Z wudaća: wutora, 25 julija 2017

Pjata stacija bičwolejbuloweje tury serbskeho młodźinskeho sćelaka Radijo Satkula wjedźeše zajimcow wčera na Pančičansko-Kukowske sportnišćo. Tam bě mustwo Dwójna nula samo dwě hrajnišći přewostajiło. 16 cyłkow so najebać dešć wobdźěli, z toho štyri z Pančic-Kukowa samych. Turněr doby zaso Dwójna nula II. Team hosćićelow přewiny w finalu mustwo Mixery, hru wo třeće městno dobychu Micki z kocorom přećiwo Nukničanam. Foto: Gloria Žurec

Marian Žur z Lejna a Beno Šołta z Miłoćic – čłonaj triteama Serbja – wobdźělištaj so wčera na 34. Lipšćanskim triatlonje. Při perfektnych wuměnjenjach staj wobaj swój wosobinski čas w Lipsku polěpšiłoj. Do wjacorych ćežkich kolesowarskich njezbožow pak wobaj na zbožo zaplećenaj njeběštaj. Dalše wubědźowanje za sportowcow triteama Serbja budźe 26./27. awgusta we Łazu na a při Třižonjanskim jězoru. Tam wotměje so potom triatlon KnappenMan. SN

W najwyšej lize Zapadołužiskeho koparskeho zwjazka změjemy skónčnje zaso serbski derby. Tež na dalše prestižne duele móža so fanojo kopańcy wjeselić. We wokrjesnej lize stafli II budu na serbskich sportnišćach tohorunja wo kóždy bul wojować. Tule mały přehlad wo serbskich a dalšich koparskich derbyjach w sezonje 2017/2018.

Wokrjesna wyša liga

16.9.17 15:00 hodź. Kulow

   – Ralbicy/Hórki

22.10.17 15:00 hodź. ST Radwor

   – ST Rakecy

3.12.17 13:30 hodź. Ralbicy/Hórki

   – ST Radwor

9.12.17 13:30 hodź. ST Rakecy

   – Ralbicy/Hórki

18.3.18 15:00 hodź. Ralbicy/Hórki

   – Kulow

21.4.18 14:00 hodź. ST Rakecy

   – ST Radwor

10.6.18 15:00 hodź. ST Radwor

   – Ralbicy/Hórki

16.6.18 15:00 hodź. Ralbicy/Hórki

   – ST Rakecy

wokrjesna liga, stafla II

27.8.17 13:00 hodź. ST Mar. hwězda      – SJ Chrósćicy II

1.10.17 13:00 hodź. ST Mar. hwězda      – SJ Njebjelčicy

29.10.17 14:00 hodź. SJ Njebjelčicy

   – SJ Chrósćicy II

3.12.17 13:30 hodź. Němske Pazlicy     – SJ Njebjelčicy

25.2.18 12:00 hodź. SJ Chrósćicy II

   – Mar. hwězda

8.4.18 15:00 hodź. SJ Njebjelčicy

   – Mar. hwězda

6.5.18 13:00 hodź. SJ Chrósćicy II

   – SJ Njebjelčicy

10.6.18 15:00 hodź. SJ Njebjelčicy

   – Něm. Pazlicy

Jurij Bjeńš

Denny Kral, čłon Serbskeje koparskeje wubranki, je koparski abejcej w Sportowej jednotce Njebjelčicy a pola Budissy Budyšin nawuknył. Rodźeny Njebjelčan wosta Łužicy tež po tym swěrny a wuwi so w rjadach muži pola Budissy k stajnemu hrajerjej. Před lětom dźěše wón w regionalnej lize k FC Hornjej Łužicy Neugersdorf, wottam před někotrymi tydźenjemi pak k ZFC Meuselwitzej. Tójšto fachowcow na polu kopańcy so krokej serbskeho koparja dźiwa. Tak tež Tadej Cyž z Njebjelčic, kiž je so z Dennyjom Kralom za naš wječornik rozmołwjał.

Dennyjo, w Neugersdorfje sy minjenu sezonu nimale wšitke winowatostne partije za FC Hornju Łužicu Neugersdorf (FCO) wotměł a sy tam jedyn z wukonosylnych koparjow był. Čehodla njejsy pola FCO wostał?

D. Kral: Chcu hišće dalši krok doprědka hić, so wosobinsce dale wuwić a na kóždy pad z přećelku hromadźe ćahnyć. Tohodla njejsym so wjace za Hornju Łužicu rozsudźił.

Nětko dźeš potajkim k ZFC Meuselwitzej. Sy tež kontakt k wyšoklasowym mustwam měł, na přikład w třećej lize?

D. Kral: Ně, naprašowanja k wyšoklasowym mustwam žane njemějach.

Wjesny swjedźeń w delnich Sulšecach zahajichu minjeny pjatk z hašenskim wubědźowanjom wobornikow, kotřiž su starši hač 40 lět. Wobdźěliło je so wosom cyłkow. Dobyli su kameradojo dobrowólneje wohnjoweje wobory Konjecy-Šunow před hosćićelskimi wobornikami ze Sulšec a mustwom z Brěžkow. Po žiwjenskich lětach najstarše zastupnistwo wšak bě z dohromady 407 lětami te z Kulowa (na wobrazu při hašenju). Wone měješe z 73 lětami tež najstaršeho wobornika w swojich rjadach. Foto: Heinz Hirschfeld

Bonn (B/SN). Wobě wulkej cyrkwi w Němskej běštej we wobłuku wjerška G 20 namołwjałoj k měrliwym a konstruktiwnym protestam. Kritika na politice G 20 je trěbna, rjeknyštaj předsyda Němskeje biskopskeje konferency, kardinal Reinhard Marx, a bayerski ewangelski krajny biskop Heinrich Bedford-Strohm. Mnohe kraje hroža, zo njepřewozmu hižo zamołwitosć za derjeměće swěta. Rosćaca njerunosć pak swětowu stabilitu wosłabja. Zo je k eska­laciji dóšło, biskopaj raznje zasudźataj.

Wo awtonomnych systemach

Žana wulka woda

Drježdźany. Najebać dlěje trajacy dešć njeje staw wody w sakskich rěkach dramatisce přiběrał. Někotre pódlanske rěki hornjeho Łobja mějachu drje dźensa rano wjace wody hač hewak, akutneho wohroženja pak njebě, wobswětowe ministerstwo na swojej internetnej stronje zdźěla. Jutře ma so po informacijach wjedrarjow zaso jara dešćować. Potom móhł strach wulkeje wody přiběrać.

Padustwa sadu přiběraja

Podstupim. Braniborscy plahowarjo sadu bědźa so přiběrajcy z padustwami na plantažach. Paduši měrja so na jabłuka, holanske jahody a wišnje, zo bychu je sami přetrjebali abo na wikach předawali, informuje rěčnik Berlinsko-braniborskeho zahrodniskeho zwjazka. Lětsa je to ćim bolostniše, dokelž maja sadowcy nalětnich zmjerzkow dla mjenje płodow.

Čěska chce Libyskej pomhać

Tysacy dowolnikow přebywaja kóžde lěto w Delnjowujězdźanskim safarijowym rewěrje. Na něhdźe 130 hektarach płoniny maja tam 300 zwěrjatow. W lěće 2001 su dźěło w parku z runje 30 skoćatami zahajili. Wjacore družiny jelenjow, muflony, kenguruwy a dalše dźiwje zwěrjata móžeš tam dožiwić. Wo jich derjeměće stara so mjez druhim dr. Dietgard Eichhorst. Foto: Martina Arlt

Lubin (SN/BŠe). Žně jedneje z najznaćišich družin zeleniny – kórkow – su dawno zahajene. Wot kónca junija ratarjo w Błótach woblubowany wudźěłk domchowaja, štož traje něhdźe dźesać tydźenjow. Hišće nalěto pak bě połoženje na polach skerje dramatiske a pokazowaše na snadny wunošk. W aprylu běchu kórkowe rostliny na něhdźe 40 procentach płoniny zmjerznyli, tak zo dyrbjachu tam hišće raz sadźeć. Z blakami bě samo 80 procentow rostlin zwjadnyło. Rjane wjedro w meji kaž tež dobre nazhonjenja ratarjow nastupajo škit młodych sadźenkow su k tomu přinošowali, zo móžachu so rostliny derje wuwić.

Lětsa plahuja w Błótach kórki na 490 hektarach. Tale přestrjeń wšak dale a bóle woteběra. Hišće před někotrymi lětami bě to mjenujcy wjac hač 600 hektarow. Něhdźe 3 000 ludźi pomha kórki sobu žnjeć a předźěłać. Ratarske zawody liča ze 34 000 tonami, štož wotpowěduje něhdźe lońšemu wunoškej.

Jědnaće gmejnow w Budyskim wokrjesu nima hišće schwaleny etat

Budyšin (SN/at). Zdźěłać zahajensku bilancu za přestajenje na knihowanski system doppik někotre komuny jara poćežuje. To dźe samo tak daloko, zo njejsu tohodla někotre gmejnske parlamenty dotal etatowe wustawki za lěto 2017 wobzamknyć móhli. Wuměnjenje za tele wustawki je wot prawniskeho dohlada, to rěka wot krajnoradneho zarjada, wobkrućena zahajenska bilanca.