Pjatk 21.10. 19:00 Kermuška dekanatneje młodźiny w Chrósćicach
19:00 Kulowska nakupowanska nóc
Sobotu 22.10. 9:00 Fachowa kubłanska konferenca w Chrósćicach
11:00 Oktoberski swjedźeń w Čornochołmčanskim Krabatowym młynje
19:00 Popowy a soulowy koncert z „Die Herrmann“ w Slepjanskej cyrkwi
19:30 Inscenacija NSLDź „Do dźěła zdar!“ we Worklecach
Njedźelu 23.10. 11:00 Čitanje z Jurjom Kochom w Budyskim Dźiwadle na hrodźe (wot 10 hodź. poskićuja snědań)
15:30 Nazymski koncert z Přezpólnymi we Wojerowskim wobydlerskim centrumje
17:00 Inscenacija NSLDź „Do dźěła zdar!“ na žurli Konječanskeho towarstwoweho domu Delany
Póndźelu 24.10. 9:00 5. žonjacy dźeń strowoty pod hesłom „Ně k namocy přećiwo zbrašenym žonam“ w Smochčanskim Domje biskopa Bena
Wutoru 25.10. 19:00 Zwučowanje hotowanja družki na Kulowskej starej šuli
Srjedu 26.10. 18:00 Zjawne wodźenje po wosebitej wustajeńcy „Wotmolowane“ w Budyskim Serbskim muzeju
19:00 Zjawna bjesada k temje „Fotografija jako dokument a dopomnjenka“ w Budyskim Serbskim muzeju
19:00 Literarno-hudźbne zarjadowanje z Jurjom Kochom a Matthiasom Kießlingom „Windrad auf dem Dach“ w Choćebuskim měšćanskim muzeju
njedźelu, hornjoserbsce
11:00 Łužica tutón tydźeń, mjez druhim wo kubłanskej konferency Rěčneho centruma WITAJ
11:20 25 lět Załožba za serbski lud
11:45 Tema tydźenja: kirbsy
12:00 Nabožne wusyłanje
(Beno Jakubaš)
po tym zbožopřeća
delnjoserbsce
12:30 Aktualny magacin, mjez druhim wo 25lětnym wobstaću Załožby za serbski lud
13:00 K 100. posmjertnym narodninam dr. Frida Mětška
13:30 Nabožne wusyłanje
(Cyril Pjech)
po tym zbožopřeća
Dźiwadło sej wobhladać
Budyšin. Po premjerje inscenacije NSLDź „Do dźěła zdar!“ před tydźenjom slěduja nětko dalše předstajenja. Wone budu jutře, sobotu, w 19.30 hodź. na žurli Worklečanskeho hosćenca „Při kupowym haće“ a njedźelu, 23. oktobra, w 17 hodź. w Konjecach na žurli. Sobotu, 29. oktobra, móža zajimcy inscenaciju w 19.30 hodź. w Lejnjanskim Kubicec hosćencu dožiwić.
Na nazymske koncerty
Jěchanski turněr w Jěžowje
Na Grofic jěchanskim dworje w Jěžowje maja wot dźensa do njedźele jěchanski a skakanski turněr za nowačkow a wólnočasnych jěcharjow. Jutře steji wot 8 hodź. do 18 hodź. dresura w srjedźišću, njedźelu změja za skakanje sydom wšelakich parcoursow spřihotowane.
Volleyball w Ralbicach
Worklečanske volleyballistki a volleyballisća su jutře, sobotu, cyły dźeń w Ralbičanskej ćěłozwučowarni. Wot 10 hodź. hraja Worklečanki we wobwodnej klasy přećiwo holcam VV Žitawy 09 III a volleyballistam z Hamora/Běłeje Wody. Wot 14 hodź. su Ralbičansku sportowu halu Worklečanscy volleyballisća knihowali. Načolnik wobwodneje ligi wočakuje OSC Lubij a VfB Zhorjelc.
Sakska přećiwo Pruskej
Wutoru, 15. nowembra, wuhrajetej Pěskečanska a Sulšečanska młodźina koparski duel „Sakska přećiwo Pruskej“. Hrać budźe so w Pěskecach, a to wot 18.30 hodź. pod swětłomjetakami.
Počuchać a šach hrać
We wobłuku KOMM-PROJEKTA zarjaduje Sportowy zwjazk Budyšin 22. oktobra w Budyšinje w Kamjentnym domje wot 9 do 12 hodź. móžnosć, so w sportowej družinje šach wuspytać.
Wón je młodźinski, čerstwy duch a wětřik sobu do iniciatiwneje skupiny za demokratisce legitimowane ludowe zastupnistwo Serbow – Serbski sejm přinjesł. Ze swojej stawizniskej a politiskej wědu wón nowe aspekty tutej iniciatiwje dawa. Jeho wosebity angažement tež kóždy začuwaše, dožiwjejo 25lětneho Worklečana Alexandera Pólka 5. septembra we wobłuku 1. Budyskeho demokratiskeho tydźenja na zjawnym forumje z temu „Sejm dobudźe na spěšnosći – zwažimy so na demokratiju“. Na nim je so wón sobu zasadźował, zo so prawa a zajimawa diskusija kaž tež sobudźěło młodych a staršich nimale 80 wobdźělnikow wuwiwaše. Student wot 2010 na Drježdźanskej Techniskej uniwersiće, kotryž klětu w měrcu swój masterski studij zakónči, chce wědomostnje na polu stawiznow, tež serbskich, skutkować.
Kóždolětnu přewšo woblubowanu čitanku w maćeršćinje – klětušu Serbsku protyku – je Ludowe nakładnistwo Domowina zaso swěrnym čitarjam do rukow dało. Kaž hižo něšto lět je tež tuta najbóle čitana serbska edicija LND zaso jednomu městnu našeje domizny wěnowana. Tónraz je to wosadna wjes Bukecy na narańšej mjezy serbskeho sydlenskeho ruma. Titulny wobraz Tomaša Šołty poskića rjany pohlad na wjes w pahórkatej krajinje, kotruž barokna cyrkej z wysokej wěžu daloko přesahuje a tak wo prawosći jeje němskeho mjena Hochkirch swědči. Reportaža z barbnymi fotami zeznajomi čitarja z idyliskim zymskim napohladom wsy, z historiskim hosćencom Stary Fryc a z chodojtypalenjom.
Zhorjelc je łužiske město, chowace we sebi jara wjele kulturnje a historisce zajimaweho. K tomu přinošuja tež jeho wšelake muzeje, wopyt w tutych so stajnje zaso wudani. Alfons Wićaz je so wo tym z direktorom Zhorjelskich zběrkow za stawizny a kulturu, Jasperom von Richthofenom, rozmołwjał.
Što byšće wopytowarjej města namjetował, sej w Zhorjelcu na kóždy pad wobhladać?
Jasper von Richthofen: Ja bych wězo na prěnim městnje naše Zhorjelske zběrki, naš swójski dom z kulturnohistoriskim muzejom mjenował. Móžeš pak hišće wjele wjace mjenować. Tak mamy hač do 23. oktobra rjanu wustajeńcu w muzeju Kaisertrutz. Tam pokazamy Zhorjelske wobrazy, kotrež smy z našeho měšćanskeho archiwa zwuběrali. Tute njejsu z wěstosću hišće Zhorjelčenjo a tamni Łužičenjo wuhladali. To su wšelake pohlady z rozdźělnymi temami. Tam su tež widźeć starše symbole města, najwšelakoriše historiske wěcy – wot fotow hač k molerstwu a najstaršemu napohladej města.
Wot 1. januara přetwarjeja Serbski muzej w Choćebuzu. Zo bychu wopytowarjo najwjetšeho łužiskeho města přiwšěm móžnosć měli, so wo serbskich stawiznach informować, su dnja 28. septembra z pomocu eksponatow ze składa tamnišeho Serbskeho muzeja wosebitu wustajeńcu pod hesłom „Zachowane drogostki“ (Zachowane drohoćinki) w Měšćanskim muzeju Choćebuz wotewrěli. Tule su hač do oktobra 2017 wustajene swědčenja delnoserbskeje kultury wot 16. lětstotka hač do našeho časa.