Wojerowski FC 9 31 : 10 22
3. Módro-běli Kulow 10 24 : 13 21
4. SG Großnaundorf 9 17 : 8 17
5. Sokoł Ralbicy/Hórki 8 25 : 9 16
6. TSV Wachau 9 25 : 16 16
7. Póst Germania Budyšin 10 26 : 19 16
8. Biskopičanske KT II 9 16 : 18 15
9. Natwar Němske Pazlicy 8 16 : 11 13
10. ST Porchow 8 13 : 21 13
11. ST Hnašecy-Dobruša 10 31 : 23 12
12. HZ Łaz/Běły Chołmc 9 17 : 12 11
13. SC 1911 Großröhrsdorf 10 7 : 16 8
14. ST Kinspork/Łužnica 9 7 : 30 7
15. ST Marijina hwězda 10 10 : 31 6
16. TSV Połčnica 10 9 : 28 3
17. LSV Hory 11 7 : 35 3
FC Energija Choćebuz so zaso z doła wudrapała
Hižo dlěje njejsmy ničo wo hrach regionalneho ligista FC Energije Choćebuz pisali. Dźensa poda sportowy rozprawjer Georg Zielonkowski hnydom šěsć krótkich rozprawow jako zjeće minjenych partijow.
Do štwórćfinala so kopolili
FSV Optik Rathenow –
FC Energija Choćebuz 3:4 p.p. (3:2, 3:3)
Zestawa hosći: Stahl – Hofmann, Koch, Hildebrandt, Borgmann, Erlbeck (46. Geisler), Eisenhuth, Badu, Proničew (69. Schulz), Zografakis (120. Hasse), Engelhardt (119. Mäder)
Serija poražkow so njekónči
SJ Chrósćicy –
VfB Běła Woda 1:4 (1:1)
Zestawa domjacych: Králíček – L. Zahrodnik, Mark, Sentivan, F. Zahrodnik, Handrik (45. Wornar), M. Zahrodnik, G. Zahrodnik, Matješk (63. Zynda) (80. F. Cyž), Bogusz, Krawc
Njedźelu čakaše na Chróšćanow znowa ćežki nadawk, wšako bě a je přećiwnik z Běłeje Wody w prědnim dźělu tabulki zaměstnjeny. Tola domjacy koparjo chcychu po štyrjoch poražkach skónčnje zaso raz dypkować a jich situaciju w tabulce polěpšić.
