Foto Hórnikecy (wjeršk točidła z ćernjowku) Jürgena Maćija debi titul aktualneho wudaća. Z nim dokumentuje wón industrijowe powostanki. Dlěje hač 40 lět wěnuje so Maćij Łužicy we wšěch jeje fasetach. Wuběr jeho fotow je lětsa pod titulom „Tief im Osten – Die Lausitz im Wandel 1976–2020“ wušoł. Eva Gaeding je so z publikaciju zaběrała a ju čitarjam na wutrobu kładźe. Dalša recensija je wot Cosimy Stracke-Nawka, kiž je sej mytowany film „Jaja“ Nory Wendt a Helle Stolecki wobhladała a spytała jeho wobrazowu rěč dodnić. Jeli chceće sej wo filmje swój­ski zaćišć stworić, składnostnje Nysoweho filmoweho festi­wala pokazaja jón 19. septembra w Budyskim Kamjentnym domje.

Evelyn Fiebiger je so składnostnje 250. narodnin organista, komponista a hudźbneho pedagogi při Krajnostawskim wučerskim seminarje z Augustom Bergtom rozestajała, rysuje jeho žiwjenjoběh a jeho spomóžne skutkowanje.

Jeli pytane słowa 1–11 prawje wuhódaće, wučitaće w srjedźnymaj rjadomaj pomjenowanje za łužiske město.

1 francoska stolica, 2 ćěłozwučowanje, 3 lubowar rjanosće, 4 žort, wjesołosć, 5 sydło bohow, 6 šwicarske město, 7 grjekska kupa, 8 europski mórski kraj, 9 wón šije, 10 čěska stolica, 11 lěkarske wobkrućenje

Pjatk 27. do 29.8.   Staroměšćanski festiwal na Budyskim hrodźe a w rozwalinje mnišeje cyrkwje

   22. Nukstock-openair w Nuknicy

Pjatk 27.8. 19:00 Předstajenje „Serbski tranzit“ w Choćebuzu (zetka­nišćo: kulturne dwórnišćo)

Sobotu 28.8. 15:00 Dwurěčny serbsko-němski swjedźenski koncert składnostnje 140lětneho wobstaća Delnjo­wujězdźanskeho muskeho chóra w tamnišim kupo­wym parku

  18:00 Židowske čitanje w Smochčanskim kubłanišću swj. Bena składnostnje 1 700 lět židowskeho žiwje­nja w Němskej

Njedźelu 29.8.   Finisaža Mjezynarodneje rězbarskeje dźěłarnički w Miłočanskej skale Při Krabatowym kamjenju

  11:00 Poswjećenje historiskeje bróžnje na Trjebinskim Šusterec statoku

Póndźelu 30.8. 17:30 Finale Satkula-bičwolejbula w Miłoćicach

njedźelu hornjoserbsce

11:00 Łužica tutón tydźeń, mjez druhim z přehladom powěsćow

11:20 20 lět Chróšćan šulski zběžk – što je zwostało?

12:00 Nabožne wusyłanje

(Krystof Rummel)

po tym zbožopřeća

delnjoserbsce

12:30  Aktualny magacin, mjez druhim z třećim dźělom rjadu „Prózdniny něhdy a dźensa“ a z kolumnu „Tak ja to widźu“

13:00 Tematiske wusyłanje: Mjez přiswojenjom a eksotizmom (6.)

13:40 Nabožne wusyłanje

(Till Wojto)

po tym zbožopřeća