Ptački wosebje rady lěkuje
Praksa wosebje plahowarjam eksotiskich ptačkow dobra adresa
Honač družiny ryzy papagaj da sej wobdźěłanje pyska lubić a wostanje při tym měrny. Młoda skótna lěkarka Sibylle Schindler wšak jeho tež wěsće a wěcywustojnje dźerži. Mjenowany papagaj a zastupjerjo wšelakich dalšich družinow papagajow su jeje najlubši pacienća w Pančičansko-Kukowskej skótnolěkarskej praksy. Młoda skótna lěkarka je so wosebje wusměriła na lěkowanje tutych zajimawych a jara mudrych eksotiskich ptačkow. Mjeztym ma hižo jara dobre mjeno jako specialistka a plahowarjo papagajow njeboja so puća a přijědu samo ze Saksko-Anhaltskeje, zo bychu swojeho lubuška dali tu lěkować abo zastarać.
Z mnohostronskimi přinoškami zajim za serbsku rěč a kulturu ...
Zawěsće je wjetšinje onlineowy magacin kampanje „Sorbisch? Na klar.“ hižo znaty. Pisane na serbstwo poćahowace přinoški su tež w socialnych syćach jara woblubowane. Zamołwići z přisłušneho ministerstwa su z dotalnej rezonancu přewšo spokojom.
Drježdźany. Před mjeztym hižo dwěmaj lětomaj je kampanja Sakskeho statneho ministerstwa za wědomosć, kulturu a turizm pod mjenom „Sorbisch? Na klar.“ zaběžała. Z jasnym zaměrom skedźbnjeć na serbsku rěč a kulturu, ju w zjawnosći sylnišo prezentować, hódnotu dwurěčnosće w regionje wuzběhować a k dwurěčnosći pozbudźować. Linijowy bus regionalneho wobchada a ćah w regionalnym wobchadźe mjez Drježdźanami a wuchodnej Sakskej, kotrajž jězdźitaj módro-běło-čerwjenej barbje po swěće abo fasada při Budyskich Lawskich hrjebjach, na kotrejž je logo kampanje widźeć, su jenož někotre z mnohostronskich akcijow, kiž su w tym zwisku nastali. W samsnym wobłuku pak je tež wušoł online-magacin, kiž namakaće pod . Što pak je dokładnje wosebitosć tuteje strony?
Hač do 85 lět je tydźenske zetkanja přihotował
Hakle před krótkim docpě nas powěsć, zo je jara dobry přećel Serbow, Čech Antonín Vlk, 19. julija 2022 po pjeć tydźenjach w hladarni zemrěł. Vlk, kotryž je přećelstwo mjez šulomaj we łužiskich Ralbicach a čěskim Mělníku nastorčił a wjace hač štyri lětdźesatki aktiwnje sobu wudźeržował, zemrě w starobje 89 lět. Wot njeho nastorčene přećelstwo mjez kubłanišćomaj dźensa hišće traje. Bywši wučer a Ralbičan Pawoł Rota na Antonína Vlka a spočatki přećelskich stykow mjez šulomaj spomina.
Z přewodom dweju wučerjow poda so prěni tydźeń wulkich prózdnin w lěće 1967 skupina šulerkow a šulerjow tehdyšeje Róžeńčanskeje šule do Kralupy nad Vltavou w susodnej tehdy hišće ČSSR. Tydźeń pozdźišo so nawróćichu a přiwjezechu sej swojich nowych přećelow na tydźeń sobu domoj do serbskeje Łužicy. Lěto pozdźišo wójska Waršawskeho zrěčenja z wobsadźenjom Čěskosłowakskeje młode serbsko-čěske přećelske styki rozbichu a nadźijepołne pokročowanje znjemóžnichu.
Nowy započatk
Komorow – městno čiłeho serbskeho žiwjenja
Pohladnicy powědaja wo dawnych časach, swědča wo podawkach a ludźoch. Alfons Handrik wotkrywa nam swět, na kotryž smy minjene lěta nimale pozabyli.
Pohladnica wo Komorowje pola Rakec je z časa njeposrědnje do Druheje swětoweje wójny. Wona skedźbnja ze štyrjomi motiwami na čas před nimale sto lětami. Prěni raz bu Komorow 1374 pisomnje naspomnjeny. W běhu lětstotkow je wjes swoju přisłušnosć wjacore razy změniła. W 16. lětstotku bě Njeswačidłu přirjadowana a po sto lětach potom Rakecam. Po Wienskim kongresu 1815 bu prusko-sakska hranica połdra kilometra sewjernje wsy před Rachlowom zapołožena. Tehdyša hranica je tež dźensniša mjeza mjez gmejnu Rakecami a městom Kulowom. Hač do 1957 bě Komorow z Trupinom samostatna gmejna a bu po tym do Rakec zagmejnowany. Za swoju statistiku wo serbskej ludnosći je Arnošt Muka we wosomdźesatych lětach 19. lětstotka zwěsćił, zo njebě mjez 338 wobydlerjemi žadyn Němc. 1923 bu tam tež wotnožka Serbskeho Sokoła załožena. Hišće 1956 zwěsći Arnošt Černik 67 procentow serbskorěčneho podźěla. Zwostali su dźensa nic ani hišće dwacećo.
Hortski čas w prózdninach z wosebitostku
Prózdninske poskitki za Ralbičanske hortske dźěći zarjaduja so stajnje přez cyły dźeń. Z tym wobsteji móžnosć, zo so dźěći raz bjez čisća a chwatka do wšelakich temow zanurja. Nimo poskitkow w rumnosćach Ralbičanskeho horta poskićichu so dźěćom lětsa tři dny w Pančicach-Kukowje. W druhim prózdninskim tydźenju přebywaše tuž 30 hortowych dźěći w tamnišim Zežiwjenskim a zelowym centrumje.
Na prěnim dnju powědaše nam knjeni Meiserjowa wo stawiznach klóštra „Marijina hwězda“, wodźeše nas po Klóšterskej zahrodźe a pokaza nam wšelake zela. Zhonichmy, zo je kopřiwa hojenska rostlina lěta 2022, a zo nimamy ju doma w zahrodźe wotstronić, dokelž je jara hódnotna za naše domoródne mjetelčki. Nimo toho dawa wutki druhim rostlinam. Jako widźachmy płucnik praji Alexander, zo ma jeho dźěd problemy z płucami a zhonichmy, zo tute zelo wosebje při nazymnjenskich chorosćach pomha. Wosrjedź Klóšterskeje zahrody wuhladachmy mały štomik, kotryž su tam w juniju 2022
Witajće do šule !
Zo móhli waše mozy hižo
trochu trenować, stej Fiona Šraderec a Andreja Rabec
hódančko přihotowałoj.
Wjele wjesela přeje Wam Dźěćiznak.
11
10
9
8
6
3
4
7
5
2
1
1. słódne pječwo (za swjedźeń) 2. sad z bajki Sněholinki 3. nachribjetnik 4. woblubowana hrajka holcow 5. dźěl ze štoma 6. na tutu wěc wučer z krydu pisa 7. dźěćo, kotryž šulu wopyta 8. moluje kruhi 9. oranžojty sad 10. šěry-pisacy pisak 11. zešiwk
Witajće zaso do šule, rěka wot přichodneje póndźele.
Za nowe 1. lětniki wšak so jutře šula hižo započina,
hdźež dóstanu wězo cokorowu titu.
K zahajenju noweho šulskeho lěta přeje wam Dźěćiznak wjele wuspěcha,
wutrajnosć při wuknjenju a wjeselo ze sobušulerjemi.
A wězo wjeselu so nad wobrazami a rozprawami šulerjow,
kotrež chcemy na tymle městnje wozjewić.
Waš Dźěćiznak
Jeli pytane słowa 1–11
prawje zapisaće, wučitaće dar
k šulskemu zastupej.
Sportej zdar!
N a spočatku našeje rozprawy chcemy wam zdźělić, zo su sej naši starši zhromadne sportowanje cyle hinak předstajili. Što z tym měnimy, Wam hišće přeradźimy.
Móžemy wam rjec, zo běše to horce popołdnjo. Nic jenož po wjedrje, ale tež při wubědźowanju. Startowachmy popołdnju ze zhromadnej swačinu. Na wuběr
mějachmy słódny Zelnakec cokorowy tykanc, samopjećene mufinsy a čerstwy čaj. Naši starši popřachu sej dobru šalku kofeja. Jako woměrje dokusachmy, so wšitcy hižo na turněr wjeselachmy. Wosebita překwapjenka bě, zo wopyta nas serbski sportowc-triatlet Beno Šołta, kiž nas jako sudnik wubědźowanja přewodźeše. Z nim postajichmy mustwa a rozličichmy šulerjow a staršich. Tři mustwa, z wosebitymi mjenami, na kóncu wulosowachmy. Tak rěkachmy: „Wušikne wjewjerčki“, „Lesće liški“ a „Stare zajacy“.
Do prěnjeho zahwizdanja dyrbjachmy so sćoplić, zo
njebychmy naše myški a kosće zranili. Ruce kružić, noze přićahować a ćěło tam a sem pohibować běchu naše
woćoplenske komanda. Někotre mjeńšiny pozdźišo
Bananowy lo´d
Wažny pokiw! Jelizo składuješ sej lód,
dyrbiš jón sčasom z mróžaka wzać,
zo njeby lód překruty był.
Za štyri porcije trjebaš: 4 banany, 3 łžicy mloka nastroje:
kuchinsku mašinu za rozkuskowanje, šklu a mróžak Takle postupuješ: 1. Woběl banany a połož je přez nóc do mróžaka. 2. Wzmi banany z mróžaka a daj je do kuchinskeje mašiny. Přidaj mloko a zaswěć mašinu doniž maš maznu masu. 3. Móžeš bananowy lód hnydom jěsć abo składuješ sej jón za přichodnu party.
W tuchwilu
horcym lěću je kóžda zymna chłóšćenka lubje witana! Dźěćiznak ma za Was tule słódku ideju, kotruž je nam Klara Bjedrichec přeradźiła!
Njech wam zesłodźi!Chodźić přez sony – prozowa zběrkaBenedikta Dyrlicha „Na ...
Njedawno wuda Ludowe nakładnistwo Domowina prěnju ryzy serbsku prozowu zběrku basnika Benedikta Dyrlicha z titulom „Na motawych mjezach“.
Chce wšitkich do pytanja idejow zapřijeć
Wopyt pola intendanta Serbskeho ludoweho ansambla w Budyšinje
Na dworje Serbskeho ludoweho ansambla do lětneje přestawki hišće pilnje dźěłaja. Rjemjeslnicy su při plestrowanju. Bórze budu dźěła zdokonjane, a dwór serbskeje wuměłstwoweje institucije změje z mjeztym hižo natwarjenym wulkim nowym škleńčanym domom z baletnej a chórowej žurlu rjany powabny napohlad. Dnja 9. oktobra budźe tutón dom za ludnosć zjawnje wotewrjeny. Potom změje kóždy zajimc składnosć, sej přetwar a nowotwar wobhladać a jón wobdźiwać. Scyła w domje SLA, hdyž do njeho zastupiš, za renowěrowanjom wonja. Sćěny błyšća so přez jasnu běłu barbu. Maš zaćišć, jako by do domu zaćahnył čerstwy duch a kruta wola za pospyty, profil wuměłstwoweho ansambla wočerstwić, ponowić, z nowymi idejemi serbsku kulturu we Łužicy a zwonka njeje zjawnosći prezentować.
