Z wudaća: pjatk, 20 nowembera 2015

Tež Francoska naćisk rezolucije předpołožiła

Brüssel/Paris (dpa/SN/K). W belgiskej stolicy schadźuja so dźensa nutřkowni a justicni ministrojo statow EU, zo bychu hladajo na Pariske atentaty wo naprawach přećiwo terorizmej wuradźowali. Tak dźe wo skutkownišu kooperaciju kaž tež wo lěpši škit wonkownych hranicow zhromadźenstwa. Planowane tohorunja je, systematisce kontrolować tež staćanow EU při wupućowanju a připućowanju do krajow unije, zdźěla dpa.

Choćebuz (UL/SN). Lětuša „42. Choćebuzka hudźbna nazyma“ bu wčera z orchestrowym koncertom zakónčena. Zdobom wabješe zarjadownje ze swjedźenskim koncertom k 20lětnemu wobsta­ću studijneho směra instrumentalna a spěwna pedagogika Wyšeje šule Choćebuz-Zły Komorow. Z tym bu mnohostronske wukubłanje studentow na kwalifikowanych hudźbnych pedagogow hódnoćene. „Collegium musicum“ zahori pod nawodom prof. dr. Tibora Istvánffyja publikum w derje wopytanej koncertnej žurli Choćebuskeho konserwatorija. W srjedźišću stejachu tři praprem­jery. Wot Bernda Weinreicha zanjesechu hudźbnicy „Tři krótke uwertiry“ za smyčkowy orchester. Tu kaž tež při wšitkich dalšich poskitkach přeswědči orchester z preciznej interpretaciju po intensiwnym probowym dźěle.