Z wudaća: srjeda, 26 apryla 2017

Lipsk. We wobłuku Lipšćanskeho serbskeho nalěća 2017 wotměja so we wulkoměsće wjacore zarjadowanja ze serbskej a mjeńšinowej tematiku. Jedne budźe jutře,­ štwórtk, w 17 hodź. w Europskim domje (Markt 10). Tam porěči Werner Měškank wo wjerchu Pückleru a jeho poměrje­ k Serbam. Wšitcy zajimcy su wutrobnje přeprošeni.

Za jězbu so přizjewić

Ramnow. Lětuša Ramnowska hrodowa kołojězba konjacych zapřahow wotměje so njedźelu, 21. meje. Za jubilejnu 20. kołojězbu planuja organizatorojo jěchanskeho towarstwa Hufnagel wosebitu čaru.­ Start a cil budźetej před kulisu Ramnowskeho barokneho hrodu. Čara powjedźe wottam přez Biskopicy skład- nostnje 790lětneho wobstaća města. Připołdniša přestawka budźe při Steinaskim lěsnym hosćencu „Zur Finke“. Jězdźerjo­ zapřahow móža so hač do 14. meje pola Reginy a Andreasa Mikus z jěchanskeho towarstwa Hufnagel pod te­lefonowymaj čisłomaj 03594/ 701 365 abo 0171/ 78 92 481 přizjewić. Wuraznje su tež wodźerjo zapřahow z wukubła­nymi konjemi ze serbskich wsow na­mołwjeni so na kołojězbje wobdźělić. Dalše informacije pod www.reitverein-hufnagel.de

Orchester so předstaji

Budyšin (SN/MWj). Z dźensnišeho wida ma kružny wobchad na Budyskej Schliebenowej po wšěm zdaću w 27. kalendrowym tydźenju, potajkim spočatk julija, hotowy być. To zdźěla měšćanske zarjadnistwo w nowinskim wozjewjenju. Hač do toho maja hišće tójšto dźěła. Tak dyrbja na Hasy Clary Zetkin wjacore domy znowa wodowodej, wopłóčkam a płunej přizamknyć. Na Schliebenowej wotstronja kolesowansku šćežku, za to dóstanje chódnik nowu hornju worštu. Dale dyrbja na Hasy Clary Zetkin telefonowe kable hač k Mostej měra wjesć, štož w tymle wobjimje tak planowane njebě. W prěnim prózdninskim tydźenju wot 26. junija staru asfaltowu worštu wotškrabaja a puć z nowej pokryja. Za to kružny wobchad dospołnje zawru, štož je z technologiskeho wida trěbne, ale tež kwality puća dla, kaž w nowinskim wozjewjenju města dale rěka.