Z wudaća: srjeda, 27 julija 2016

Wild und ungezügelt, direkt und kraftvoll – aber auch rebellisch, drastisch, aggressiv und provokativ wirken seine Bilder auf den Betrachter. Neoexpressionistisch nennen das die Fachleute und manche vergleichen den Stil von Thomas Kern mit dem des afroamerikanischen Künstlers Jean-Michel Basquiat. Der Schrecken spielt bei beiden eine Rolle. Abschrecken können die Bilder auch – so sagte 2011 ein Dresdener Hausbesitzer kurz vor der Eröffnung die Ausstellung von dekern – wie er sich mit Künstlernamen nennt – ab und ließ die 70 Arbeiten abbauen. Thomas Kerns Initiationsgeschichte ist die eines Autounfalls, der den damals Siebzehnjährigen ins Koma katapultierte – und ihm von da an unzählige innere Bilder bescherte. Exzessives Malen war die Folge und das bestimmt das Leben des 46-Jährigen bis heute.

Nowe delnjoserbske Spěwarske

Berlin/Choćebuz. „Tyca“ (tučel) je titul nowych Spěwanskich w delnjoserbskej rěči, zdźěli wčera Ewangelska cyrkej Berlin-Braniborska-šleska Hornja Łužica. Spěwnik, na kotrymž su pjeć lět dźěłali, wopřija 75 načasnych kěrlušow. Wuzwolili su je tež młodostni a wučerka nabo­žiny Choćebuskeho Delnjoserbskeho gymnazija.

Budu ranjenych lěkować

Praha. Čěske zakitowanske ministerstwo zdźěli, zo chce kóždolětnje 30 ćežko zranjenych z wukraja lěkować. Při tym mysla na ukrainskich wojakow, ranjenych we wojowanjach z proruskimi rebelemi, abo na Kurdow, potrjechenych w bojach z teroristiskej milicu Islamski stat. Kóšty transporta a lěkowanja jednoho ranjeneho wobličeja ze 40 000 eurami.

Mjenje motorskich znjezbožiło

Prózdninski modus hdys a hdys přetorhnyć

Wodowe Hendrichecy (SN/BŠe). W prózdninach swoju hłójčku trochu napinać a tole z modernymi medijemi zwjazać steješe wčera na planje rěčneho lěhwa Serbskeho šulskeho towarstwa we Wodowych Hendrichecach. Tam organizowaše Michał Cyž tak mjenowany geocaching. Prózdninarjo, rozrjadowani do skupin, mějachu z pomocu digitalnych nastrojow a koordinatow nadawki na cyłkownje třinaće stacijach spjelnić. „Dźěći móža tu swój prózdninski modus raz přetorhnyć“, rjekny Cyž. K tomu je sej tež wón hłójčku łamał a kreatiwne nadawki přihotował. Na stacijach su dźěći na přikład wšelake elementy kaž wodu, drjewo abo metal kombinowali, zo bychu nadawki skónčnje spjelnili. Nimo ručneho dźěła pak móžachu tež swójsku wumyslenu stawiznu jako film natočić. Swoju motoriku trenować móžachu na staciji sačkitykanja. Na kompjuteru měješe Michał Cyž motorisku hru přihotowanu. Z nadawkom pokład serbskeho krala namakać, spytaše organizator serbski kontekst zapřijeć.

Ducy do piwarnje na Misionskim dworje w Lěskej rěka při durjach čakać. Muž a žona njesu z njeje sud a nastroje k točenju piwa do awta. „To je w lětnim času nimale wšědnje tak. Ludźo sej sud kupja, zo bychu na swójbnych swjedźenjach měli wosebity regionalny napoj“, powěda piwarc Mirko Endt. Štóž nochce swoju chmjelowu brěčku doma pić, móže sej ju w pódlanskim abo wjacorych Drježdźanskich hosćencach słodźeć dać.

Njewjedro 23. meje je po cyłej Łužicy wjele škody zawostajiło. Tež Radworske Młynske chěže stejachu 20 centimetrow pod wodu a nowa kanalizacija bě dospołnje přećežena. Kak drje je k tomu dóšło, běše tema wčerawšeho schadźowanja Radworskeje gmejnskeje rady.

Radwor (SN/BŠe). Podawk, kajkiž dožiwichu wobydlerjo Łužicy kónc meje, njeje předwidźomny. W běhu jeničkeje hodźiny je so telko nadešćowało, kaž poprawom w běhu měsaca. „Tole je jenož po 99,99 procentach móžno“, potwjerdźi nawoda wopłóčkoweho zaměroweho zwjazka „Mała Sprjewja“ Andreas Skomudek wčera na posedźenju Radworskeje gmejnskeje rady. We wjacorych wjesnych dźělach gmejny, w Radworskich Młynskich chěžach, na Lilijowej dróze kaž tež w Boranecach, Chelnje a Lipiču, běše powodźenje njemałe.

Wot 25. junija su Wjenkec rěznistwo w Budyšinje renowěrowali, dźensa předstaji šef Roman Wjenk (srjedźa) ponowjeny wobchod zjawnosći. Mjez hosćimi běštaj tež rězniski mišter Christoph Eichler z Rózborka (nalěwo), z kotrymž Wjenkecy hromadźe dźěłaja. Nětko maja dwanaće kwadratnych metrow wjace ruma za předań. Tuž móža kupcam wosebje wjace přikuskow poskićeć. Tež Violu Urban (naprawo) to wjeseli. Wjenkecy su tež jako spěchowarjo a podpěrarjo serbskich zarjadowanjow znaći. Foto: Carmen Schumann

Budyšin (SN). „Lizka wjaza kózlika“ rěka nowa dźěćaca kniha, kotraž je wčera w Ludowym nakłdanistwje Domowina wušła. Měrka Mětowa wěnuje so we wobrazowej knižce temje, z kotrejž su tež dźěći dźeń a časćišo konfrontowane – swoje zwučene městno w mjezyčło­wjeskich poćahach spušćić a nowe namakać. Po tym zo je awtorka knize za starše dźěći spisała, wěnuje so wona nětko dźěćom prěnjeje čitanskeje staroby a młódšim. Ilustracije je Cleo-Petra Kurze zhotowiła. Nowostka hodźi so tež jako darik šulskim nowačkam.

Sernjančenjo móža so wjeselić, zo přistajeni Hórčanskeje Wehnertec dróhotwarskeje firmy k wjesnemu swjedźenjej, kotryž so tutón kónc tydźenja w delanskej wsy wotměje, dźěła při ponowjenju mosta nad Klóšterskej wodu zakónča. Wjacore měsacy bě tale dróha přez Sernjany zawrjena a dyrbjachu wobchad po dlěšim wokołopuću přerjadować. Foto: Feliks Haza

Pjaty tydźeń wotměwa so při Němskopazličanskim wulkohaće prózdninske dyrdomdejske lěhwo. Biskopičanska syć za dźěćace a młodźinske dźěło je tam wjacore přechody organizowała.

Němske Pazlicy (SN/mwe). „Nam je wažne, zo so dźěći a młodostni tež kreatiwnje zaběraja. Skićimy jim nimo dyrdomdejskeje zaběry kaž krosnowanja w Sakskej Šwicy abo padlowanja po Sprjewi tež móžnosće, wšelake ručne dźěła wuspytać“, zdźěli sobudźěłaćerka syće Birgit Pietrobelli našemu wječornikej. Tak su sej holcy a hólcy sami drjewjane łžicy wurězbowali, wšelake wudźěłki kowali a so tež z płatom a módroćišćom zaběraja. Nazhonići fachowcy jich přewodźeja pokazujo jim wšelake rjemjesła.

Za wobdźěłanje ma wokrjes přemało ludźi a pjenjez k dispoziciji

Budyšin (SN/mwe). Zjednorjene noworjadowanske jednanje ležownosćow w Budyskim wokrjesu – konkretnje w kónčinach wokoło Pančic-Kukowa, Ralbic, Prěčec, Porchowa –, kotrež měli poprawom hižo loni zakónčene być, dale traja. To wobkrući Serbskim Nowinam nowinski rěčnik krajnoradneho zarjada Gernot Schweitzer. Dale wón zdźěli, zo we wobłuku noworjadowanja honow tuchwilu 30 jednanjow po zakonju k wurunanju ležownosćow (FlurbG) a něhdźe 70 jedna­njow po ratarskopřiměrjenskim zakonju (LwAnpG) wobdźěłuja. Při tajkej procedurje pak ma krajnoradny zarjad personal a financne resursy jenož we wobmjezowanej měrje k dispoziciji. Dokelž njemóža tak wšitke naležnosće ze samsnej itensitu wobdźěłać, dyrbjachu w krajnoradnym zarjedźe priority po­stajić.