Wotmołwa knježerstwa na naprašowanje zapósłanca diskusiju zbudźiła
Budyšin/Drježdźany (SN/mb). Na prěni pohlad je Budyski zapósłanc krajneho sejma Frank Peschel (AfD) ličby kaž bombu wotkrył. W aktualnym małym naprašowanju sakskemu knježerstwu je so wón mjez druhim za wupadom wučbnych hodźin na šulach regiona zašłe lěta wobhonił. Nimo toho je so njewobsadźenym dźěłowym městnam wučerjow a časam chorosće w kolegijach wěnował. Wšě ličby z wotmołwy kultusoweho ministra Conrada Clemensa (CDU) su pod čisłom 8/3722 ćišćenki w dokumentaciskim systemje „edas“ krajneho sejma online přistupne. W srjedźišću zjawneje kedźbnosće steja ličby za předmjetaj němčina a serbšćina na zakładnych šulach, porno wyšim šulam a gymnazijam relacija wupadow tule wusahuje.
Budyšin (SN/bn). „Móžeš so jeno dźiwać, kak aktualna tale fabula nadal je“, zahaji wudawaćelka Lubina Hajduk-Veljkovićowa wčerawšu knižnu premjeru serbskeho přełožka klasikarja Georgea Orwella „Animal farm abo hotowe swinstwo“ w połnje wobsadźenej Smolerjec kniharni. Do poprawneho předstajenja publikacije, wušłeje w Lipšćanskim nakładnistwje Veles, gratulowaše wona přepodawši kwěćel nawjednicy předawanišća Annett Šołćic, kotraž mjeztym „40 lět literaturu posrědkuje“. Dale dźakowaše so Martinej Holanskemu za zeserbšćenje fabule a Isy Bryccynej za wuhotowanje, wuměłči Siggiko za ilustracije, Boženje Braumanowej za lektorizowanje kaž tež Julianje Rehnolt za dosłowo noweje knihi. Nimo toho wuzběhny spěchowanje ze stron Załožby za serbski lud, kotremuž běchu so někotři čłonojo pjenjezy přizwolaceho gremija dosć wutrajnje spjećowali. Přiwšěm njeje wěsta njewola, kontrowersny, originalnje w lěće 1945 wozjewjeny roman wudawać resp. spřistupnjeć, nowa. ...
Mały derby w KulowjeMały koparski derby mjez hrajnymaj zjednoćenstwomaj Kulow II/Wóslink/Skaskow a Ralbicy/Hórki II/Marijina hwězda II přewjedźe so jutře w Kulowje. Hosćo su dotal z dwěmaj dobyćomaj do sezony startowali, hosćićeljo z poražkomaj a dobyćom. Po tym wočakuje w Kulowje tamniše prěnje mustwo hosći z Bukec.13.09. 13:00 HZ Kulow II – HZ Ralbicy II/Pančicy II13.09. 14:00 Biskopičanske KT 08 – Germania Halberstadt13.09. 15:00 Módro-běli Kulow – Zeleno-běli Bukecy14.09. 12:30 SJ Chrósćicy II – Wojerowski FC II14.09. 15:00 SJ Chrósćicy – Wachau14.09. 15:00 SG Großnaundorf – Sokoł Ralbicy/Hórki14.09. 15:00 Bretnig-Hauswalde – ST Marijina hwězda14.09. 15:00 ST Radwor – FC Łužica14.09. 15:00 SJ Njebjelčicy – HZ Arnsdorf IIMěšćanski běh w Budyšinje
Wulka radosć na 800lětnym jubileju a na wjacorych premjerachPřed dwěmaj tydźenjomaj su w Pěskecach jubilej 800. róčnicy prěnjeho naspomnjenja wsy woswjećili. Milenka Rječcyna je so ze Sabinu Žurowej, kotraž słuša do kruha přihotowarjow swjedźenja, rozmołwjała.Kotry woznam ma za Was lětuši swjedźeń k jubilejej prěnjeho naspomnjenja wsy Pěskecy před 800 lětami?S. Žurowa: Tónle wjesny swjedźeń bě jubileja dla cyle wosebity. A tež městnosć swjedźenišća wosrjedź wsy bě hinaša. Smy dźakowni za zmištrowanje wužadanjow kaž tež za premjerne překwapjenki. Tak smy z wjesnjanami a hosćimi na wurjadne wašnje swjećić móhli. Naši wobydlerjo su dopokazali, zo móžemy so jedyn na druheho spušćeć. Nichtó njeda so dołho prosyć, hdyž dźěło do rukow hlada. Myslu, zo tale dobra zhromadnosć našu wjesku wučinja a to přez wšitke generacije. Naš recept je, zo za jedyn postronk ćehnjemy. Nam je so tójšto radźiło, dokelž běchu wšitcy wobdźěleni a to w přihotach na swjedźeń a tež při swjedźenju samym.Je so ...
W Chile su wčera 52. róčnicu krawneho wojerskeho puča a z tym zwjazane wopory wopominali. 11. septembra 1973 bě general Augusto Pinochet w nadawku ameriskeje CIA a z pomocu wójska demokratisce wolene knježerstwo z prezidentom Salvadorom Allende na čole powalił. Po tym su tysacy demokratow zajeli, krjudowali a 3 000 z nich zamordowali. Wobraz pokazuje demonstraciju we Valparaisu, hdźež běchu wojacy swój čas wosebje brutalnje zachadźeli. Foto: dpa/Cristobal Basaure Araya
Jubilejny koncert dorostaKamjenc. We wobłuku 800. měšćanskeho jubileja Kamjenca wuhotuje towarstwo Ostsachsen wechselt jutře, sobotu, „Trojonarodny młodźinski koncert dujerskeje hudźby“ na tamnišim Šulskim naměsće. W 16 hodź. zahraja Dechový orchestr ZUŠ Chlumec nad Cidlinou (Čěska), Zrazkowyij Dytiachyik Duchowyij Orkestr Smyha (Ukraina) a Młodźinski dujerski orchester Budyšin „hudźbu, kotraž swět zwjazuje“. Zastup je darmotny.Prapremjera opery „Krabat“Zhorjelc. We wobłuku Łužiskeho festiwala předstaji Gerharta Hautmannowe dźiwadło Zhorjelc-Žitawa jutře, sobotu, prapremjernje operu za swójby „Krabat“ Mariusa Felixa Langeho. Hudźbny nawod wukonja Roman Brogli-Sacher, režiserka je Rebekka Stanzel. Předstajenje wotměje so na jewišću Zhorjelskeho dźiwadła a započnje so w 19.30 hodź. Zastupne lisćiki płaća znajmjeńša 5 a maksimalnje 37 eurow.Zakónča sezonu po přećach
We Wojerecach znowa wo koncepće drobnowikowanja diskutowaliWojerecy (KD/SN). Maja w bywšim Wojerowskim bydlenskim kompleksu IX blisko zwjazkoweje dróhi B 97 zaso bydlenja za něhdźe 250 ludźi a nakupowanišćo „Nowa Kinajchtska hola“ nastać? A što woznamjenjeja 4 000 kwadratnych metrow wjace předawanskeje płoniny za nakupowanišćo Treff 8 napřećo klinice Łužiska jězorina a za tamne měšćanske nakupowanišća? Z tutymaj a z dalšimi prašenjemi zaběra so koncept drobnowikowanja, kiž je město loni zhotowić dało. Zdźěłałoj stej jón poradźowanskej předewzaći Drees & Sommer a BBE. Minjene dny su druhi raz z wobydlerjemi wo tym diskutowali.
Radwor (SN/MiP). Na zahrodźe hnydom zady twarjenja, w kotrymž ma Radworski Serbski eksperiMINT campus swoje doma, ma wona nastać: zahroda wědy. Hišće tam jenož łuku, kerčinu a njerodź wuhladaš, „to pak chcemy bórze změnić“, praji Raimo Stirner, nowy projektny sobudźěłaćer towarstwa Staršiska iniciatiwa Radwor. Čłonojo towarstwa běchu před třomi lětami ideju Serbskeho eksperiMINT campusa zrodźili a zrealizowali.
„Prózdniny su čas kisałych kórkow – to so čěsce runje tak kaž serbsce praji.“ Z tutej sadu sym swoju kolumnu loni w žnjencu zahajił, ale lětsa sym sej wuwědomił, zo prózdninski čas hižo dlěje hač tři lěta jako bjezstarostny hódnoćić njemóžemy. Wothladajo wot domjacych problemow widźimy a čitamy mjenujcy kóždy dźeń w medijach nowe informacije, kelko mortwych zaso w Ukrainje abo w Gazy je, štó je što roztřělał abo kak so bojowa fronta dale wuwiwa. Tole wšitko wupada kaž nowostka, ale bohužel smy w Europje zabyli, zo smy jara podobne powěsće wo „našich“ słowjanskich abo muslimskich krajach hižo w 1990tych lětach čitali. Tehdom je so na juhu našeho zemjedźěla wojowało, na Balkanje (hdźež je tamniša Bosniska woprawdźe hižo lětstotki naša tradicionalna europska muslimska a słowjanska wokolina).
