Wo Jurju Rjenču we Wuhladku
Prócowanja prawiznika Jurja Rjenča po Druhej swětowej wójnje wo samostatny serbski stat budu jedna z temow telewizijneho magacina Wuhladko jutře, sobotu, w 11.30 hodź. na sćelaku MDR. Poćahi Rjenča k juhosłowjanskemu prezidentej Jozip-Broz Titej a Rjenčowe aktiwity k załoženju samostatneho serbskeho stata běchu jeho zahuba. Wuhladko poda so na brizantne historiske slědy tragiskeje stawizny, kotraž by wobraz Łužicy a srjedźneje Němskeje rozsudnje změniła. Dale rozprawjeja we wusyłanju wo nowej społnomócnjenej za serbske naležnosće Budyskeho wokrjesa Reginje Krawcowej a wo přihotach na pasionsku hru w Chrósćicach.
Druhi raz filmowa nóc
Hórki. Domowinska župa „Michał Hórnik“, Hórčanske wjesne towarstwo Při skale a Rěčny centrum WITAJ přeprošeja jutře, 4. septembra, na 2. filmowu nóc při Hórčanskim sportnišću. We 18 hodź. změje hornjoserbska synchronizacija filma „Šmjatańca w raju bajkow“ premjeru na žurli Młynkec hosćenca. W 20.30 hodź. pokazaja pod hołym njebjom film „Wasser für die Elefanten“ (wot dwanaće lět) a w 22.30 hodź. „Black swan“ (wot 16 lět). Wopytowarjo njech sej stólčk, přikryw abo zawk sobu při- njesu. Wo ćělne derjeměće budźe z popcornom, pomfritkami a kołbaskami postarane.
Madźaršćinu wuknyć
Budyšin. Wot štwórtka, 10. septembra, w 17 hodź. wotměje so w Budyskim žónskim centrumje na Karla Marxowej 7 rěčny kurs madźaršćiny. Budźe to měšana skupina za započatkarjow a za pokročenych. Wobdźělnicy nawuknu zakłady rěče, tak zo móža jednore rozmołwy wjesć. Zajimawostki z madźarskich stawiznow a dźensniše žiwjenske wašnja so tohorunja wobjednawaja. Přizjewjenja přijimuja pod telefonowym čisłom 03591/ 42 353.
3.9.–9.9.2015: The Transporter Refueled: wšědnje 17:15 a 19:15 hodź. | pj a so 22 hodź. | w 3 D Hitman: Agent 47: wšědnje 19:30 hodź. | pj, so a srj 21:45 hodź. Dating Queen: štw a nj 17:15 hodź. | pj, so a srj 21:30 hodź. Fack ju Göhte: filmowa nóc z prěnim dźělom a z předpremjeru druheho dźěla srj 21:15 hodź. Mission: Impossible: wšědnje 19:15 hodź. (nimo srj) Magic Mike XXL: štw a nj 20 hodź. | pj, so a srj 22 hodź. Pixels: pj, so a štw 15 hodź. | nj 13 hodź. Minions: wšědnje 17:15 hodź. | nj 13:15 hodź. | w 3 D Der kleine Rabe Socke: wšědnje 17:15 hodź. | pj, so, nj a wu 15:30 hodź. | nj 13:15 hodź. Vacation – Wir sind die Griswolds: pj, so, nj a wu 15:15 hodź. Jurassic World: pj, so, wu a srj 17:15 hodź. | nj 13 hodź.
Kino-ekstra: Victoria: pó 17:15 a 20:15 hodź.
Twórby Jana Cyža zaklinča
Lichań. We wobłuku koncertneho rjada na Lichańskim hrodźe budźe tam přichodne zarjadowanje sobotu, 5. septembra, we 18 hodź. Pod hesłom „Wot tradicionalneho k modernemu“ zahudźa třo wuměłcy Berlinskeje komiskeje opery twórby komponista Jana Cyža składnostnje jeho 60. narodnin. Zastupne lisćiki dóstanu wopytowarjo při wječornej kasy. Dźěći maja darmotny zastup. Do koncerta a po nim poskića napoje a zakuski. W tym času budźetej hród a park přistupnej. Wšitcy lubowarjo našočasneje serbskeje hudźby su na Lichański hród wutrobnje přeprošeni.
Informuja wo samostatnosći
Čitanje z hudźbnym přewodom
Budyšin. Zwjazk serbskich wuměłcow wobdźěli so lětsa znowa ze swójskim zarjadowanjom na Hornjołužiskim dnju. Čitanje z Benom Budarjom budźe njedźelu, 30. awgusta, w 17 hodź. w Budyskim zahrodowym lokalu „Zur Morgensonne“ Při Špitałskich łukach. Jan Cyž zarjadowanje hudźbnje wobrubi. Zajimcy su wutrobnje přeprošeni!
Pěstowarnja 60 lět
Radwor. Wot 31. awgusta do 2. septembra swjeći Radworska pěstowarnja „Marja Kubašec“, kotraž je w nošerstwje AWO, 60lětne wobstaće. Dźěći a kubłarjo přeprošeja wšitkich cyle wutrobnje na dźeń wotewrjenych duri, kotryž budźe wutoru, 1. septembra, wot 14.30 hodź. Štóž chcył za kulisy wšědneho pedagogiskeho dnja pohladnyć, je tuž do Radworja lubje witany. Dźěći a sobudźěłaćerjo so na wopyt wjesela.
Schadźowanka subkultury
Pjatk 28.-29.8. 17. nukstock při Nukničanskej skale – festiwal metaloweje hudźby z němskimi a čěskimi kapałami
28.-30.8. Domizniski swjedźeń w Halštrowje
20:00 Swjedźeń swěčkow w Njeswačanskim
baroknym hrodowym parku
Sobotu 29.8. 15:00 Spěwny swjedźeń w Sowrjecach, mjez druhim ze Serbskim muskim chórom Delany
15:00 Muzejowa rozmołwa w Budyskim muzeju wo wohnjoškiće a hašenju něhdy
17:00 Swjedźenske zarjadowanje k 70lětnemu wobstaću Trjebinskeje Domowinskeje skupiny na Šusterec statoku
Njedźelu 30.8. 11:00 Dworowy swjedźeń z kałanjom wěnca pola Krječmarjec w Dubrjenku
14:00 Wosadny swjedźeń w Chrósćicach z rozžohnowanjom wosadneho fararja Clemensa Hrjehorja
16:00 Zakónčaca party knižneho lěća 2015 w Kamjenskej słodarni
17:00 Hudźbno-literarny program Zwjazka serbskich wuměłcow w Budyskim zahrodowym lokalu „Zur Morgensonne“
Wutoru 1.9. 14:30 Dźeń wotewrjenych duri w Radworskej pěstowarni „Marja Kubašec“ składnostnje 60lětneho wobstaća kubłanišća
16:00 Posedźenje předsydstwa župy „Jan Arnošt Smoler“ w Budyskim Serbskim domje
16:00 Měrowa demonstracija „Za swět bjez wójny“ na torhošću před Kamjenskej radnicu
Njedźelu hornjoserbsce
11:00 Łužica tónle tydźeń
11:15 Rozprawa z Hornjołužiskeho dnja w Praze, mjez druhim što serbska studentka Čecham wuči
12:00 Nabožne wusyłanje
(Tomasz Dawidowski)
po tym Zbožopřeća
delnjoserbsce
12:30 Aktualny magacin, mjez druhim wo nowym projekće Serbskeho instituta
13:00 Brunica a wuměłstwo –
Karl Vouk
13:30 Nabožne wusyłanje
(Madlena Norbergowa)
13:40 Zbožopřeća
27.8.–2.9.2015: Hitman: Agent 47: wšědnje 20 hodź. | pj a so 22:30 hodź. Ricki – Wie Familie so ist: za žony srj 19:45 hodź. Mission Impossible: wšědnje 17 a 19:45 hodź. (nimo srj) | srj 19:30 hodź. Der kleine Rabe Socke 2: wšědnje 14:30 (nimo štw a srj) a 16:15 hodź. | nj 12:45 hodź. Dating Queen: wšědnje 19:30 hodź. (nimo pó a srj) Magic Mike XXL: pj a so 22 hodź. Ostwind 2 – Rückkehr nach Kaltenbach: nj 12:45 hodź. Pixels: wšědnje 14:45 hodź. (nimo štw a srj) | nj 12:45 hodź. Rico, Oskar und das Herzgebreche: nj 12:45 hodź. Minions: wšědnje 19:30 hodź. | w 3 D Vacation – Wir sind die Griswolds: wšědnje 17 hodź. Fantastic Four: pj a so 22:15 hodź. Kartoffelsalat – Nicht fragen!: pj, so a wu 15 hodź. Die Gärtnerin von Versailles: štw 17 hodź. Jurassic World: wšědnje 17 hodź. (nimo štw a pó)
Kino-ekstra: 8 Namen für die Liebe: pó 17:15 a 20:15 hodź. Camino de Santiago – Eine Reise auf dem Jakobsweg: nj 15 hodź. | pó 14:45 hodź.
Radźićeljo so zetkaja
Worklecy. Twarske wustawki za nowe ležownosće w Smječkecach budu jedna tema posedźenja Worklečanskeje gmejnskeje rady jutře, štwórtk, w 19.30 hodź. w tamnišej šuli „Michał Hórnik“. Mjez druhim změja radźićeljo wotwažować wo zapodatych stejišćach nošerjow zjawnych zajimow. Dalše ćežišćo budźe druha změna wustawkow k přiměrjenju staršiskich přinoškow za žłobik, pěstowarnju a hort. Na čole dnjoweho porjada steji spřisahanje wjesnjanosty. Posedźene je zjawne.
Porěča wo twarskich planach
Wěteńca. Tohorunja jutře w 19.30 hodź. zetkaja so čłonojo Njebjelčanskeje gmejnskeje rady, tónraz we Wěteńčanskej Bjedrichec hospodźe. Tam předstaja plany za wutwar puća wot Serbskich Pazlic do Miłoćic, při čimž póńdźe předewšěm wo wotbóčku do Wěteńcy. Dale rozprawja Claudia Kilankec wo wuslědkach mjezynarodneje młodźinskeje dźěłarnički. Nimo toho porěča radźićeljo wo nakupje a wo natwarje fotowoltaikoweje připrawy. Tež tele posedźenje je zjawne, wobydlerjo su tuž přeprošeni.
Biblioteka zaso wočini