„Prěni raz“ a „Frustracija“ stej zahoriłoj
Worklecy/Kulow (MMě/SN/MG). „Njejsmy prěni raz we Worklecach, ale prěni raz w młodźinskim klubje“ – tak postrowi lektor Ludoweho nakładnistwa Domowina (LND) Michał Nuk něhdźe 25 přitomnych pjatkownišeje premjery njedawno w LND wušłeje zběrki „Prěni raz“. Antologiju za čitarjow wot dwanaće lět běše wudawaćelka Marka Maćijowa před wjace hač dwěmaj lětomaj nastorčiła. Wona běše wjacorych awtorkow a awtorow narěčała, so pjera jimać a młodostnym zajimawu lekturu w jich maćeršćinje spisać. Na kóncu je dźesać awtorkow a awtorow do zběrki přinošowało.