Z wudaća: póndźela, 05 decembera 2016

Hižo wjacore lěta su Sokołki a Sokoljo třěšneho zwjazka serbskich sportowych towarstwow diskusiji wustajeni, kotraž wjerći so přeco zaso wo mustwo z Pólskeje. Zašły tydźeń je předsydstwo Serbskeho Sokoła reagowało a zdźěliło, zo budźe wupisanje za turněr 2017 jenož za tukrajne cyłki. Jurij Bjeńš je so ze starostu Serbskeho Sokoła Milanom Funku rozmołwjał.

Knježe Funka, zawěsće njebě to lochki rozsud?

M. Funka: Ně, to dyrbju rjec. Móžu pak z čistym swědomjom prajić, zo smy hižo dlěši čas wo tym přemyslowali, što a hdźe móžemy něšto změnić. Diskusije běchu wosebje na dnju turněra a tydźenje po nim. Po tym je so wšo přeco zaso tróšku změrowało. Při wupisanju za 35. turněr pak smy reagować dyrbjeli.

Kak tutón rozsud wobkrućiće, što su přičiny, zo budźeće 2017 bjez wukrajnych mustwow hrać?

ST Nadrózna Hrabowka

– Sokoł Ralbicy/Hórki II 1:1 (1:1)

Zestawa hosći: Cyž – M. Matka, Materna, Šnajder, Čornak, Bogusz, Čórlich, Kobalc, J. Matka, Kurjat, T. Matka

Z jenož jědnaće hrajerjemi nastupi koparska rezerwa Sokoła Ralbicy/Hórki k poslednjej hrě prěnjeje połserije. Běše tuž jasne, zo ma kóždy přez cyły čas hrać. Domjacy hrajachu z wětřikom w chribjeće, a to tež hnydom wužichu. Ralbičenjo w natwarje bul zhubichu a hosćićel startowaše konter. Naposledk docpě Toni Schönach 1:0 (4.). Wotmołwa Sokołow wšak njeje dołho na so čakać dała. Po wólnym kopje Symana Bogusza Jurij Matka z hłowu wuruna (18.). Nimale by Markus Kobalc z hłowu dalše wrota docpěł, pospyt pak běše přecentralny. Domjacy mějachu wjetše hrajne podźěle. Z hižo mjenowanym wětřikom w chribjeće spytachu woni z dołhimi třělwami k wuspěchej dóńć. Škit hosći pak derje steješe a ničo njedowoli. Nawopak wuhra sej Sokoł dalšu dobru składnosć, jako docpě flanka Měrćina Kurjata. Z 13 metrow pak běše jeho kop njeprecizny (35.).

Awtor dźensa

Jan Hrjehor

Biskopičanskemu koparskemu hooliganej wčera zawěsće derje njebě, jako w Biskopicach z awtom wokoło róžka na parkowanišćo při kumštnym trawniku přijědźech. Sekundu do toho bě so wón mjenujcy chětro wěsty čuł a z wulkim wjeselom praskotak na parkowanišću zapalił. Silwesterski praskotak, kotryž bě za holče koparske mustwo RB Lipsk mysleny, 20 metrow před mojim awtom na to wótře rozbuchny. Rowdy, schowany pod wulkimi čornymi słónčnymi nawočemi, so do stadiona běžo hišće raz wobroći, dokelž čuješe so wote mnje a syna lepjeny. Jako so potom w stadionje tež hišće z wulkim teleobjektiwom pokazachmoj, bě tarnowanje­ zwrěšćiło a wuraz wobliča rowdyja běše nadobo w njezbožownym modusu.

Rakečanske ST

– Sokoł Ralbicy/Hórki 4:1 (4:1)

Zestawa hosći: Ch. Gloxyn – Matka, von Köding, B. Bjeńš, Bejma, Šewc (28. Domaška), Schultz, S. Bjeńš, D. Gloxyn, Wałda (70. Kurjat), Korjeńk

Byrnjež trenar koparjow Sokoła Ralbicy/Hórki Thomas Schultz z Pětrom Domašku, Bosćijom Bejmu a Gabrielom Kurjatom hnydom třoch sylnych nadběhowarjow w kadrje měł, so wón rozsudźi wšitkich třoch najprjedy raz na ławce sedźo wostajić. Přičina toho bě wurjadny wuspěch Sokołow před tydźenjomaj w Kumwałdźe, hdźež bjez nadběhowarja wonkowne dobyće swjećachu. Tak hrajachu nětko samsni jědnaćo hišće raz, tónkróć pak bě wšo hinak. Snano dyrbjeli při sćoplenju sudnika hižo raz narěčeć, hač nochce hru wupadnyć dać. Trawnik bě njesměrnje zmjerznjeny a na hładkej trawje so hrajerjo wobsuwachu. Prawa kopańca scyła móžna njebě. Hosćo pak njeskoržachu a sudnik Nils Fiedler hru zahwizda­.

Wokrjesna koparska wyša liga

Ćisk – Kulow5:0 (1:0)

Bukecy – Großröhrsdorf 2:2 (1:1)

Hnašecy-Dobruša – Kumwałd 1:1 (0:1)

Rakecy – Ralbicy/Hórki 4:1 (4:1)

Ramnow – Wojerecy3:2 (2:2)

Ottendorf-Okrilla – Połčnica 4:3 (3:1)

Kinspork/Łužnica – Wjelećin 0:2 (0:1)

1. ST Ćisk  13 50  :  6 39

2. Rakečanske ST 14 39  :  22 28

3. SC Großröhrsdorf 14 19  :  11 24

4. Sokoł Ralbicy/Hórki 14 35  :  21 23

5. Póst Germania Budyšin 13 24  :  24 21

6. ST Kinspork/Łužnica 14 28  :  23 20

7. Motor Kumwałd 14 24  :  28 20

8. Módro-běli Kulow 14 26  :  26 19

9. ST Hnašecy-Dobruša 13 25  :  26 19

10. Wojerowski FC 14 26  :  30 16

11. Drohotka Ramnow 14 23  :  28 16

12. LSV Hory  13 33  :  25 15

13. FV Ottendorf-Okrilla  14 21  :  37 15

14. TSV Połčnica  14 22  :  35 11

15. Zeleno-běli Bukecy 14 23  :  47 11

16. ST Wjelećin 14 22  :  51 8

krajna liga

Eilenburg – Kamjenica 4:0 (1:0)

Hohen.-Ernstthal – Wocl Riesa 3:1 (2:0)

Grimma – Glauchau3:2 (0:0)

Zwenkau II – Niska0:3 (0:0)

Lößnitz – Reichenbach 1:1 (1:1)

Freiberg – Taucha2:1 (1:0)

1. FC Eilenburg 14 39  :  10 36

2. Jednota Kamjenc 14 34  :  13 32

3. FC Grimma 13 27  :  14 30

4. Wocl Riesa 14 30  :  25 25

5. Hohenstein-Ernstthal 14 33  :  21 23

6. VfL Pirna-Copitz 13 25  :  18 23

7. Rapid Kamjenica 14 26  :  26 18

8. Niska 13 18  :  17 16

9. Glauchau 14 25  :  30 14

10. Markkleeberg 12 21  :  27 14

11. FC Reichenbach 14 13  :  21 13

12. FC Lößnitz 14 12  :  25 13

13. SG Taucha 14 16  :  33 9

14. Freiberg 14 22  :  44 9

15. Zwenkau II 13 14  :  31 6

16. Žołto-běli Zhorjelc 0 0  :  0 0

Milan Hrabal z nowostki čitał

Praha. Składnostnje stotych narodnin Jurja Brězana čitaše Varnsdorfski spisowaćel Milan Hrabal sobotu w Praskim Serbskim seminarje ze swojeje nowostki „Přiběhy o vodě“. Zakład knihi je němskorěčna publikacija Brězana „Geschichten vom Wasser“, kotruž bě wón zhromadnje z nawodnicu Varnsdorfskeje biblioteki Ilonu Martinovskej přełožił.

Basnje wo słowjanskim herbstwje

Neustadt an der Orla. Publicist dr. Baal Müller z Treuenbrietzena je pod hesłom „Wendische Fahrt“ basnje wo słowjanskim herbstwje wozjewił. Jedyn kapitl knihi, kotruž je nakładnistwo Arnshaugk w Neustadće an der Orla wudało, wěnuje so tež Łužicy. Baal Müller angažuje so na polu słowjanskeho pohanstwa.

Šiman za razniše kontrole

Budyšin. Zapósłanc CDU w Sakskim krajnym sejmje Marko Šiman žada sej hnydomne naprawy přećiwo organizowanym cwólbam, kotrež ludźi ilegalnje do Europy pašuja. Tak měli so po wšej Europje zaso pomjezne kontrole dołhodobnje zawjesć. „Njemóžemy so na Schengenski rum spušćeć“, rěka w pjatk wozjewjenej zdźělence Šimana.

Wjace hač 50 ludźi wobdźěli so wot minjeneho pjatka hač do wčerawšeho na swójbnym kóncu tydźenja, kotryž je Smjerdźečanske kubłanske srjedźišćo LIPA w Smochčanskim Domje biskopa Bena přewjedło. Mjeztym zo starši na přednoški słuchachu a gymnastiske zwučowanja wotměwachu, starachu so kubłarki wo zaběru z dźěćimi (hlej tež 4. stronu). Foto: Alfons Handrik

Na 12. serbskim dnju sakskeje a braniborskeje frakcije Lěwicy minjeny pjatk w Lipsku je wukubłanje serbskich wučerjow w srjedźišću stało. Cordula Ratajczakowa rozmołwješe so z rěčnikom za naležnosće serbskeho ludu sakskeje frakcije Lěwicy Hajkom Kozelom.

Kak sće žadanja Domowiny nastupajo kubłansku politiku wobjednali?

H. Kozel: Předsyda Domowiny Dawid Statnik předstaji nam stejišćo třěšneho zwjazka. Wuchadźišćo je, zo budźe hač do lěta 2025 w Hornjej Łužicy njedostatk 99 wučerjow. Mizera je wulka – serbske šule njebudu pobrachowacych šulerjow, ale wučerjow dla wohrožene. Tohodla žada sej Lěwica w Sakskim runje kaž w Braniborskim krajnym sejmje, zo njesmě so tónle fakt znjewužiwać za zawrjenje serbskich šulow. Wočakujemy jasne wuprajenje knježerstwow, zo wšitke serbske šule wostanu.

Jednaćelski direktor Lipšćanskeho Instituta za sorabistiku prof. Edward Wornar je Was wo aktualnym stawje wukubłanja serbskeho dorosta w instituće informował. Što sće k tomu wobzamknyli?

Domowina a energijowy koncern LEAG lětnu rozmołwu wotměłoj

Rowno (SN/JaW). Předewzaće Łužiska energija hórnistwo AG a Łužiska energija milinarnje AG (LEAG) wuznawa so k zamołwitosći napřećo serbskej ludnosći we Łužicy. To wobkrućichu zastupnicy zawoda minjeny pjatk na Rownjanskim Njepilic statoku. Tam běchu so naslědnicy Vattenfalla a Domowina k lětnemu wuradźowanju zešli, kaž ze zhromadneje nowinskeje zdźělenki wuchadźa. „Tež za lěto 2017 wostanje zrěčenje, kotrež běštej Vattenfall a třěšny zwjazk serbskich towarstwow lěta 2007 prěni raz podpisałoj, zakład zhromadneho dźěła. LEAG podpěruje klětu dale serbske wobydlerstwo w brunicowym regionje při zachowanju a wuwiwanju socialneje a etniskeje identity“, rěka w zdźělence.

Fotografija steješe w srjedźišću swójbneho popołdnja, kotrež je Budyski Serbski muzej wčera wuhotował. Tak móžachu so ludźo z fachowcami rozmołwjeć, a dźěći mějachu runje tak swoje wjeselo.

Budyšin (CS/SN). K wopytowarjam swójbneho popołdnja słušeše wčera tež předsyda Domowiny Dawid Statnik, kiž bě z swójbu do Budyskeho Serbskeho muzeja přišoł. Zhromadnje z mandźelskej Francisku a dźěćimi Matejom, Sofiju a Jakubom je so wón tam historisce fotografować dał. Za to běchu tam organizatorojo kulisu kaž za čas wowkow a dźědow natwarili. Historisku kameru běchu sej w Połčničanskim muzeju wupožčili. Skónčnje pak nasta wobraz tola z modernej kameru. Za fotografiju móžachu so ludźo historiske dźěle narodneje drasty woblec. Wobraz wućišćachu ze sepia-barbnym wotsćinom. Dźěći móžachu za to wotpowědne ramiki twarić.