MIDAS z nowym sekretarom

Dienstag, 05. Juni 2018
Artikel bewerten
(0 Stimmen)
Dr. Günther Rautz (nalěwo) je funkciju generalneho skeratara MIDAS po 17 lětach złožił. Za njesebične a kreatiwne dźěło dźakowaše so jemu čłon předsydstwa MIDAS a šefredaktor němskeho dźenika w Južnym Tirolu Dolomiten dr. Toni Ebner (srjedźa) w mjenje wšitkich čłonow zjednoćenstwa z pućowanskim dobropisom. Nowy generalny sekretar MIDAS je Južnotirolčan Marc Röggla (naprawo).  Foto: Janek Wowčer Dr. Günther Rautz (nalěwo) je funkciju generalneho skeratara MIDAS po 17 lětach złožił. Za njesebične a kreatiwne dźěło dźakowaše so jemu čłon předsydstwa MIDAS a šefredaktor němskeho dźenika w Južnym Tirolu Dolomiten dr. Toni Ebner (srjedźa) w mjenje wšitkich čłonow zjednoćenstwa z pućowanskim dobropisom. Nowy generalny sekretar MIDAS je Južnotirolčan Marc Röggla (naprawo). Foto: Janek Wowčer

Günther Rautz ze zastojnstwa rozžohnowany

Bozen (SN/JaW). Europske zjednoćenstwo nowin w mjeńšinowych a regionalnych rěčach (MIDAS) ma noweho generalneho sekretara. Na swojej minjenej hłownej zhromadźiznje w Ostravje su zastupnicy 27 čłonskich mjeńšinowych dźenikow – mjez nimi tež Serbske Nowiny, kotrež zastupowaše šefredaktor Janek Wowčer – Južnotirolčana Marca Rögglu do zastojnstwa powołali. 31lětny je jurist a slědźer Instituta za mjeńšinowe prawa na Europskej akademiji EURAC Bozen, priwatnym centrumje za nałožowane slědźenje. Tam mjeztym něhdźe pjeć lět tež za MIDAS skutkuje.

Marc Röggla naslěduje dr. Günthera Rautza, kiž je funkciju po 17 lětach z wosobinskich a powołanskich přičin złožił. „Wot spočatka lěta sym nawoda Instituta za mjeńšinowe prawa při EURAC, tuž ­njeje hižo telko chwile za nadawki ­MIDAS. Přiwšěm sym přeswědčeny, zo maće z Marcom Rögglu hibićiweho a spušćomneho noweho generalneho sekretara. Wostanu pak MIDAS a wam dale swěrny“, dźakowaše so Rautz přitomnym žurnalistam za lěta spomóžneho zhromadneho dźěła.

Veröffentlicht in Medije
Bitte anmelden, um einen Kommentar zu posten

Anzeige

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.