Z wudaća: pjatk, 31 julija 2015

Po wjesnych swjedźenjach w Sulšecach, Koćinje a Smjerdźacej swjeća hač do njedźele tež w Róžeńće. Nimo wjacorych sportowych aktiwitow wšitke tři dny (hlej sportowe pokiwy) je tam dźens wječor jedyn-euro-party a jutře wot 14 hodź. dźěćacy swjedźeń z dwěmaj skakanskimaj hrodomaj. Wječor přizamknje so Black-ice-party. Za njedźelu su sej zamołwići dalše překwapjenki přemyslili. Zańdźene dny běchu młodostni a dalši pilni pomocnicy ze wsy na swjedźenišću při putniskej łuce wšitko spřiho­towali, wčera dotwarištaj mjez druhim Bosćij Bjeńš a Stanij Šewc (wotlěwa) baru w małym stanje. Foto: Alfons Handrik

Pjatk 31.7.–2.8.  Wjesny swjedźeń w Róžeńće 

  19:30 Swójbna ekskursija „Njetopyr – hońtwjer nocy“ w Kamjenskim Muzeju zapadneje Łužicy

  20:00 Koncert Wolgaskich kozakow we Wojerowskej Janskej­ cyrkwi

Sobotu 1. –2.8.  Dumperowe mišterstwa w Baćonju

   Wjesny a domizniski swjedźeń w Jitru 

17. błótowski kórkowy swjedźeń w Gólišynje

  9:00 Wustajeńca rasowych nukli we Łutowskej kulturnej­ bróžni

  10:00 4. dźeń rangerow w Domje tysac hatow w Stróži

  13:30 Jězbny dźeń Zhorjelskeje parkoweje železnicy

  14:00 Łapanje kokota na Běłej Gorje a w Turjeju

  17:00 Pišćelowy koncert w Kamjenskej klóšterskej cyrkwi­ swj. Hany

  18:00 Dołha nóc wuměłstwa a rjemjeslnistwa w Bórkowach­

  22:00 Nowa comedyshow z Tatjanu Meissner we Wojerow­skej Łužiskej hali

Njedźelu 2.8. 9:00 Pućowanje z přirodoškitnym zwjazkom Nabu po Dubrjenskim bahnje

  9:00 Měnjenska bursa filatelistiskeho towarstwa w jědźer­ni Budyskeho pósta

Wutoru 4.8. 14:00 Paslenje z grotom w Budyskim Serbskim muzeju

  14:00 „Lěsni běharjo“ – wotkrywanska tura w Kamjenskim Muzeju zapadneje Łužicy

Srjedu 5.8. 18:00 Poswjatokowa kolesowarska tura zastanje při Budy­skej Boha­tej wěži

Njedźelu hornjoserbsce

11:00 Łužica tónle tydźeń z „wjedrowanjom“ w awgusće

11:20 Nowe hudźbne nahrawanja

11:45 To a tamne wo padustwach

12:00 Nabožne wusyłanje

(Christoph Rummel)

po tym Zbožopřeća

delnjoserbsce

12:30 Aktualny magacin, mjez druhim wo wustajeńcy molerja Jana­ Buka w Choćebuskim Serbskim muzeju

13:00 Serbske ludowe spěwy „Wjerś mě w rejce“

13:30 Nabožne wusyłanje

(Christiana Piniekowa)

13:40 Zbožopřeća

Budyšin (SN). Spočatk wulkich prózdnin wotmě so 11. mjezynarodny festiwal „Łužica“. Serbske rejwanske a folklorne skupiny běchu sej lětsa dwanaće wukrajnych cyłkow přeprosyli, zo bychu wone publikum z kulturnym wulětom wokoło swěta zahorili. Mjez 700 sobuskutkowacymi běchu wuměłcy z Mexika, Paraguayja a Indiskeje, ale tež ze susodneje Pólskeje a Čěskeje. Wuhladko w swojim jutřišim wusyłanju w 11.30 hodź. w telewiziji MDR wo tym rozprawja.

Milena Vettrainowa bě wot lěta 2010 intendantka Serbskeho ludoweho ansambla, je najwjetšu serbsku instituciju we wichorojtych časach přestrukturo­wanja nawjedowała. Srjedź měsaca je zastojnstwo naraz złožiła. Wjace wo tym zhoniće jutře we Wuhladku.

Swjedźeń z programom

Jitro. Jutře, 1. awgusta, wotměje so w Jitru (Milstrich) pola Wóslinka wjesny a domizniski swjedźeń. Z kofejowej taflu a čerstwym tykancom jón wobydlerjo w 14.30 hodź. při wjesnym zetkawanišću zahaja. Wot 15.30 hodź. budźe pisany program „hudźbne pućowanje“, mjez druhim z orientaliskej rejwanskej show a šlagrami. Wot 17.30 hodź. wubědźuja so wohnjowi wobornicy z wokolnych wsow w hašenju wo pokal Jitrowskeho wjesneho kluba. Wječor přizamknu so reje. Dźensa je tam wot 22 hodź. wulka elektroparty Accord of Sounds.

Koncert pod hołym njebjom

Smječkecy. Loni w Haslowje a tónkróć w Smječkecach: Jedyn z hudźbnych wjerškow lěta budźe w Serbach sobotu, 8. awgusta, wot 20 hodź. Night-openair. Za to su sej organizatorojo serbsku skupinu JANKAHANKA přeprosyli. Na hosći čaka zaso wulka liveshow z premjeru noweho spěwa „Rozsudy“. Hercy maja sylnu podpěru z Drježdźanskej Paisley-band. Li­sćiki su hižo na předań, mjez druhim w Hrjehorjec wobchodźe w Róžeńće.

Za kurs so hišće přizjewić

Dumpery a liliputy jězdźa

3. běh wo němske dumperowe mišterstwa budźe njedźelu w 14 hodź. w Baćonju. Wot 11 hodź. přewjedu tam hižo kwalifikaciske wubědźowanja. Njedźelu popołdnju budu w Baćonju tež liliputy jězdźić. Lady’s-cup a regionalne wurisanje stej jutře, sobotu, wot 16 hodź.

Sport na wjesnym swjedźenju

Wjesny swjedźeń w Róžeńće steji lětsa cyle w znamjenju sporta. Dźensa we 18.30 hodź. wubědźuja so wohnjowe wobory, jutře w 14 hodź. budźe volleyballowy turněr a njedźelu w 16 hodź. olympiada ze staršimi a dźěćimi.

Běhać za dobry skutk

W sakskej stolicy běhaja jutře, sobotu, za dobry skutk. Financielny dobytk dóstanje Drježdźanska uniklinika Carla Gustava Carusa za terapije přećiwo rakej. Start a cil budźetej při uniklinice na Fiedlerowej. Přizjewjenja su móžne hišće pod www.baer-service.de.

Pokalna hra přesunjena

W Budyskim rewěrje awtodróhoweje policije zakónčichu dźensa dopołdnja oficialne zawjedźenje digitalneho škričkowanja za wšitke zarjady a organizacije z wěstotnymi nadawkami Budyskeho wokrjesa. Thomas Drägler, wohnjowy mišter Budyskeje měšćanskeje wobory, mjez druhim nowinarjam demonstrowaše, kak nowa technika w jězdźidle funguje. Foto: SN/M. Bulank

Loni w decembru je Marko Paška w Halštrowje njedaloko torhošća swój pochowanski institut wotewrěł. Mło­deho­ Serba su w němskim městačku jako­ wobchodnika přećelnje přiwzali.

Halštrow (SN/mwe). 27lětny Marko Paška, pochadźacy z Wotrowa, je so ze swojim pochowanskim institutom w Halštrowje zažiwił so tam derje čuje. Na wulkim wukładnym woknje běrowa steji nimo­ němskeho tež serbski napis. Tole ma młody muž, kiž je w Budyskim Schilderec­ pochowanskim předewzaću přistajeny a so tuchwilu na mištra wukubłuje, za samozrozumliwe. Wšako mějachu a maja Serbja Pančičanskeje gmejny a dalši dobry poćah k městačku z 2 899 wobydlerjemi. Něhdy su tam wobstajnje a prawidłownje nakupowali, kaž we wikowanskim drustwje BHG. Chór Lipa je wospjet spěwanje pod 413 metrow wy­sokej Čornej horu sobu wuhotował, a někotryžkuli nadarjeny serbski pachoł je tam po pisće jako alpinski sněhakowar horu dele smalił.

Nowe postajenja za žłobik, pěstowarnju a hort

Pančicy-Kukow (SN/mwe). Z dwěmaj napřećiwnymaj hłosomaj je gmejnska rada Pančicy-Kukow na swojim wčerawšim posedźenju w Lejnje zwyšenje staršiskich přinoškow za žłobik a pěstowarnju we Wotrowje a Pančicach-Kukowje kaž tež za hort Šule Ćišinskeho wobzamknyła. Hižo w lěće 2013 běchu so tamniši ra­dźićeljo k tutym zwyšenjam na zakładźe za gmejnu płaćiwych postajenjow Sakskeje zawjazali.

Wot 1. oktobra změja starši za swoje prěnje dźěćo w žłobiku na dźewjeć hodźin hladanskeho časa měsačnje 183,51 eurow płaćić, dotal 160 eurow. Tohorunja za prěnje dźěćo a dźewjeć hodźin hladanskeho časa płaći přebytk we Wotrowskej a Pančičanskej pěstowarni město dotal 90,95 wot oktobra měsačnje 110,48 eurow. Za hort su přinošk na 64,63 eurow­ zběhnyli, dotal płaćeše wšědnje šěsćhodźinski­ přebytk prěnjeho dźěsća w horće na měsac 53,21 eurow.

Budyšin (SN). W srjedźišću njedawneho wuhódnoćenja dopóznaćow wobydlerjow k planowanemu twarej kružneho wobchada na Budyskej Schliebenowej stejachu kolesowarjo. Wšako mnozy twjerdźa, zo su woni pod tuchwilnymi wobstejnosćemi w kruhu wohroženi. To nastupa jich wěstosć na jězdni runje tak kaž­ před a za kruhom. Wobydlerjo, kotřiž test nachwilneho kružneho wobchada před Mostom měra cyle dokładnje wobkedźbuja, twjerdźa, zo njejsu kolesowarjo pod tuchwilnymi wob­stejnosćemi wěsći. Wodźerjo wosobowych a nakładnych awtow na nich mało dźiwaja, wosebje hdyž ze wšěch směrow do kružneho wobchada jědu. Z měšćanskeho zarjadnistwa wšak skedźbnjeja w tym zwisku na nadróžnowobchadny porjad, kotryž ma kolesowarjow za runohódnych wobdźělnikow wobchada. Kolesowar w kružnym wob­chadźe móže tuž bjezdwěla awta wot­prawa přesćahnyć, zo by so tak jězdźidłam zady so na chódnik wuwinyć móhł. Na kóždy pad připrawja při twarje noweho kružneho wobchada škitne smuhi za kolesowarjow. Tak je jich čara při dróze dokładnje markěrowana a šo­ferow namołwja kedźbować.