Kulow. 25. raz wotměje so wot jutřišeho hač do njedźele piwarniski swjedźeń w Kulowskej piwarni. K jutřišim rejam hraje kapała Božemje Cryers. Sobotu a njedźelu stajnje w 13 a 15 hodź. zajimcow po piwarni powjedu. Sobotu w 16 hodź. započnje so piwarniske wubědźowanje. Wječor hraje kapała nA und. Njedźelu wočakuja tam dubl Rolanda Kaisera.
W parku předawaja rostliny
Wochozy. Wulka nazymska bursa rostlin wotměje so sobotu a njedźelu, 24. a 25. septembra, we Wochožanskim parku błudźenkow. Wjacore zahrodniske zawody a štomownje kaž tež plahowarjo žadnych rostlinskich družin chcedźa tam swój poskitk předstajić. Někotři wikowarjo so prěni raz wobdźěla. Rostlinske wiki, organizowane wot spěchowanskeho towarstwa parka, budu wobaj dnjej wot 10 do 18 hodź. přistupne.
Njeswačidło (JK/SN). Runje dokelž njeje financne połoženje tež Njeswačanskeje gmejny wosebje róžojte, maja jeje radźićeljo derje wo tym wotwažować, što wobzamknu a što smě sej gmejna dowolić. Na posedźenju zawčerawšim tuž dokładnje wuradźowachu a so dojednachu, zo přepodadźa nadawk k změnje telefoniskeho systema, kotryž zwěsća a posrědkuje daty wopłóčkoweje připrawy gmejny, Drježdźanskej firmje WKS. Ta dotalny ISDN-system na ip-bazěrowany přestaji. Gmejna wotpowěduje tak wosebje žadanjam krajneje direkcije za kontrolu a dokumentaciju prawje dźěłaceho wopłóčkoweho systema.
22.9.–28.9.2016 Budyski filmowy palast: Die glorreichen Sieben: wšědnje 17:30 a 19:30 (nimo wu) | wu 20:15 | pj a so 22:15 War Dogs: srj 20:10 Bad Moms: wšědnje 15:30, 17:30 a 20:00 (nimo srj) | srj 20:15 | pj a so 22:15 koncert: Rolling Stones – Havana Moon: pj 20:00 SMS für dich: wšědnje 17:45 (nimo pó) a 20:00 (nimo pó) Tschick: wšědnje 15:30 (nimo pó) a 17:30 (nimo pó) Dont’t Breathe: štw, so, nj a pó 20:15 | pj 22:30 | so 22:15 Suicide Squad w 3 D: pj a so 22:15 Elliot, der Drache: wšědnje 15:30 (nimo so a nj) | so a nj 13:30 Elliot, der Drache w 3 D: wšědnje 15:30 Pets: so a nj 15:30 Pets w 3 D: so a nj 13:30 Ice Age – Kollision voraus w 3 D: so a nj 13:30 Conni & Co.: so a nj 13:30
Kino-ekstra: 7 Göttinnen: pó 17:15 a 20:15
Wojerowski CineMotion: Bad Moms: wšědnje 15:30 (nimo štw, pó a srj), 17:45 a 20:00 Die glorreichen Sieben: wšědnje 16:55 a 19:40 | pj a so 22:20 Männertag: štw, pó a srj 15:45 Conni & Co.: štw, so, pó a srj 14:45 SMS für dich: wšědnje 15:20, 17:40 a 20:05 The Shallows – Gefahr aus der Tiefe: pj 22:25 Suicide Squad w 3 D: so 22:25 The Purge: Election year: wšědnje 16:30 a 20:45 | pj a so 23:05 Tschick: wšědnje 14:30 a 18:45 (nimo srj) Don’t Breathe: pj a so 22:15 Pets: pj, nj a wu 14:55 Im Himmel trägt man hohe Schuhe: srj 10:00 Frühstück bei Monsieur Henri: srj 18:45
Kolesa w hrjebi leželi
Sepicy. Hižo minjenu njedźelu rano je muž w Bólericach pola Sepic w jednej hrjebi tři kolesa wuhladał. Wo tym drje informowaše wón policiju hakle dwaj dnjej pozdźišo, na zbožo pak hišće sčasom. Jako mjenujcy wobsadka policajskeho awta k wopisanemu městnu přijědźe, tři kolesa hišće w chowance ležachu. Při přepruwowanju ramikowych čisłow so wukopa, zo bě znajmjeńša jedne koło pokradnjene. Dźěćace hórske koleso bě so hižo minjeny pjatk w Bambruchu pola Kamjenca zhubiło. Zwotkel tamnej pochadźatej, njeje hišće zwěsćene. Na kóždy pad so policija wuchodźowarjej za informaciju dźakuje, prosy pak, tajke něšto hnydom zdźělić.
Ratarske předewzaća maja so wokomiknje jara ćežko. Wuspěšnje hospodarić njeje pod tuchwilnymi wuměnjenjemi lochko. Ratarjo nałožuja wjele prócy a trjebaja tójšto optimizma, zo by so dźěło na polach a w hródźach wudaniło. To je tež Róžeńčanska agrarna AG Sorabia minjene lěto nazhoniła. Předewzaće, wobstejace z třoch wobłukow – agrarneje towaršnosće, twarskeje tzwr a dejneho a rostlinskeho kombinata „Łužica“ –, njeje najebać efektiwne hospodarjenje w minjenym lěće tak wuspěšne było, kaž by to chcyło.
Na njedawnej hłownej zhromadźiznje, na kotruž bě Sorabia swojich akcionarow do Nowoslic přeprosyła, předstajištaj w rozprawomaj nawoda agrarneje AG Matej Korjeńk runje tak kaž předsyda dohladowarskeje rady dr. Thomas Kronenberg ćeže a njepřihódne dźěłowe wuměnjenja delanskich ratarjow.
Na njedawnej hłownej zhromadźiznje Róžeńčanskeje agrarneje towaršnosće Sorabia rozžohnowa předsyda Matej Korjeńk wjelelětneho zamołwiteho za rostlinsku produkciju Jana Hermana na zasłuženy wuměnk. Z jeho naslědnikom, Pančičanom Christianom Hrjehorjom, je so Jan Kral rozmołwjał.
Prošu Was, so našim čitarjam skrótka předstajić.
Ch. Hrjehor: Pochadźam ze Serbskich Pazlic a sym 31 lět stary. Wuchodźiwši Worklečansku šulu nawuknych w ratarskim zawodźe w Krěpjecach powołanje ratarja a sym tam wjele lět dźěłał. W běhu lět sym so w Großenhainje a Freiberg-Zug dale kubłał. Wot 1. julija 2010 dźěłam tule w Sorabiji. Dokelž chcych so powołansce dale wuwić, wukmanich so wot lěta 2013 w dualnym studiju w Drježdźanach na polu ratarskeho managementa. 1. oktobra přewozmu nětko zamołwitosć za rostlinarstwo w Róžeńčanskej agrarnej AG Sorabia.
Što wobhladujeće jako wosebite wužadanje swojeho dźěła w Sorabiji?
Regionalna koparska liga
Auerbach – Energija Choćebuz 0:4 (0:2)
Budissa Budyšin – Hertha BSC II 2:3 (0:3)
1.Jena 7 19 : 1 21
2.Hertha BSC II 7 13 : 7 16
3.RB Lipsk II 7 8 : 6 14
4.Lok Lipsk 7 11 : 6 13
5.FC Viktoria 7 15 : 6 12
6.Energija Choćebuz 7 10 : 5 12
7.BFC Dynamo 7 15 : 6 11
8.Babelsberg 03 7 11 : 10 11
9.Schönberg 7 10 : 12 10
10.Neugersdorf 7 12 : 9 9
11.Berlinski AK 7 7 : 9 9
12.Nordhausen 7 10 : 13 9
13.Fürstenwalde 7 5 : 11 9
14.Auerbach 7 4 : 12 7
15.Budissa Budyšin 7 8 : 13 4
Dołho je trało, prjedy hač je mustwo FC Energije Choćebuz do štwórteje ligi Němskeje zjěło. Přispomnić pak so dyrbi, zo je po zestupje kompletnje nowe wobličo dóstało. Wjac hač tři dypki w prěnich štyrjoch hrach bych sej přiwšěm přał. Mjeztym pak maja Choćebuscy koparjo trěbnu harmoniju, kaž to minjene tři dobyća bjez přećiwniskich wrotow w mišterstwje a pokalu pokazuja. Na to chcedźa nawjazać, hdyž rěka přećiwnik přichodnu njedźelu w Choćebuskim Stadionje přećelstwa Budissa Budyšin. Zo ma ta w tabulce wosom dypkow mjenje hač Choćebuženjo, njeje trenarjej Clausej-Dieterej Wollitzej wažne: „Smy do partije wosmeho hrajneho dnja Budyšananow trójce wobkedźbowali: w hrě přećiwo Carl Zeiss Jenje, přećiwo Hertha BSC II a w Babelsbergu. Načolnikej z Jeny su woni na přikład njezbožownje podleželi, byrnjež přeswědčili. Nastajimy so na kompaktneho přećiwnika, kotryž spěšnje přešaltuje a chce akcije spěšnje wotzamknyć. Dyrbimy chětro kedźbować a dobru hrajnu disciplinu pokazać. Mi je tež wšojedne, zo pola Budissy Martin Hoßmang žołto-čerwjeneje karty dla pobrachuje.