Z wudaća: wutora, 26 julija 2016

SZ Chrjebja-Nowa Wjes

– ST Marijina hwězda 0:1 (0:0)

Za hosći zasadźeni: D. Matik – Wróbl, Škoda, R. Hawš, Smoła, Peschmann, Pakoßnick, Bělk, Schmidt, O. Hawš, Jurš, Langer

Prěnju testowu hru za nowu sezonu wotmě prěnje koparske mustwo ST Marijineje hwězdy w Mikowje přećiwo wo­krjesnemu ligistej SZ Chrjebja-Nowa Wjes. Dokelž bě a je přeco hišće tójšto hrajerjow w dowolu, měješe trenar Tobias Škoda jenož dwanaćoch k dispoziciji. Tak móžeštaj nowopřichadaj Stanij Smoła (SJ Njebjelčicy) a Oskar Hawš (Natwar Němske Pazlicy) hižo w startowej formaciji swoje zamóžnosće pokazać. Na woběmaj cyłkomaj bě widźeć, zo stejitej hišće na spočatku přihotowanskeje fazy. Hižo w 1. min. wotwobara Matik ze sylnej paradu zažny zastatk. W 25. a 26. min. pak dyrbješe wrotar Chrjebje-Noweje Wsy wšitke swoje zamóžnosće pokazać. Najprjedy wotwobara wón třělwu Bělka, krótko po tym třělwu Jurša.

Mnichow (B/SN). Bamž Franciskus a eku­meniski patriarch Bartholomaios I. staj křesćanow namołwjałoj, zasadźić so za jednotnu Europu. Franciskus rjekny: „Je načasu so zwjazać, zo bychmy w europskim duchu rozrisali problematiku našeho časa.“ Bartoholomaios wuzbě­hny: „Swět steji před wužadanjemi, kotrež nas nuzuja k jednoće, k zhromadnosći a k mjezsobnej podpěrje.“

Dóstanu noweho biskopa

Limburg (B/SN). Generalny wikar z Triera Georg Bätzing budźe nowy biskop diecezy Limburg. Bätzing dźakuje so za dowěru a praji: „Sym stajnje w teamje skutkował a njemóžu sej to hinak předstajić, zo maja so cyrkwinske nadawki w zhromadnosći wukonjeć.“

Caritas w Ruskej podpěrać

Vechta (B/SN). Nazběrane 6 000 eurow na rozžohnowanju swjećaceho biskopa Heinricha Timmereversa 19. junija we Vechta wužiwaja za karitatiwne a cyrkwinske skutki w Ruskej. Podpěrać ma so dźěło katolskeho biskopa w Saratowje Clemensa Pickela, kiž pochadźa ze sakskeho Colditza. 27. awgusta budźe Timmerevers jako nowy biskop Drježdźansko-Mišnjanskeje dźecezy zapokazany.

Namołwja k wujednanju

Duchowny w cyrkwi morjeny

Rouen. Při nadpadźe na katolsku cyrkej njedaloko sewjerofrancoskeho města Rouena staj atentatnikaj dźensa 84lětneho duchowneho wosady moriłoj. Dalšeho zastajenca wonaj ćežko zraništaj. Policiju nadpadnikow zatřěli. Francoski prezident François Hollande je w běhu dnja městno atentata wopytał a „hrózbny teroristiski njeskutk“ zasudźił.

Krućiše wěstotne naprawy

Drježdźany. Reagujo na nadpady w Bayerskej je agentura Semmel Concerts wěstotne naprawy za Drježdźanske koncerty při Łobju přiwótřiła. Wopytowarjo měli so na konsekwentne kontrole při wrotach nastajić a toboły a nachribjetniki doma wostajić, kaž připowědźichu. Semmel Concerts zahaji tam pjatk rjad štyrjoch koncertow Rolanda Kaisera.

Miliony za slědźerski projekt

W Hornjej Łužicy a Delnjej Šleskej dale a wjac turistow – tež z wukraja

Budyšin (SN/BŠe). Hornja Łužica ma dźeń a wjac wopytowarjow. Tak je lětsa dotal 6,6 procentow wjac turistow w regionje přenocowało hač loni. Tole zdźěli Marketingowa towaršnosć Hornja Łužica a Delnja Šleska (MGO) ze sydłom w Budyšinje na naprašowanje SN. Do statistiki zapřijate su hosćency, hotele a pensije z wjac hač dźesać łožemi. Nowy nawoda za wobłuk turizm w MGO Tobias Hajdan pokaza na to, zo su w regionje tež jara derje wuhotowane priwatne móžnosće přenocowanja, kotrež so w statistice njejewja.

Najwjac hosći přebywa w Hornjej Łužicy a Delnjej Šleskej jedyn dźeń. Tak naličichu­ turistikarjo wosom a poł króć telko dnjowych hosći a přenocowarjow. Wopytowarjo regiona su přewažnje z Němskeje, štož wučinja 95 procentow. Mnozy z nich přichadźeja ze Sakskeje abo Braniborskeje. Pjeć procentow wopytowarjow su wukrajnicy, při čimž Nižozemska­ statistiku nawjeduje. Rady přichadźeja tež turisća z Čěskeje a Pólskeje, na štwórtym a pjatym městnje sćěhujetej Šwicarska a Awstriska.

W lětušim etaće Załožby za serbski lud zbywaja hišće pjenjezy za projekty. Cordula Ratajczakowa je so ze zastupowacej direktorku Michaelu Mošowej rozmołwjała, što chcedźa z tymile srědkami spěchować a što so přichodnje nastupajo projektowe spěchowanje změni.

Załožba ma zbywace pjenjezy a njewě, dokal z nimi – rědka to powěsć. Što za tym tči?

M. Mošowa: Na zakładźe wotličenja lońšeho etata smy zwěsćili, zo mamy hišće pjenjezy. A serbscy zastupjerjo w załožbowej radźe, mjez nimi wosebje tež dotalny předsyda rady a přichodny direktor Załožby za serbski lud Jan Budar, su sej wuwojowali, zo maja so z tutymi srědkami swobodne projekty spěchować. A tak je to załožbowa rada na aprylskim posedźenju wobzamknyła. Mamy tuž nětko mały přidatny hornc 30 000 eurow za projekty. Wokomiknita situacija pak je tajka, zo předležace próstwy tónle hornc njewučerpaja.

Kajke próstwy sej přejeće?

Čłonojo přihotowanskeho wuběrka Domowiny­ za lětušu 3. koparsku europeadu w Južnym Tirolu su ju wčera w Hórkach wuhódnoćili.

Štóž je mjez Rakecami a Klukšom po puću, abo – kaž na foće widźimy – mjez Hlinu a Malešecami, móže zwěsćić, zo tam kukurica derje steji. Tež w agrarnym drustwje Holanska farma Zdźěr su najprjedy raz spokojom, byrnjež zorno hišće doskónčnje wu­tworjene njebyło. Za to je hač do 20. awgusta dalši dešć trěbny, hewak su žně wohrožene, dokelž lochka póda mokrotu njedźerži. Kedźbować měli šoferojo, přetož mjez kukuricowymi zahonami móhli tež dźiwje swinje po puću być. Foto: Jurij Helgest

Karlsruhe/Drježdźany (dpa/SN). W Sakskej je loni hladajo na přestrjeń po cyłym Zwjazku najčasćišo błyskało. Kaž Siemensowa informaciska słužba zdźěli, zwěsćichu dokładnje 43 240 błyskow. Z 2,35 błyskami na kwadratny kilometer ma jich swobodny stat najwjace, slědu­jetej Sewjerorynsko-Westfalska (1,88) a Saksko-Anhaltska (1,69). Na čole lońšeje sakskeje błyskoweje statistiki steja Rudne horiny. Dohromady 7 854 błyskow su tam zličili, nimale 3 500 wjace hač lěto do toho. Přerěznje su to 4,3 błyski na kwadratny kilometer – wjace je jich jenož w Schweinfurće (4,53).

We wčera w Karlsruhe wot Siemensa předstajenym atlasu 100 městow a wo­krjesow z najwjace błyskami steja Drježdźany na pjatym (4,06) a wokrjes Budyšin (3,29) na 12. městnje. Cyłkownje je Siemens loni 549 784 błyskow w Němskej zwěsćił. Po słowach nawody informaciskeje słužby Stephana Therna njeje to wjele: „Loni bě w Němskej mało hrimanjow.“ Lěta 2007 bě jich z 1,14 milionami wjace hač dwójce telko błyskow.

Podstupim (dpa/SN). Mordarja małeju Eliasa a Mohameda, Silvija S., su dźensa k najwyšemu chłostanju zasudźili. Podstupimske krajne sudnistwo wukaza jastwo na čas žiwjenja. Zdobom zwěsći wone wosebitu ćežu winy. Tak je ćešo, 33lětneho skućićela pušćić. Sudnik rěčeše wo „njezrozumliwymaj njeskutkomaj“. Silvio S. bě šěsćlětneho Eliasa w juliju 2015 před bydlenjom staršeju w Podstupimje zawlekł. Štyrilětneho Mohameda zawleče wón w oktobru 2015 w Berlinje. Wo­beju hólcow je splažnje znjewužiwał a skónčnje morił.

Moskwa za direktne jednanja

Vientiane (dpa/SN). Do zetkanja USA, Ruskeje a UNO krizy w Syriskej dla namołwja Moskwa k měrowym jednanjam. Za politiske rozrisanje konflikta dyrbjałoj syriske knježerstwo a opozicija direktne rozmołwy zahajić, rjekny ruski wonkowny minister Sergej Lawrow po zetkanju ze swojim ameriskim kolegu Johnom Kerryjom dźensa w Laosu. Zetkanje planuja wodźacy zastupnicy USA, Ruskeje a UNO pozdźišo w Genfje planowane.

„Skutk“ připowědźił

Na dobro čisteje Sprjewje do Berlina po puću je tuchwilu zapósłanča Zelenych w Sakskim krajnym sejmje Franziska Schubert (4. wotlěwa). Zhromadnje ze sobuzapósłancom Benjaminom Raschku (2. wotlěwa) chcetaj wonaj 500 kilometrow dołhu čaru na tan­demje zmištrować a na zanjerodźenje rěki skedźbnjeć. Sobu mataj čistu wodu, kotruž staj wčera při žórle Sprjewje do bleškow pjelniłoj. Dźensa dopołdnja docpěštaj z někotrymi sobuwojowarjemi Bjerwałdski jězor (hlej wobraz). Foto: Joachim Rjela