Bautzen/Crostwitz/Ralbitz (SN/JaW). Der Einsatz der sorbischen Herren-Nationalauswahl bei der Fußball-Europameisterschaft der nationalen Minderheiten im Juni im italienischen Südtirol ist nicht gefährdet. Das bestätigten auf Anfrage unseres Abendblattes mehrere sorbische Verantwortliche für die Vorbereitung der Europeada 2016. Wie Clemens Schkoda vom geschäftsführenden Vorbereitungsausschuss mitteilte, suchen die Verantwortlichen gemeinsam mit den beiden Trainern der Herrenmannschaft und den Sportvereinen Crostwitz und Ralbitz nach einer Neuregelung des Transports der sorbischen Sportler nach Italien. Grund dafür ist das Finale im Kreispokal, das sowohl die SG Crostwitz als auch der DJK Sokol Ralbitz/Horka erreicht haben. Die Schwierigkeit daran ist der Termin des Finalspiels. Dieser wurde für den 18. Juni in Großdubrau bestimmt, was mit der Eröffnung der 3. Fußball-Europeada in Südtirol auf ein Datum fällt. „Wir wissen noch nicht, wie viele Spieler es betrifft.
Do mnohich mejemjetanjow minjeneho kónca tydźenja je so tež te w Němcach zarjadowało. Tam bě to wobstatk wulkeho wjesneho swjedźenja, kotryž wopřiješe hišće tójšto dalšich dypkow.
Němcy (UH/SN). Tradicionalne wjesne swjedźenske hry su w Němcach stajnje jedyn z wjerškow w běhu lěta. Runje tak wupruwowany kaž wuspěšny recept je přikładne zhromadne dźěło wjesneho kluba z młodźinu, dobrowólnej wohnjowej woboru kaž tež z mnohimi dobrowólnymi pomocnikami. Tole podšmórny na kromje swjedźenja zastupowacy nawoda wjesneho kluba a swjedźenski moderator Handrij Korch.
Nimo zwučenych programowych dypkow Němčenjo rady tež raz něšto noweho wuspytaja. Lětsa běchu to žortne wubědźowanja towarstwow pjatk wječor k zahajenju swjedźenja. Za dwanaće wobdźělenych mustwow wumyslichu sej mały kwis wo wjesnym žiwjenju a hry, při kotrychž bě wušiknosć prašana. Jako najlěpše wopokaza so wětrnikowe towarstwo. Zo móžachu dobyćerjam jednotliwych wubědźowanjow atraktiwne myta přepodać, je zasłužba nimale 60 sponsorow, so Handrij Korch wjeseleše.
Pytaja pomocnikow
Budyšin. Rěčny centrum WITAJ pyta serbskich młodostnych, kotřiž bychu dwaj tydźenjej prózdninske dźěło w někotrych wuzwolenych pěstowarnjach wukonjeli. Jich nadawk je, so z dźěćimi serbskeje skupiny w serbskej rěči zaběrać. Dźěło budźe płaćene. Zajimcy, starši hač 16 lět, njech so hač do pjatka, 10. junija, w RCW pod telefonowym čisłom 035796 / 550 400 přizjewja.
Jutře hraje wubranka muži
Njebjelčicy. Serbska koparska wubranka muži testuje swoju formu jutře wječor zjawnje w Njebjelčicach přećiwo krajnemu ligistej z Kamjenca. Zakop hry je we 18.30 hodź.
Měnjensku bursu rostlin chcedźa na kóždy pad wospjetować
Miłoćicy (HS/SN). Přewšo zadanił je so wopyt prěnjeje měnjenskeje bursy rostlin minjenu sobotu při Miłočanskej skale. Tam běchu so čłonojo towarstwa Kamjenjak kaž tež Njebjelčanskeho domizniskeho a kulturneho towarstwa na tele zarjadowanje derje přihotowali a poskićachu wulku ličbu korjeninowych a zeleninowych rostlin, zo bychu je z druhimi měnjeli. Někotryžkuli wopytowar bě hižo w měrcu na měnjenskej bursy za symjo w Njebjelčicach pobył. Nětko přinjesechu woni zbywace rostliny ze swojeje zahrodki. Mjez nimi běštaj Christina a Beno Čornakec z Chrósćic. Jeju mjedonka je tež lětsa zaso chětro narostła. Někotre jeje wubitki je sej Rynčec swójba z Wojerec sobu wzała a chce je nětko w swojej zahrodce w Nižej Wsy zesadźeć.
Koćina (UH/SN). Lětnje wjedro bě zawčerawšim runje prawe za wulke burske wiki na terenje Koćinskeho zawoda Krabatowy mlokowy swět. Tam bě składnosć, zbližić sej posłužby a wudźěłki něhdźe 70 direktnych zwičnjerjow z hornjołužiskeho regiona a tež wot druhdźe. Hač do pózdnjeho popołdnja bě nawal ludźi hoberski. To njezwjeseli jenož jednaćela mlokoweho swěta Tobiasa Kockerta, ale tež wobdźělenych akterow kaž Worklečanskeho rězniskeho mištra Gerata Wałdu. Pola njeho móžachu sej wopytowarjo čerstwje grilowanu twarožkowu praženu kołbasku słodźeć dać. „Tale najnowša specialita je w kooperaciji našeho rěznistwa a Koćinskeho ratarskeho zawoda nastała“, rěznik rozłoži. Za kołbasku wužiwaja hejdušny twarožk, dokelž tón tak spěšnje njerozběži a spožča kołbasce wosebity słód.
Zo móhli kupcy mnohostronskosć regionalnych wudźěłkow spóznać, wutworjeja mjez producentami syće, kotrež móža so na tajkich burskich wikach prezentować. „Njeńdźe wo to, prawje tunje wudźěłki poskićeć, ale ludźom hódnotu žiwidłow wuwědomić“, wuzběhny Tobias Kockert.
Kuču pokradnyli
Klóšterska Nowa Wjes. W Hornjej Łužicy kopja so po wšěm zdaću padustwa z konjencow jěchanskich towarstwow a dalšich zjednoćenstwow. Najnowši tajki pad sta so w nocy na njedźelu w Klóšterskej Nowej Wsy pola Kulowa. Tam zhubichu so cyła kuča – tak mjenowany marathonowy wóz – a dalše za jěchanje trěbne wěcy. Wěcnu škodu trochuja na něhdźe 6 500 eurow.
Nastroje fuk
Hnašecy. Z najwšelakorišim gratom za dom, dwór a zahrodu su so njeznaći w nocy na njedźelu w Hnašecach zastarali, bohužel nic legalnje. Tam zadobychu so na zahrodowej ležownosći do garaže. Z njeje zhubichu so mały traktor za syčenje trawnika, motorska piła kaž tež freza. Hódnotu rubizny trochuje wobsedźer na 3 000 eurow. Nimo toho načinichu paduši něhdźe 800 eurow wěcneje škody. Kriminalna policija je pad přewzała a pyta nětko za skućićelemi.
FSV Budissa Budyšin
– Berlinski AK 1:3 (0:1)
Zestawa Budissy: Große – Kolan, Fröhlich, Patka, Heppner, Hoßmang, Kral, Walther, Salewski, (69. Kunert), Reher, Hansch (79. Čermák)
Posledni hrajny dźeń w regionalnej koparskej lize měješe wo čole tabulki rozsudźić. Berlinski AK a FSV Zwickau měještej samsnu ličbu dypkow a nimale samsny wrotowy poměr. Zwickau z jednymi wrotami wjac na konće hraješe w Schönbergu a Berlinski AK w Budyšinje. Za tudyšich 750 přihladowarjow běše to wězo napjata wěc. Při sćoplenju zrani so Christoph Klippel, a za njeho hraješe Max Fröhlich. Do hry rozžohnowachu zamołwići Budissy mustwoweho nawodu Wolfganga Seilera, kiž bě zastojnstwo 32 lět z krótkim přetorhnjenjom, jako běše pola Jednoty Kamjenc, wukonjał.
Koparjo Budissy Budyšin započachu koncentrowanje a mějachu tež hnydom móžnosći přez Rehera (4.) a Walthera (17.). Dale a lěpje pak namakachu so hosćo do hry, a wrotar Marek Große dyrbješe dwójce zapřimnyć (18., 24.). Do přestawki padnychu hišće zasłužene wrota za AK Berlin přez Kahlerta (36.).
Pedagogojo-volleyballisća Serbskeho gymnazija Budyšin (SGB) su sej po sydom lětach zaso titul wokrjesneho mištra zawěsćili. Wot lěta 1992 je to nětko dźesaty pokal, kotryž pyši witrinu Budyskeho serbskeho kubłanišća.
Regionalna koparska liga
Budissa Budyšin – Berlinski AK 1:3 (0:1)
1. Zwickau 34 77 : 30 77
2. Berlinski AK 34 68 : 22 77
3. Nordhausen 34 59 : 39 61
4. BFC Dynamo 34 66 : 48 56
5. Neugersdorf 34 52 : 48 54
6. Babelsberg 03 34 49 : 29 53
7. Jena 34 43 : 33 53
8. Neustrelitz 34 53 : 42 51
9. Auerbach 34 52 : 44 50
10. Hertha BSC II 34 52 : 59 48
11. RB Lipsk II 34 49 : 48 44
12. FC Viktoria 34 46 : 62 38
13. Budissa Budyšin 34 46 : 47 37