Z wudaća: póndźela, 08 februara 2016

W zymskej přestawce so jenož za druhu połseriju njetrenuje. Někotre cyłki dźěłaja tež na mustwowym kadrje. Tak sta so to na přikład pola SJ Chrósćicy. Za Serbske Nowiny je so Fabian Pöpel z nowopřichadom Tonijom Kunzu rozmołwjał.

Witaj, Tonijo, předstaj so prošu skrótka čitarjam Serbskich Nowin.

T. Kunze: Rěkam Toni Kunze, sym 23 lět młody a pochadźam z Huski (Gaußig). Bydlu pak tučasnje dźěła dla w Drježdźanach. Bul kopać sym jako pjećlětny započał.

Zwotkel sy do Chrósćic wotešoł a što Će poprawom sem do Serbow ćěri?

T. Kunze: Sym z Drježdźanskeho 06 Laubegast přišoł. Woni hraja ligu wyše hač SJC, potajkim w krajnej klasy. Nastork k změnje běchu přećeljo dali kaž tež swójba. Wšako je mój nan hižo w towarstwje skutkował.

Što je poprawom Twój nan, minjenu sezonu hišće ko-trenar tu pola SJC, k tutej kročeli prajił?

T. Kunze: Wón je so z toho jara wjeselił. Su jeho tež přeco witali a derje přiwzali a je so tu jara derje čuł. Je mi prajił, zo nječinju z tutej kročelu ničo wopačne.

Na kotrej poziciji Ty hraješ respektiwnje sy najsylnišo nastajeny?

Sokoł Ralbicy/Hórki

– SJ Chrósćicy 1:1 (1:0)

Zestawa domjacych: Gloxyn – von Köding (74. Lulak), Schultz, B. Bjeńš, Korjeńk, St. Bjeńš, Šołta, Wałda, Bejmak, Domaška (71. Kurjat), Bejma

Zestawa hosći: Králíček – Dórnik, Schulze, Bětnar, Cyž, Šmit (63. Młynk), Domaška, Runt, Šafař (55. Dehn), Zahrodnik, Žur

Wjace hač 250 přihladowarjow běše na wčerawšej njedźeli z hosćom w Ralbičanskim Stadionje přećelstwa. Mnozy z nich přichwatachu samo z kolesom, wšako njemóhło w tutym počasu wjedro rjeńše być. Wuměnjenja za derby mjez Ralbicami a Chrósćicami běchu potajkim optimalne, wšako bě hewak twjerde hrajnišćo rjenje mjechke. Wot spočatka sy napjatosć wobeju cyłkow pytnył.

Awtor dźensa

Toni Ryćer

Před pjeć lětami załoži ST Marijina hwězda nowu skupinu z mjenom „Sportowi palčikojo“.

W rozmołwach z kubłarkami a staršimi pěstowarnje w Pančicach bě so pokazało, zo wobsteji potrěbnosć za sportowymi poskitkami za předšulske dźěći. Bórze so wukopa, zo jedna skupina njedosahaše. Tola tež z dwěmaj skupinomaj njebě potrěbnosć spokojena. Přeco zaso dyrbjachu nazwučowarki naprašowanja staršich wotpokazać. Kapacita bě z 35 dźěćimi cyle jednorje wučerpana. Nětko přidruža so hišće dźěći zakładneje šule, kotrež bychu rady dale sportowali. To wšak by sportowe towarstwo tež poskićiło. Pobrachuja pak nazwučowarjo.

Tuž pytamy zajimcow, žony a rady tež muži. Kóždu srjedu, nimo šulskich prózdnin, wot 16 do 17 hodźin by wot­powědna skupina w sportowej hali w Pančicach zwučowała. Štóž ma zajim, so na tutym polu angažować, njech přizjewi so pola Petry Hanuzec, telefonowe čisło 035796-98966 abo pod . Pětr Bart

Wokrjesna wyša koparska liga

Kumwałd – Bukecy1:1 (0:1)

Hnašecy – Großröhrsdorf 1:4 (1:2)

Połčnica – Póst Budyšin 1:0 (0:0)

Wachau – Ramnow 0:2 (0:0)

Hory – Rakecy1:2 (1:2)

Ralbicy/Hórki – Chrósćicy 1:1 (1:0)

Wjelećin – ST Ćisk1:5 (1:2)

1. Chrósćicy 18 43  :  14 45

2. Hory 18 50  :  12 39

3. Großröhrsdorf 18 49  :  29 35

4. Ralbicy/Hórki 18 38  :  18 31

5. Kumwałd 18 45  :  34 30

6. Póst Budyšin 18 42  :  37 27

7. ST Ćisk 18 39  :  34 26

8. Rakecy 18 32  :  30 26

9. Ramnow  18 33  :  37 26

10. Połčnica 18 32  :  27 25

11. Hnašecy 18 34  :  27 24

12. Kinspork 17 34  :  32 18

13. Kulow 17 25  :  30 15

14. Wachau 18 28  :  62 12

15. Wjelećin 18 24  :  60 12

16. Bukecy 17 18  :  44 11

17. Łuty 17 15  :  54 10

Malyn Wićaz, šuler Serbskeho gymnazija Budyšin a sportowc sportoweho zjednoćenstwa Budyšin sewjer, je pjaty najlěpši spěšnosankowar w starobnej klasy C2 Němskeje. Sakski mišter wubědźowaše so sobotu a wčera na sankowanišću w Altenbergu z 38 spěšnosankowarjemi z cyłeje Němskeje. Z krajnej staflu Sakskeje wudoby sej Malyn bronzowu medalju. Dwě holcy a hólcaj wubědźowachu so zhromadnje. Jeho trenuje René Jäckel, a wón startowaše na poziciji jedyn. Na němskich mišterstwach w spěšnosankowanju bě so w Altenbergu cyłkownje wosom mustwow wobdźěliło. Jurij Bjeńš

Na swojim zašłym posedźenju zaběrachu so Běłowodźanscy měšćanscy radźićeljo mjez druhim z nowej lodosportowej arenu. Dotalna přiražka města po wšěm zdaću njedosaha.

Běła Woda (AK/SN). Wo eficientne wućeženje lodoweje areny chcetej so Běłowodźanske lodosportowe towarstwo a město dale zhromadnje prócować. „Mamy wudawki dotal derje w horšći“, rjekny komornik Rico Jung na zašłym posedźenju měšćanskeje rady, wuhódnoćejo bilancu 2015. „Porno planej smy 135 000 eurow mjenje za milinu wudali a 28 000 eurow mjenje za tepjenje. Za wu- a dalekubłanje smy 12 000 eurow zaplanowali, tola wudachmy jeničce 6 300 eurow.“

Hinaše je połoženje nastupajo dochody. Lodosportowe towarstwo jako wobhospodar areny bě loni přiražku města we wysokosći 345 000 eurow planowało. Tale suma pak po słowach Rica Junga njedosaha. „Porno zašłym lětam mějachmy tójšto wjace wudawkow.“ Deficit mějachu na přikład w gastronomiji, při lodowej diskotece a w druhich wobłukach. Při popłatkach je město 4 500 eurow dochodow zličiło. Doskónčna zličbowanka dochodow a wudawkow ma w aprylu předležeć, připowědźi Rico Jung.

Ralbicy (aha/SN). W Ralbicach je z rjanej tradiciju, zo po 2. februaru – po swjedźenju předstajenju Knjeza wšak so hodowny čas skónči – božodźěsćowe štomy pala. Zamołwitosć za tónle woblubowany podawk je přewzała tamniša dobrowólna wohnjowa wobora ze swojimi 26 kameradami pod nawodom Achima Měrćinka.

„Hačkuli je kredo kóždeje wobory, wohenjej zadźěwać, je mjeztym tak, zo je so kontrolowane spalenje štomikow pola nas stało z přićahliwym małym swjedźenjom“, wón měnješe. Termin je w Ralbicach mjeztym wšěm tohodla znaty, dokelž ma so hodowna pycha z wosadneje cyrkwje zhubić. Su to dwaj něhdźe wosom metrow wulkej štomaj z wołtanišća, dalšej něšto mjeńšej z pobočneju wołtarkow a dale wjacore małe a k tomu znajmjeńša 40 z Ralbičanskich domjacnosćow, potajkim cyłkownje to nahladna hromada. Wjacore hodźiny aktiwni čłonojo Ralbičanskeje wobory štomiki wohenjej přewostajejo do płomjenjow mjetachu.

Wochoza (JoS/SN). Wjace hač 30 dźěći, přewodźanych wot někotrych dorosćenych z wjesneho kluba a dalšich staršich, je sobotu we Wochozy camprowało. Prjedy hač jim wobydlerjo słódčizny a pjenjezy darichu, holcy a hólcy někotre štučki zaspěwachu. Bě to mjeztym štwórty raz, zo běše Wochožanska dźěćina we wsy po puću. Mjeztym zo nazběrane słódčizny hnydom na městnje rozdźělichu, chcedźa pjenjezy za nowosć wužić. Wjesny klub ze swojim nawodu Henryjom Hubatschom přihotuje mjenujcy w dojutrownym času jutrowny swjedźeń. Z nim chcedźa serbske dojutrowne a jutrowne tradicije kaž debjenje jejkow, walkowanje a druhe pěstować a młodej generaciji dale dać. Tak ma so serbski dźěl Wochožanskeho wjesneho žiwjenja dźěćom zbližić. Jeli potom runje telko dźěći přińdźe kaž sobotu k camprowanju, změje tež tele zarjadowanje dobry wuspěch.

Ćěkanca atakowali

Budyšin. K domej požadarjow azyla na Budyskej Flincowej su sobotu wječor policiju wołali. 32lětny wobydler domu zastojnikam rozprawješe, zo běchu jemu młoda žona a młodaj mužej krótko po 21 hodź. tak mjenowany popjerjowy spray mjezwoči pryskali. Škodowany dyrbješe so w chorowni lěkarsce zastarać dać. Pozadki rozestajenja su dotal njejasne. Po wuprajenju požadarja azyla běchu skućićeljo něhdźe 25 lět stari. Jedyn z muži měješe swětłe cholowy a swětłu košlu. Wo tamnymaj žane informacije njepředleža. Policija pyta nětko swědkow, kotřiž su zawčerawšim něhdźe w 21 hodź. na Flincowej snano něšto wobkedźbowali. Pokiwy přijimuje Zhorjelska policajska direkcija tež telefonisce pod čisłom 03581/ 468 100 abo kóždy druhi policajski běrow.