Pjatk 23.-25.9. Piwarniski swjedźeń w Kulowskej piwarni
Sobotu 24.9. - 6.11. 15. łužiske rybowe tydźenje
9:00 Přirodny a rybowy swjedźeń w Rěčicach
10:00 Dźeń wotewrjenych duri w Budyskim zawodźe Bombardier
10:00 Dźeń wotewrjenych duri w Kamjenskej chorowni maltezow swj. Jana
10:00 Dźeń wotewrjeneho twarnišća w bywšej Njeswačanskej šuli
14:00 Superkokot w Běłej Górje
18:00 Swjedźenske zarjadowanje k 70lětnemu wobstaću Złokomorowskeho Noweho jewišća
18:30 Komorny koncert w Budyskim Serbskim muzeju
19:00 Kulturna župna kermuška w Chrósćicach
Njedźelu 25.9. 9:30 Dworowy swjedźeń na Rownjanskim Njepilic statoku
9:30 Serbsko-němske kemše w Bukecach
14:00 Nyšpor domchowanki z požohnowanjom konjacych zapřahow w Chrósćicach
17:00 Swjedźenske zarjadowanje interkulturneho tydźenja w Budyskim NSLDź
17:30 Předstajenje „Zhubjene a namakane: Ein Herz und andere Dinge“ w Němsko-Serbskim ludowym dźiwadle Budyšin
18:00 20. chórowy koncert Katolskeho tachantskeho chóra w Budyskej tachantskej cyrkwi
Póńdźelu 26.9. 10:00 Swjatočnosć k 25lětnemu wobstaću Křesćansko-socialneho kubłanskeho skutka w PančicachKukowje
Dumpery so wubědźuja
W Baćonju wubědźuja so sobotu a njedźelu zaso dumperowcy a dorostowi piloća na liliputach. Sobotu přewjedu tam wot 11 do 12 hodź. kwalifikaciske běhi a wot 15 hodź. finalne běhi wo Němske dumperowe mišterstwa 2016. Wokoło 17 hodź. mytuja dnjowych dobyćerjow, wot 19 hodź. němskeho dumperoweho mištra a najlěpše mustwo lěta. Hódnoćenje jednotlicow nawjeduja do poslednjeho běha Filip Kral (76 dypkow), Markus Donat a Frank Domš (wobaj 56 dypkow). Njedźelu wot 10 hodź. wotměja w Baćonju regionalne wubědźowanje a wot 14 hodź. popołdnjo za dźěći, kotrež móža so wězo tež z liliputami wubědźować.
Wokoło Butroweje hory
150 wobdźělnikow je so za jutřiši 16. běh wokoło Butroweje hory w Biskopicach přizjewiło. Sportowe towarstwo TV 1848 Biskopicy běh zarjaduje.
Motocross na Kaponicy
Při miłym septemberskim wjedrje podachu so wuměnkarjo SŠT na swoju dnjowsku kubłansku jězbu přez Běłu Wodu a Żary do Zieloneje Góry. Prěnje słowjanske sydlišćo bu tam pozdatnje w 10. lětstotku załožene. Měšćanske prawo bu jemu hakle 1323 spožčene. Zielona Góra je znata jako město wina. Prěnje pisomne naspomnjenje wo plahowanju wina pochadźa tam z lěta 1314.
Na spočatku wobhladachmy sej Palmowy dom, hdźež rostu mnohe eksotiske rostliny, předewšěm palmy. Z terasy na třěše škleńčaneho twarjenja mějachmy wulkotny wuhlad na panoramu města a na wokolinu.
Z młodym pólskim přewodnikom podachmy so do srjedźišća Zieloneje Góry. Nimo radnicy a dalšich historiskich twarjenjow wobhladachmy sej tam wot lěta 1746 do 1748 twarjenu tykowanu cyrkej, w kotrejž chowaja so mnohe drohoćinki. Konstrukcija Božeho domu dopomina na sławnu měrowu cyrkej w Świdnicy. Cyrkej bu, runje tak kaž konkatedrala swj. Jadwigi, dokładnje restawrowana.
Choćebuz (SN/MiR). Šula za delnjoserbsku rěč a kulturu Choćebuz swjeći tele dny žadny jubilej. Z konferencu póndźelu, 26. septembra, wot 15 hodź. na žurli Choćebuskeje radnicy chcetej šula a župa Delnja Łužica na to skedźbnjeć, zo přewjeduja so rěčne kursy delnjoserbšćiny mjeztym 65 lět. Dr. Pětš Šurman ze Serbskeho instituta přednošuje tam wo stawiznach tychle kursow.
„Nadźijam so póndźelu na mnohich, kotřiž su so něhdy na jednym z kursow delnjoserbšćiny wobdźělili abo je nawjedowali“, měni nawodnica kubłanišća Marja Elikowska-Winklerowa, „wosebje wćipna sym na tych, kotřiž su z Hornjeje do Delnjeje Łužicy přišli, zo bychu tule delnjoserbšćinu wuknyli. Wjacori z nich su so po kursu zaso do swojeje domizny nawróćili.“ Jara zajimuje so nawodnica šule za dopomnjenki wobdźělnikow a za dokumenty, kotrež móža ludźo tež do Choćebuskeho kubłanskeho zarjadnišća słać. Wšako je so tójšto originalnych wobrazow w běhu lět zhubiło abo zničiło.
Hamor (AK/SN). Derje wobsadźena budźe lětuša 19. mjezynarodna łužiska rallye Powšitkowneho němskeho motorsportoweho zwjazka (ADMV) wot 27. do 29. oktobra. „Dotal je 70 jězdźerjow z cyłeho swěta přizjewjenych. Smy zajimawe a wotměnjawe hódnoćenske pruwowanja podłu 180 kilometrow dołheje čary zestajeli. Tři štwórćiny pojědu awta po šćerku, jednu štwórćinu po asfalće“, praji předsyda Łužiskeho rallyejoweho a wubědźowanskeho towarstwa Wolfgang Rasper jako wuhotowar.
Mjez wobdźělnikami budźe znaty łužiski jězdźer Matthias Kahle. Dale startuja wobdźělnicy z Norwegskeje, Danskeje, Nižozemskeje a z dalšich krajow. Woni změja sydom hódnoćenskich pruwowanjow mjez druhim w Mułkecach, Sprjowjach a Krynhelecach zmištrować, a to dwójce. Wosebita atrakcija za přihladowarjow budźe po słowach Raspera puć wokoło Bjerwałdskeho jězora. „Wón budźe spěšny, wuski a z tójšto křiwicami. Dobre tři kilometry z toho powjedu po šćerku, zbytk po asfalće.
Lipsk. Serbja w Lipsku a wokolinje njech njeskomdźa přichodne serbske blido. Zajimcy zetkaja so wutoru, 27. septembra, w 19 hodź. w kofejowni Grundmann na Bebelowej 2. Organizatorojo wjesela so na prawje wjele wopytowarjow.
Zhromadnje hriby pytać
Kulow. Składnostnje prěnjeho europskeho dnja hribow přewjedźe Herbert Schnabel z Kulowskeje skupiny NABU jutře, sobotu, hribowu ekskursiju. Wobdźělnikam chce wón zajimawostki wo prawakach a kozakach rozłožić. Nimo toho wón pokaza, kotre dalše su jědźne hriby. Zajimcy zetkaja so w 9 hodź. na parkowanišću při Kulowskej kupjeli. Wobdźělenje płaći dwaj euraj.
Porěči wo rěči
Budyšin. Přichodne zarjadowanje Budyskeho kluba wuchowarjow rěče wotměje so wutoru, 27. septembra. W Budyskim hosćencu Sprjewina pensija porěči wot 19 hodź. dr. Peter Ulbrich na temu „Rěč w zwjazkowej republice“. Wšitcy zajimcy su witani, zastup je darmotny.
Ryba a přiroda
Pjenježny awtomat rozbuchnyli
Grodk. Z brachialnej namocu su njeznaći dźensa w nocy na Drježdźanskej dróze w Grodku pjenježny awtomat Commerzbanki rozbuchnyli. Krótko do 2.30 hodź. bě tam wulki wrjeskot słyšeć. Na to wuhlada předawarka pjekarnje na tamnym boku puća dwě wosobje ćeknyć. Awtomat je dospołnje skóncowany, hač su so z njeho tež pjenjezy zhubili, njeje znate. Po wšěm zdaću su skućićeljo do toho na pjenježnym awtomaće lutowarnje zwrěšćili. Jón běchu tohorunja wočinić spytali.
Spěchowanje přizwolene
Budyšin. Towarstwo „Witajće do Budyšina“ je wot Zwjazkoweho integraciskeho zarjada přizwolenje za znajmjeńša třilětny spěchowanski projekt zapřijimanja migrantow w Budyskim wokrjesu dóstało. Zaměr projekta je integraciju migrantow do towaršnosće polěpšić. Po cyłej Němskej smě so 14 organizacijow nad tajkim spěchowanjom wjeselić.
Wuměnjenja wučerjow polěpšić
Kamjenica. Zwjazk wučerjow Sakskeje sej wot swobodneho stata žada, so jasnje k tomu wuznać, zo stanu so wučerjo ze zastojnikami. Nimo toho maja so dźěłowe wuměnjenja na šulach polěpšić. Tak móhło so wjace wučerskeho dorosta za šule w Sakskej zdobyć. Tuchwilna praksa, zo njejsu sakscy wučerjo zastojnicy, wučerski dorost skerje wottraša, kaž w poziciskej papjerje zwjazka rěka.
Statny sekretar w gymnaziju